Rinku Rajguru: अभिनेत्री रिंकू राजगुरू (Rinku Rajguru) ही सोशल मीडियावर (Social Media) वेगवेगळ्या लूकमधील फोटो सोशल मीडियावर शेअर करत असते. सैराट या चित्रपटामुळे रिंकूला विशेष लोकप्रियता मिळाली. तिनं या चित्रपटात साकारलेल्या आर्ची या भूमिकेला प्रेक्षकांची पसंती मिळाली. रिंकू ही सध्या सोशल मीडियावर अॅक्टिव असते. नुकताच रिंकूनं एक खास व्हिडीओ शेअर केला आहे. तिच्या या व्हिडीओनं अनेकांचे लक्ष वेधले आहे.
रिंकू काही दिवसांपूर्वी केदारनाथ येथे ट्रेक करण्यासाठी तसेच तेथील महादेवाच्या मंदिराचे दर्शन घेण्यासाठी गेली होती. रिंकूनं केदारनाथ येथील काही फोटो देखील सोशल मीडियावर शेअर केले होते. आता रिंकूनं एक खास व्हिडीओ सोशल मीडियावर शेअर केला आहे. या व्हिडीओमध्ये रिंकू ही ट्रेक करताना दिसत आहे. रिंकूनं या व्हिडीओला "अविस्मरणीय प्रवास" असं कॅप्शन दिलं आहे. माय फर्स्ट ट्रीप, ट्रेकिंग, केदारनाथ, असे हॅशटॅग देखील रिंकून या व्हिडीओला दिले आहेत. या व्हिडीओमध्ये रिंकू ही हातात काठी घेऊन ट्रेकिंग करताना दिसत आहे तसेच ती पराठा खाताना देखील दिसत आहे.
पाहा व्हिडीओ:
रिंकूने केदारनाथ मंदिराबाहेरचे काही फोटो शेअर केले होते. या फोटोला तिनं "हर हर महादेव" असं कॅप्शन दिलं. रिंकूने शेअर केलेल्या फोटोवर आणि व्हिडीओवर नेटकऱ्यांनी लाइक्स आणि कमेंट्सचा वर्षाव केला.
2016 मध्ये रिलीज झालेल्या ‘सैराट’ या चित्रपटातून रिंकू राजगुरूने अभिनय क्षेत्रात पदार्पण केलं. या चित्रपटातील रिंकूच्या अभिनयानं अनेकांचे मन जिंकले. या चित्रपटामुळे रिंकू ही ‘आर्ची’ या नावानं ओळखली जाऊ लागली. ‘सैराट’ या चित्रपटानंतर रिंकूने ‘मेकअप’, ‘कागर’ अशा मराठी चित्रपटांमध्ये काम केलं. याशिवाय ती नुकतीच ‘झुंड’ या हिंदी चित्रपटात झळकली होती. आता रिंकूच्या आगामी चित्रपटांची प्रेक्षक उत्सुकतेने वाट बघत आहेत.
इतर महत्वाच्या बातम्या:
Rinku Rajguru: "हर हर महादेव"; रिंकू राजगुरु पोहोचली केदारनाथला, शेअर केले फोटो