Shehzada Trailer released : हिंदी सिनेसृष्टीतील दमदार अभिनेता कार्तिक आर्यनच्या 'शेहजादा' (Shehzada) या चित्रपटाबद्दल प्रत्येकजण खूप उत्सुक आहे. कार्तिकच्या वाढदिवसाच्या मुहूर्तावर 'शेहजादा' चित्रपटाचा टीझर रिलीज करण्यात आला, ज्यामुळे चाहत्यांची उत्सुकता चांगलीच वाढली. आता 'शहजादा'च्या ट्रेलर रिलीजची तारीख निर्मात्यांनी जाहीर केली आहे. एवढेच नाही तर, 'शहजादा'च्या ट्रेलर लॉन्चसाठी निर्मात्यांनी विशेष तयारी केली आहे.
'शेहजादा'चा ट्रेलर कधी रिलीज होणार?
कार्तिक आर्यन स्टारर 'शेहजादा' या चित्रपटाची प्रत्येकजण आतुरतेने वाट पाहत आहे. शुक्रवारी ट्रेड अॅनालिस्ट तरण आदर्श यांनी त्यांच्या अधिकृत इन्स्टाग्राम हँडलवर 'शहजादा'च्या ट्रेलर रिलीजच्या तारखेची माहिती दिली आहे. तरणच्या मते, येत्या 12 जानेवारीला 'शेहजादा'चा दमदार ट्रेलर रिलीज होणार आहे. 'शेहजादा' चित्रपटात कार्तिक आर्यनची खास शैली पाहायला मिळणार आहे. कॉमिक टायमिंगसाठी ओळखला जाणारा कार्तिक 'शेहजादा'मधून पहिल्यांदाच मोठ्या पडद्यावर अॅक्शन मोडमध्ये दिसणार आहे. ज्याची झलक 'शेहजादा'च्या टीझरमध्ये स्पष्टपणे पाहायला मिळणार आहे. 'शहजादा'मध्ये कार्तिक आर्यनशिवाय बॉलिवूड अभिनेत्री क्रिती सेनन (Kriti Senon) आणि मनीषा कोईराला मुख्य भूमिकेत दिसणार असल्याची माहिती आहे.
'शेहजादा'च्या ट्रेलरसाठी मेकर्सनी केली खास तयारी
'शेहजादा'च्या निर्मात्यांनी चित्रपटाचा ट्रेलर लाँच भव्यदिव्य करण्यासाठी विशेष तयारी केल्याचे सांगितले जात आहे. 'शेहजादा'च्या ट्रेलर रिलीजच्या निमित्ताने तीन दिवसीय कार्यक्रम होणार आहे. ज्याची सुरुवात 12 जानेवारीला मुंबईत ट्रेलर लाँचने होणार आहे. यानंतर 13 जानेवारीला 'शहजादा'ची स्टार कास्ट कार्तिक आर्यन आणि क्रिती सेनन जालंधरमध्ये लोहरी साजरी करण्यासोबतच चित्रपटाचा ट्रेलर रिलीज करणार आहे. अखेर 14 जानेवारीला मकर संक्रांतीच्या मुहूर्तावर कच्छमध्ये 'शेहजादा'चा ट्रेलर रिलीज होणार आहे. तर, 'शेहजादा' हा चित्रपट 10 फेब्रुवारीला थिएटरमध्ये प्रदर्शित होणार आहे.
महत्त्वाच्या बातम्या :