Sidharth Kiara Wedding Video : बॉलिवूड अभिनेत्री कियारा आडवाणी (Kiara Advani) आणि सिद्धार्थ मल्होत्रा (Sidharth Malhotra) नुकतेच लग्नबंधनात अडकले आहेत. 7 फेब्रुवारीला जैसलमेरमधील एका महालात त्यांचा शाही विवाहसोहळा पार पडला. लग्ननंतर त्यांचे लग्नसोहळ्यातील फोटो आणि व्हिडीओ सोशल मीडियावर व्हायरल होत आहेत. दरम्यान कियाराने लग्नसोहळ्यातील एक व्हिडीओ चाहत्यांसोबत शेअर केला आहे. या व्हिडीओमध्ये दोघांचा रोमॅंटिक अंदाज पाहायला मिळत आहे.
कियाराने सोशल मीडियावर एक व्हिडीओ शेअर केला आहे. दोघांच्या वेडिंग लुकने सर्वांचं लक्ष वेधून घेतलं आहे. तसेच या व्हिडीओमध्ये कियारा आणि सिद्धार्थ एकमेकांना वरमाला घालताना दिसत आहेत. सध्या सोशल मीडियावर कियाराने शेअर केलेला व्हिडीओ चांगलाच व्हायरल होत आहे. व्हिडीओ शेअर करत कियाराने लिहिलं आहे,"07/02/23".
कियारा आणि सिद्धार्थने फोटो शेअर करत चाहत्यांना दिली आनंदाची बातमी (Kiara Advani Sidharth Malhotra Wedding)
बॉलिवूड अभिनेत्री कियारा आडवाणी आणि सिद्धार्थ मल्होत्राने लग्नसोहळ्यानंतर एकमेकांसोबतचे रोमॅंटिक फोटो शेअर करत चाहत्यांना आनंदाची बातमी दिली. फोटो शेअर करत तिने लिहिलं आहे,"आता आमची पर्मनंट बुकिंग झाली आहे. पुढील प्रवासासाठी आम्हाला तुमच्या प्रेमाची आणि आशीर्वादाची गरज आहे". या फोटोवर चाहत्यांनी शुभेच्छांचा वर्षाव केला आहे.
कियाराच्या मंगळसूत्राने वेधलं चाहत्यांचं लक्ष
कियारा आणि सिद्धार्थ लग्नानंतर पहिल्यांदा एयरपोर्टवर स्पॉट झाले आहेत. दरम्यान कियाराच्या मंगळसूत्राने सर्वांचं लक्ष वेधून घेतलं. आजतकच्या वृत्तानुसार, कियाराचं मंगळसूत्र सब्यसाजी मुखर्जीने डिझाइन केलं आहे. या मंगळसूत्राची किंमत 2 कोटी असल्याचे म्हटले जात आहे.
कियारा-सिद्धार्थचं मुंबईत होणार ग्रॅंड रिसेप्शन! (Kiara Advani Sidharth Malhotra Grand Reception)
कियारा-सिद्धार्थचं (Kiara Advani Sidharth Malhotra) नुकतचं दिल्लीत रिसेप्शन पार पडलं असून आता मुंबईत देखील एक ग्रॅंड रिसेप्शन होणार आहे. दिल्लीतील 'द लीला पॅलेस'मध्ये त्यांचं रिसेप्शन पार पडलं आहे. आता 13 फेब्रुवारीला मुंबईत त्यांच्या ग्रॅंड रिसेप्शनचे आयोजन करण्यात आले आहे. लग्नसोहळ्यानंतर आता या ग्रॅंड रिसेप्शनकडे सर्वांचं लक्ष लागलं आहे. या रिसेप्शनला अनेक बॉलिवूड सेलिब्रिटी हजेरी लावणार आहेत.
संबंधित बातम्या