Priyanka Chopra comes back to India : 'देसी गर्ल' प्रियांका चोप्राने (Priyanka Chopra) बॉलिवूडच्या अनेक लोकप्रिय सिनेमांत काम केलं आहे. लग्नानंतर प्रियांका नवऱ्यासोबत म्हणजेच निक जोनससह लॉस एंजेलिसमध्ये स्थायिक झाली. आता तीन वर्षानंतर प्रियांका आपल्या लेकीसोबत भारतात येत आहे.
प्रियांका पहिल्यांदा लेकीला घेऊन भारतात येणार असल्याने तिच्या चाहत्यांना प्रचंड आनंद झाला आहे. सोशल मीडियावर बोर्डिंग पासचे फोटो शेअर करत प्रियांकाने चाहत्यांना माहिती दिली आहे. तीन वर्षांनी भारतात येण्यासाठी प्रियांका खूप उत्सुक आहे.
प्रियांकाने शेअर केला बोर्डिंग पासचा फोटो
प्रियांकाने सोशल मीडियावर बोर्डिंग पासचा फोटो शेअर केला आहे. फोटो शेअर करत तिने लिहिलं आहे,"अखेर तीन वर्षांनी घरी जात आहे". कोरोनानंतर प्रियांका पहिल्यांदाच भारतात येत आहे.
प्रियांकाने लेकीसोबत पहिल्यांदा सेलिब्रेट केली दिवाळी
प्रियांका आणि निक जोनस डिसेंबर 2018 साली लग्नबंधनात अडकले आहेत. तसेच प्रियांका आणि निकला मालती नावाची गोंडस मुलगी आहे. प्रियांका परदेशात राहत असली तरी सोशल मीडियाच्या माध्यमातून ती चाहत्यांच्या संपर्कात राहण्याचा प्रयत्न करत असते. आयुष्यासंबंधीत प्रत्येक अपडेट ती चाहत्यांसोबत शेअर करत असते. नुकतीच प्रियांका लेकीसोबत दिवाळीचा सण साजरा करताना दिसून आली. सेलिब्रेशनचे फोटोदेखील तिने सोशल मीडियावर शेअर केले आहेत.
प्रियांका चोप्राचे आगामी सिनेमे
प्रियांका चोप्राचे आगामी प्रोजेक्ट सध्या पाईपलाईनमध्ये आहेत. प्रियांकाचे दोन हॉलिवूड सिनेमे प्रेक्षकांच्या भेटीसाठी सज्ज आहेत. यात 'इट्स ऑल कमिंग बॅक टू मी' आणि 'एंडिंग थिंग्स' या सिनेमांचा समावेश आहे. तसेच 'जी ले जरा' हा बॉलिवूड सिनेमादेखील लवकरच प्रेक्षकांच्या भेटीला येणार आहे. तसेच रुसो ब्रदर्सच्या 'सिटाडेल' या कार्यक्रमाच्या माध्यमातून ती ओटीटीवर पदार्पण करणार आहे.
संबंधित बातम्या