Prajaktta Mali: मराठी चित्रपट आणि मालिकांमधून प्रेक्षकांच्या भेटीस येणारी प्रसिद्ध अभिनेत्री प्राजक्ता माळी (Prajaktta Mali) ही सोशल मीडियावर वेगवेगळ्या लूकमधील फोटो शेअर करत असते. प्राजक्ताच्या सोशल मीडिया पोस्ट या चर्चेत असतात. नुकतीच प्राजक्तानं एक खास पोस्ट शेअर केली आहे. तिनं बॉलिवूडमधील प्रसिद्ध अभिनेता सोनू सूदसोबतचा (Sonu Sood) फोटो शेअर करुन त्याला खास कॅप्शन देखील दिलं आहे. प्राजक्ताच्या या पोस्टनं अनेकांचे लक्ष वेधले आहे.
प्राजक्ताची पोस्ट
प्राजक्तानं नुकतीच ब्रह्मपुरी महोत्सवात हजेरी लावली. या महोत्सवात सोनू सूद देखील उपस्थित होता. या महोत्सवातील फोटो शेअर करुन प्राजक्तानं त्याला खास कॅप्शन दिलं. तिनं कॅप्शनमध्ये लिहिलं, 'ब्रम्हपुरी महोत्सव, महोत्सवात “प्राजक्तराज” विषयी महोत्सवाइतकं बोललं गेलं. की मी भारावून गेले. खूप आभार.
ठरवून टाकलं; “प्राजक्तराज”चं पहिलं प्रदर्शन विदर्भात लागणार. “भद्रावती” वेळ- दिवस लवकरच कळवेन. बाय द वे, सोनू सूद ही म्हणाले, “गळ्यातलं unique आहे.अर्थातच प्राजक्तराजची ‘वज्रटिक’ परिधान केली होती.'
प्राजक्ताच्या या पोस्टला अनेक नेटकऱ्यांनी लाइक्स आणि कमेंट केल्या आहे. अभिनेत्री अमृता खानविलकरनं देखील प्राजक्ताच्या या पोस्टला कमेंट केली आहे.
प्राजक्ता सध्या तिच्या रानबाझार या वेब सीरिजमुळे चर्चेत आहे. या सीरिजमध्ये प्राजक्तानं रत्ना ही भूमिका साकारली आहे. रानबाझार सीरिजमधील प्राजक्ताच्या अभिनयाचं अनेक जण कौतुक करत आहेत. 'महाराष्ट्राची हास्यजत्रा' या कार्यक्रमामधून देखील प्राजक्ता प्रेक्षकांच्या भेटीस येते. तसेच काही महिन्यांपूर्वी लकडाऊन हा प्राजक्ताचा चित्रपट प्रेक्षकांच्या भेटीस आला होता.
वाचा इतर महत्वाच्या बातम्या: