Rishabh Pant Health Update: क्रिकेटपटू ऋषभ पंतचा (Rishabh Pant) शुक्रवारी भीषण अपघात झाला. अपघातानंतर ऋषभ पंतची आता प्रकृती स्थिर (Rishabh Pant Health Update) आहे. ऋषभवर देहरादून येथील रुग्णालयात उपचार सुरू आहेत. अभिनेता अनिल कपूर आणि अनुपम खेर यांनी नुकतीच ऋषभ पंतची रुग्णालयात भेट घेतली. 'ऋषभसाठी लोकांनी प्रार्थना करावी.' असं आवाहन अनिल कपूर (Anil Kapoor) आणि अनुपम खेर (Anupam Kher) यांनी केलं.
अभिनेते अनिल कपूर आणि अनुपम खेर यांनी ऋषभ आणि त्याच्या आईची भेट घेतली. यावेळी त्यांनी सांगितलं, 'आम्ही ऋषभला आणि त्याच्या आईला भेटलो. त्याची प्रकृती स्थिर आहे. तो लवकर बरा व्हावा, यासाठी लोकांनी प्रार्थना करावी असं आवाहन आम्ही करतो.'
दिल्लीहून परतताना उत्तराखंडमध्ये हम्मदपूरजवळ पंतचा अपघात झाला. ऋषभ पंतचा अपघात झाल्यानंतर त्याला घटनास्थळावरून स्थानिक रुग्णालयात नेण्यात आले. पंतच्या चेहऱ्यावर प्लास्टिक सर्जरी करण्यात आली आहे. डॉक्टरांनी दिलेल्या माहितीनुसार त्याच्या पायाला फ्रॅक्चर झाले आहे. त्यांच्या मेंदूला आणि पाठीच्या कण्याला कोणतीही दुखापत झाली नाही. ऋषभ पंतचे चाहते, त्याची तब्येत लवकर बरी व्हावी, यासाठी प्रार्थना करत आहेत.
ऋषभ पंत आपल्या आईला सरप्राईज देण्यासाठी त्याच्या मूळ गावी रुरकीला जात होता, अशी माहिती मिळाली. यावेळी त्याचा अपघात झाला गाडीला आग लागल्यानंतर बाहेर पडण्यासाठी त्यानं कारची विंडोस्क्रीन तोडली. हरियाणा रोडवेजच्या बसचा चालक आणि इतरांनी त्याला तिथून बाहेर पडण्यास मदत केली, असे हरिद्वारचे वरिष्ठ पोलीस अधीक्षक अजय सिंह यांनी सांगितले. या अपघातात कार पूर्णपणे जळून खाक झाली आहे.
वाचा इतर महत्वाच्या बातम्या: