Rajinikanth : दाक्षिणात्य सुपरस्टार रजनीकांत (Rajinikanth) यांच्या 73 व्या वाढदिवसानिमित्त त्यांच्या आगामी 'लाल सलाम' (Lal Salaam) या सिनेमाचा प्रोमो आऊट झाला आहे. 'जेलर' (Jailer) या सिनेमानंतर रजनीकांतचे चाहते 'लाल सलाम' या सिनेमाची प्रतीक्षा करत आहेत. आता या सिनेमातील रजनीकांत यांचा लूक समोर आल्याने चाहत्यांची उत्सुकता आणखी वाढली आहे. 'मोईद्दीन भाई'च्या स्वॅगने चाहत्यांना वेड लावलं आहे.
रजनीकांत यांच्या वाढदिवसानिमित्त 'लाल सलाम'मधील त्यांचा फर्स्ट लूक आऊट करण्यात आला आहे. अंगावर शहारे आणणारा हा प्रोमो व्हिडीओ आहे. या व्हिडीओमध्ये रजनीकांत यांचा वेगळाच लूक पाहायला मिळत आहे. अॅक्शचा तडका असणाऱ्या या सिनेमाची प्रेक्षकांना उस्तुकता आहे.
'लाल सलाम' हा तामिळ भाषेतील स्पोर्ट्स ड्रामा आहे. या सिनेमात रजनीकांत मुख्य भूमिकेत झळकणार आहेत. थलायवा रजनीकांतसह या सिनेमात विष्णु विशाल, विक्रांत, विग्णेश आणि जीविता हे कलाकार या सिनेमात महत्त्वाच्या भूमिकेत आहेत. या सिनेमाचं कथानक रजनीकांत यांची लेक ऐश्वर्याने लिहिलं आहे. तसेच दिग्दर्शनाची धुराही तिनेच सांभाळली आहे.
'लाल सलाम' कधी रिलीज होणार? (Lal Salaam Release Date)
'लाल सलाम' या सिनेमाची घोषणा 2022 मध्ये झाली होती. तर मार्च 2023 मध्ये या सिनेमाच्या शूटिंगला सुरुवात झाली. ऑगस्टमध्ये या सिनेमाचं शूटिंग संपलं. या सिनेमासंदर्भात ऐश्वर्या रजनीकांतने खास पोस्टदेखील लिहिली होती. 'लाल सलाम' या सिनेमासाठी ऐश्वर्याने कशी मेहनत घेतली? किती कष्ट घेतले हे तिने या पोस्टमध्ये सांगितलं होतं. 'लाल सलाम' हा सिनेमा 2024 मध्ये पोंगलच्या मुहूर्तावर रिलीज होणार आहे.
कुटुंबियांसोबत वाढदिवस साजरा (Rajinikanth Birthday)
रजनीकांत यांनी आपला 73 वा वाढदिवस कुटुंबियांसोबत साजरा केला आहे. रजनीकांत यांना मोहनलाल, धनुष, जॅकी श्रॉफ, कलम हासन, ज्युनियर एनटीआरसह अनेक दाक्षिणात्य सेलिब्रिटींनी वाढदिवसाच्या शुभेच्छा दिल्या आहेत. कुटुंबियांनी रजनीकांत यांचा 73 वा वाढदिवस जल्लोषात साजरा केला. घरातच एका छोट्या पार्टीचं आयोजन करण्यात आलं होतं. यात पत्नी लता, लेक ऐश्वर्या आणि सौंदर्यासह कुटुंबातील मंडळी उपस्थित होते.
संबंधित बातम्या