Sara Ali Khan Release Ae Watan Mere Watan Motion Poster At IFFI 2023 : बॉलिवूड अभिनेत्री सारा अली खान (Sara Ali Khan) सध्या चर्चेत आहे. साराच्या आगामी 'ए वतन मेरे वतन' (Ae Watan Mere Watan) या सिनेमाचं मोशन पोस्टर आता आऊट झालं आहे. 'इफ्फी' (IFFI 2023) या आंतरराष्ट्रीय चित्रपट महोत्सवात या सिनेमाचं पोस्टर आऊट करण्यात आलं आहे.
'ए वतन मेरे वतन'चं पोस्टर आऊट!
सारा अली खानने 'ए वतन मेरे वतन' या सिनेमाचं मोशन पोस्टर सोशल मीडियावर शेअर केलं आहे. अनेक सिनेमांत सारा अली खानचा ग्लॅमरस अंदाज पाहायला मिळाला आहे. पण आता अभिनेत्री आगामी सिनेमात नवा प्रयोग करताना दिसणार आहे. 'ए वतन मेरे वतन' या सिनेमात साराचा एक वेगळाच लूक पाहायला मिळाला आहे.
सारा अली खानने 'ए वतन मेरे वतन' या सिनेमाचं शूटिंग पूर्ण केलं आहे. आता चाहत्यांना फक्त सिनेमाची प्रतीक्षा आहे. 'इफ्फी 2023'मध्ये (IFFI 2023) साराने 'ए वतन मेरे वतन' या सिनेमाचं मोशन पोस्टर आऊट केलं आहे. पोस्टर लॉन्च दरम्यान करण जोहरदेखील (Karan Johar) मंचावर उपस्थित होते.
साराच्या लूकने वेधलं लक्ष
'ए वतन मेरे वतन' या सिनेमाची घोषणा झाल्यापासून सारा अली खान चर्चेत आहे. या सिनेमातील अभिनेत्रीच्या लूकने सर्वांचं लक्ष वेधून घेतलं आहे. मोशन पोस्टरमध्येच अभिनेत्रीचा एक वेगळा अंदाज पाहायला मिळत आहे. पांढऱ्या रंगाची साडी, कपाळावर टिकळी असा साराचा साधा लूक प्रेक्षकांचं लक्ष वेधून घेत आहे. सिनेमाचं मोशन पोस्टर शेअर करत साराने लिहिलं आहे,"साहसी कहानी...या सिनेमाचा भाग असल्याचा मला अभिमान आहे".
'ए वतन मेरे वतन' कधी रिलीज होणार? (Ae Watan Mere Watan Release Date)
'ए वतन मेरे वतन' या सिनेमाची निर्मिती धर्माटिक एंटरटेनमेंटच्या बॅनरअंतर्गत करण्यात आली आहे. करण जोहर आणि अपूर्व मेहता यांनी या सिनेमाची निर्मिती केली आहे. कन्नन अय्यर यांनी या सिनेमाच्या दिग्दर्शनाची धुरा सांभाळली आहे. 'ए वतन मेरे वतन' हा सिनेमा सत्य घटनेवर आधारित आहे. थरार नाट्य असणाऱ्या या सिनेमाची प्रेक्षकांना उत्सुकता आहे. 'ए वतन मेरे वतन' या सिनेमाचं लेखन दरब फारुकी आणि कन्नन अय्यरने केलं आहे. अॅमेझॉन प्राईम व्हिडीओवर हा सिनेमा प्रदर्शित होईल. अद्याप या सिनेमाची रिलीज डेट समोर आलेली नाही.
संबंधित बातम्या