Shah Rukh Khan: बॉलिवूडमधील प्रसिद्ध अभिनेता शाहरुख खान (Shah Rukh Khan) हा त्याच्या पठाण (Pathaan) या आगामी चित्रपटाममधून प्रेक्षकांच्या भेटीस येणार आहे. शाहरुख हा अनेकवेळा ट्विटरवर चाहत्यांनी विचारलेल्या प्रश्नांना उत्तर देतो. आता शाहरुखनं पठाण चित्रपट रिलीज होण्याआधी ट्विटरवरील काही युझर्सच्या प्रश्नांची उत्तरं दिली आहे. त्याच्या उत्तरानं अनेकांचे लक्ष वेधलं. 


महिन्याला किती कमावतो?
ट्विटरवर शाहरुखच्या एका चाहत्यानं त्याला प्रश्न विचारला. की, 'तू महिन्याला किती कमावतो?' या प्रश्नाला शाहरुखनं उत्तर दिलं, 'रोज प्रेम खूप कमावतो.'





दुसऱ्या चाहत्यानं शाहरुखला प्रश्न विचारला की, 'खान साहेब तुमची कौटुंबिक पार्श्वभूमी काश्मिरीची आहे तरी देखी तुम्ही नावात खान का लावता?' या प्रश्नाला रिप्लाय देत शाहरुखनं उत्तर दिलं, 'पूर्ण विश्वचं माझं कुटुंब आहे. कुटुंबाच्या नावानं नावं मोठं होतं नाही. कामानं नाव मोठं. छोट्या गोष्टींमध्ये पडून नका.' 






'पठाण चांगला चित्रपट नाही, तू निवृत्ती घे', असं ट्वीट देखील एका नेटकऱ्यानं केलं. या ट्वीटला शाहरुखनं रिप्लाय दिला, 'मोठ्यांसोबत असं बोलू नये.' शाहरुखच्या या रिप्लायनं अनेकांचे लक्ष वेधलं. 






पठाण हा चित्रपट 25 जानेवारीला प्रेक्षकांच्या भेटीला येणार आहे. हिंदी, तामिळ, तेलुगू भाषेत हा सिनेमा प्रदर्शित होणार आहे. सिद्धार्थ आनंदने या सिनेमाच्या दिग्दर्शन केलं आहे. या सिनेमाच्या माध्यमातून शाहरुख खान चार वर्षांनी रुपेरी पडद्यावर पुनरागमन करणार आहे. शाहरुखसोबत दीपिका पादुकोण आणि जॉन अब्राहम यांनी देखील प्रमुख भूमिका साकारली आहे. 


शाहरुखचे आगामी चित्रपट


पठाण व्यतिरिक्त शाहरुख हा राजकुमार हिरानी दिग्दर्शित 'डंकी' या आगामी चित्रपटामध्येही प्रमुख भूमिका साकारणार आहे.  तसेच त्याचा 'जवान' हा आगामी चित्रपट देखील लवकरच प्रेक्षकांच्या भेटीस येणार आहे. शाहरुखच्या आगामी चित्रपटांची प्रेक्षक उत्सुकतेने बघत आहेत. 


वाचा इतर महत्वाच्या बातम्या: 


Shahrukh Khan: 'लग्न ठरलंय, काय करु?', 'तुझा व्हॉट्सअॅप नंबर देतो का?' चाहत्यांच्या मजेशीर प्रश्नांना शाहरुखनं दिली भन्नाट उत्तरं