Priyanka Chopra : बॉलिवूड अभिनेत्री प्रियंका चोप्राने (Priyanka Chopra) तिच्या पहिल्या वहिल्या वेबसीरिज 'सिटाडेल'ची (Citadel) शूटिंग पूर्ण केली आहे. गेल्या काही दिवसांपासून अमेरिकेत या वेबसीरिजची शूटिंग सुरू होती. प्रियंकाने आता व्हिडीओ शेअर करत यासंदर्भात माहिती दिली आहे. प्रियंकाची ही वेब सीरिज अॅमेझॉन प्राइम व्हिडीओवर (Amazon Prime Video) प्रदर्शित होणार आहे.
प्रियंका चोप्रा सोशल मीडियावर खूप अॅक्टिव्ह असते. त्यामुळेच 'सिटाडेल'ची शूटिंग पूर्ण झाल्याची माहिती प्रियंकाने सोशल मीडियाच्या माध्यमातून चाहत्यांना दिली आहे. प्रियकांने एक व्हिडीओ शेअर केला आहे. या व्हिडीओत प्रियंकाने शूटिंगच्या पहिल्या दिवसापासून शेवटच्या दिवसापर्यंतच्या अनेक आठवणी चाहत्यांसोबत शेअर केल्या आहेत.
'सिटाडेल'मध्ये प्रियंका मुख्य भूमिकेत
'सिटाडेल' या वेबसीरिजमध्ये प्रियंका चोप्रा मुख्य भूमिकेत आहे. या वेबसीरिजमध्ये प्रियंकासोबत रिचर्ड मॅडनदेखील दिसून येणार आहे. रिचर्ड मॅडन 'गेम्स ऑफ थ्रोंस'मध्ये दिसून आले होते. त्यामुळे प्रेक्षक आता 'सिटाडेल' या वेबसीरिजची आतुरतेने वाट पाहत आहेत.
प्रियंका चोप्राचे आगामी सिनेमे
प्रियंका चोप्राचे अनेक हॉलिवूड सिनेमे लवकरच प्रेक्षकांच्या भेटीला येणार आहेत. तसेच प्रियंका फरहान अख्तरसोबत 'जी ले जरा' या सिनेमात दिसणार आहे. या सिनेमात प्रियंकासोबत आलिया भट्ट आणि कतरिना कैफदेखील दिसणार आहे.
संबंधित बातम्या