Rhea Chakraborty Drugs Case : दिवंगत बॉलिवूड अभिनेता सुशांत सिंह राजपूतच्या (Sushant Singh Rajput) मृत्यूशी संबंधित ड्रग्ज प्रकरणी NCBने मोठा खुलासा केला आहे. एनसीबीने आपल्या आरोपपत्रात दावा केला आहे की, सुशांत सिंह राजपूतची कथित गर्लफ्रेंड अभिनेत्री रिया चक्रवर्तीने (Rhea Chakraborty) तिचा भाऊ शौविकसह (Showik) इतर आरोपींकडून अनेकदा गांजा विकत घेतला होता आणि तो अभिनेता सुशांत सिंहला दिला होता. ड्रग्ज पुरवठा करणाऱ्यांमध्ये रिया चक्रवर्तीचा भाऊ शौविकसह, सॅम्युअल मिरांडा आणि दिपेश सावंत यांच्या नावाचा देखील समवेश आहे.
एनसीबीने नुकतेच सुशांत सिंह राजपूत मृत्यू प्रकरणातील 35 आरोपींविरुद्ध NDPS कोर्टात आरोपांचा मसुदा दाखल केला होता, ज्याची सुनावणी मंगळवारी पार पडली. अभिनेता सुशांत सिंह राजपूतचा मृत्यू कसा झाला, याचा तपास सीबीआयकडे सोपवण्यात आला होता. त्याचवेळी एनसीबी या प्रकरणाचा ड्रग्जच्या अँगल तपास करत आहे. सुशांतच्या मृत्यूमागे ड्रग्जचा संबंध आहे का, याचा तपास एनसीबी करत आहे.
शौविकवरही आरोप
एनसीबीच्या आरोपपत्रात रियाचा भाऊ शौविक ड्रग्ज पेडलर्सच्या संपर्कात होता, असे नमूद करण्यात आले आहे. शौविक ड्रग्जची ऑर्डर द्यायचा, जे नंतर सुशांत सिंह राजपूतच्या घरी पाठवले जायचे, असा आरोप करण्यात आला आहे. यात नमूद असलेल्या सर्व आरोपींनी मार्च ते डिसेंबर 2020 दरम्यान ड्रग्जची देवाणघेवाण केली होती.
अनेक आरोपींना जामीन मंजूर
रियावर 2020मध्ये एनसीबीने खटला दाखल करुन त्याच्या तपासासाठी तिला 6,7,8 सप्टेंबर 2020 रोजी बोलावले होते. नंतर 8 सप्टेंबर रोजी तिला अटक करण्यात आली होती. त्याच दिवशी कोर्टाने तिची रवानगी तरुगांत केली होती. यानंतर एका महिन्यानंतर तिला 7 ऑक्टोबर रोजी जामीन मंजूर करण्यात आला होता.
सुशांत सिंह राजपूत ड्रग्ज प्रकरणात अभिनेत्री रिया चक्रवर्ती जवळपास महिनाभर तुरुंगात होती, त्यानंतर तिला मुंबई उच्च न्यायालयातून जामीन मिळाला होता. सध्या सर्वोच्च न्यायालयाच्या आदेशानुसार सीबीआय देखील या प्रकरणाचा तपास करत आहे. परंतु, अद्यापपर्यंत एजन्सी कोणत्याही निष्कर्षापर्यंत पोहोचलेली नाही. रिया व्यतिरिक्त, तिचा भाऊ शौविक चक्रवर्ती आणि इतर अनेकांवर देखील अंमली पदार्थांचे सेवन, साठा आणि पैसे पुरवल्याबद्दल या प्रकरणात आरोप लावण्यात आले आहेत. त्यापैकी बहुतांश आरोपी जामिनावर तुरुंगाबाहेर आहेत.
हेही वाचा :
Sushant Singh Rajput Case: अभिनेत्री रिया चक्रवर्तीला कोर्टाचा दिलासा