Shivani Surve Ajinkya Nanaware Engagement : शिवानी सुर्वे - अजिंक्य ननावरे यांनी गुपचूप उरकला साखरपुडा; फोटो शेअर करत चाहत्यांना दिली गुडन्यूज

Shivani Surve and Ajinkya Nanaware Engagement Photo : अभिनेत्री शिवानी सुर्वे आणि अभिनेता अजिंक्य ननावरे यांनी गुपचूप साखरपुडा उरकला आहे. फोटो शेअर करत त्यांनी चाहत्यांना आनंदाची बातमी दिली आहे.

Shivani Surve and Ajinkya Nanaware Engagement (Image Source : Instagram/ iam_shivanisurve)

Shivani Surve Ajinkya Nanaware Engagement : मराठी मनोरंजनसृष्टीतील आघाडीची अभिनेत्री शिवानी सुर्वे (Shivani Surve) आणि अभिनेता अजिंक्य ननावरे (Ajinkya Nanaware) यांनी गुपचूप साखरपुडा उरकला आहे. फोटो शेअर करत त्यांनी चाहत्यांना गुडन्यूज दिली आहे. त्यांचे साखरपुड्याचे फोटो सोशल मीडियावर व्हायरल होत आहेत. 

शिवानीने शेअर केले साखरपुड्याचे फोटो

अभिनेत्री शिवानी सुर्वे सोशल मीडियावर सक्रीय आहे. "अखेर बंधनात" असं कॅप्शन देत तिने साखरपुड्याचे फोटो सोशल मीडियावर शेअर केले आहेत. या फोटोंमध्ये (Shivani Surve and Ajinkya Nanaware Engagement Photo)  शिवानी-अजिंक्य खूपच आनंदी दिसत आहेत. चाहत्यांसह सेलिब्रिटींकडून त्यांच्यावर शुभेच्छांचा वर्षाव होत आहे. शिवानी-अजिंक्यने साखरपुडा करत चाहत्यांना सुखद धक्का दिला आहे.

शिवानी-अजिंक्यचा हटके लूक

साखरपुड्यातील शिवानी-अजिंक्यच्या हटके लूकने सर्वांचं लक्ष वेधून घेतलं आहे. अभिनेत्रीने फिकट जांभळ्या रंगाची पार्टीवेअर साडी नेसली होती. त्यावर हिरव्या बांगड्यांचा चुडा घातला होता. तर दुसरीकडे अजिंक्यने पांढऱ्या रंगाचा कुर्ता, जॅकेट आणि त्यावर टोपी घातली होती. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Shivani Surve (@iam_shivanisurve)

'अशी' आहे शिवानी-अजिंक्यची लव्हस्टोरी (Shivani Surve Ajinkya Nanaware Love Story)

शिवानी-अजिंक्यची पहिली भेट 'तू जीवाला गुंतवावे' या मालिकेच्या सेटवर झाली होती. या मालिकेच्या सेटवर हाय-हॅलो करण्यापर्यंतच शिवानी आणि अजिंक्यची मैत्री होती. मालिका संपल्यानंतर त्यांची मैत्री अधिक घट्ट झाली. तसेच मैत्रीपलीकडे काहीतरी आहे, असं त्यांना वाटलं आणि ते पुन्हा एकमेकांना भेटू लागले. 2016 पासून ते एकमेकांना डेट करत आहेत. शिवानी आणि अजिंक्यच्या लग्नाला सुरुवातीला दोघांच्याही घरच्यांचा विरोध होता. 

अजिंक्य आणि शिवानीच्या कामांबद्दल जाणून घ्या

अजिंक्य हा छोट्या पडद्यावरील लोकप्रिय चेहरा आहे. सध्या 'सातव्या मुलीची सातवी मुलगी' या मालिकेच्या माध्यमातून तो प्रेक्षकांचं मनोरंजन करत आहे. मालिका आणि सिनेमांतही त्याने आपल्या अभिनयाची झलक दाखवली आहे. दुसरीकडे देवयानी या मालिकेच्या माध्यमातून शिवानी घराघरांत पोहोचली आहे. नुकतेच तिचे 'वाळवी' आणि 'झिम्मा 2' हे सिनेमे सुपरहिट ठरले आहेत. आता शिवानी-अजिंक्यच्या लग्नाची चाहत्यांना उत्सुकता आहे.

संबंधित बातम्या