Ram Setu Twitter Review: बॉलिवूडचा खिलाडी अशी ओळख असणारा अभिनेता अक्षय कुमारनं (Akshay Kumar) त्याच्या चाहत्यांना दिवाळीचं गिफ्ट दिलं आहे. त्याचा राम सेतू (Ram Setu) हा चित्रपट आज प्रदर्शित झाला आहे. या चित्रपटात अक्षयसोबतच जॅकलीन फर्नांडिस, नुसरत भरूचा आणि सत्यदेव कंचरण या कलाकरांनी देखील प्रमुख भूमिका साकारली आहे. या चित्रपटाला प्रेक्षकांची पसंती मिळत असून अनेकांनी या चित्रपटाबाबत सोशल मीडियावर पोस्ट शेअर केली आहे.
राम सेतू चित्रपटातील VFX, चित्रपटाचं कथानक, कलाकारांचा अभिनय या सर्व गोष्टींना प्रेक्षकांची पसंती मिळत आहे. चित्रपटात अक्षयनं पुरातत्वशास्त्रज्ञाची भूमिका साकारली आहे, ज्याला राम सेतूबाबत संशोधन करण्याची जबाबदारी देण्यात आली आहे. या चित्रपटातील अक्षयच्या अभिनयाचं अनेकांनी कौतुक केलं आहे.
एका नेटकऱ्यानं ट्वीटमध्ये लिहिलं, 'हा चित्रपट एका कोड्यावर आधारित आहे. चित्रपटात अक्षयची एनर्जी कमाल आहे.' या युझरनं या चित्रपटाला चार स्टार दिले आहेत. तर दुसऱ्या युझरनं ट्वीटमध्ये लिहिलं, 'राम सेतू या चित्रपटात अक्षय कुमारची धमाकेदार एन्ट्री दाखवण्यात आली आहे. हा मास्टरपीस आहे.'
राम सेतू या चित्रपटाचं शूटिंग उटी, दमण- दीव आणि मुंबईच्या जवळ झाले आहे. या चित्रपटाचं दिग्दर्शन अभिषेक शर्मा यांनी केले आहे. केप ऑफ गुड होप, अॅमेझॉन प्राइम, एबंडंटिया एंटरटेनमेंट आणि लायका प्रॉडक्शन यांनी या चित्रपटाची निर्मिती केली आहे.
वाचा इतर महत्त्वाच्या बातम्या: