Radhika Merchant : उद्योगपती मुकेश अंबानी (Mukesh Ambani) आणि नीता अंबानी (Nita Ambani) यांचा मुलगा अनंत अंबानी (Anant Ambani) हा राधिका मर्चंटसोबत (Radhika Merchant) लग्नगाठ बांधणार आहे. गुरुवारी (19 जानेवारी) राधिका आणि अनंत यांचा साखरपुडा पार पडला. राधिका आणि अनंत यांच्या साखरपुड्याला अनेक सेलिब्रिटींनी हजेरी लावली. अभिनेता सलमान खान (Salman Khan) हा देखील या सोहळ्यात उपस्थित होता. यावेळी या सोहळ्यालावा सलमानने एका तरुणीसोबत एन्ट्री केली. ही तरुणी कोण आहे? असा प्रश्न अनेकांना पडला.
अनंत अंबानी आणि राधिका मर्चंट यांच्या साखरपुड्याला सलमानने त्याची बहीण अलविरा खान अग्निहोत्रीची मुलगी अलिझेह खान अग्निहोत्रीसोबत हजेरी लावली. यावेळी सलमानची भाची अलिझेह खान अग्निहोत्रीने अनेकांचे लक्ष वेधले. अलिझेह ही 23 वर्षांची आहे. ती सलमानची मोठी बहिण अलवीरा आणि अतुल अग्निहोत्री यांची मुलगी आहे. अलिझेहची आई अलवीरा ही फॅशन डिझायनर आहे.
सलमान आणि अलिझेहचा लूक
सलमानाने अनंत आणि राधिका यांच्या साखरपुड्याला ब्लू सिल्क कुर्ता आणि ब्लॅक शूज अशा लूकमध्ये दिसत होता. तर त्याची भाची अलिझेह ही व्हाईट लेहंगा आणि हातात व्हाईट बॅश अशा लूकमध्ये दिसली.
अलिझेह बॉलिवूडमध्ये करणार पदार्पण?
बॉलिवूडमधील अभिनेता सलमान खानची भाची अलिझेह अग्निहोत्री ही लवकरच बॉलिवूडमध्ये पदार्पण करणार आहे, अशी चर्चा सध्या सोशल मीडियावर होत आहे. सौमेंद्र पाधी यांनी दिग्दर्शित केलेल्या चित्रपटामधून अलिझेह बॉलिवूडमध्ये पदार्पण करणार आहे, असं म्हटलं जात आहे. अलिझेहला इन्स्टाग्रामवर 133K फॉलोअर्स आहे. सोशल मीडियावरील तिच्या पोस्टला नेटकऱ्यांची पसंती मिळते. अलिझेह ही वेगवेगळ्या लूकमधील फोटो सोशल मीडियावर शेअर करत असते.
अँटिलियामध्ये अनंत अंबानी आणि राधिका मर्चंटचा साखरपुडा
मुंबईतील अँटिलिया बंगल्यामध्ये अनंत अंबानी आणि राधिका मर्चंट यांचा साखरपुडा पार पडला. अनंत अंबानी आणि राधिका मर्चंटचा रोका 29 डिसेंबर 2022 रोजी राजस्थानमधील श्रीनाथजी मंदिरामध्ये झाला होता. यानंतर अंबानी कुटुंबाने मुंबईत एंगेजमेंट पार्टीही आयोजित केली होती. लवकरच अनंत अंबानी आणि राधिका मर्चंट हे लग्नबंधनात अडकणार आहे.
वाचा इतर महत्वाच्या बातम्या:
Salman Khan: 'मुलं पाहिजेत पण त्यांची आई नको' सलमान खान असं का म्हणाला?