Pooja Hegde : दाक्षिणात्य मनोरंजनसृष्टीसह बॉलिवूड गाजवणारी लोकप्रिय अभिनेत्री पूजा हेगडेला (Pooja Hegde) जीवे मारण्याची धमकी मिळाली आहे. अभिनेत्रीच्या टीमने यासंदर्भात स्पष्टीकरण दिलं आहे. पूजाला धमकी मिळाल्याने सर्वांनाच मोठा धक्का बसला आहे. दुबईतील एका क्लबच्या उद्धाटनादरम्यान अभिनेत्रीला जीवे मारण्याची धमकी मिळाली.
नेमकं प्रकरण काय?
मीडिया रिपोर्टनुसार, पूजा हेगडे एका क्लबच्या उद्धाटनासाठी दुबईला गेली होती. त्यावेळी तिथे एका व्यक्तीसोबत पूजाचे वाद झाले आणि त्याने तिला जीवे मारण्याची धमकी दिल्याची बातमी समोर आली होती. अनेक पत्रकारांनी पूजाला धमकी मिळाल्याच्या बातम्या केल्या. या बातम्या सोशल मीडियावर चांगल्याच व्हायरल झाल्या. चाहतेही चिंता व्यक्त करू लागले. पूजाच्या टीमने आता या खोट्या बातमीचं खंडण केलं आहे.
पूजा हेगडेच्या टीमने फ्री प्रेस जर्नलसोबत बोलताना म्हटलं आहे की,"पूजा हेगडेला जीवे मारण्याची धमकी मिळाल्याची बातमी कशी व्हायरल झाली हे आम्हाला माहिती नाही. ही खोटी बातमी आहे. तिला कोणीही जीवे मारण्याची धमकी दिलेली नाही". अभिनेत्रीने अद्याप या प्रकरणावर काहीही भाष्य केलेलं नाही.
पूजाच्या आगामी सिनेमांबद्दल जाणून घ्या... (Pooja Hegde Upcoming Movies)
पूजा हेगडेचा 'किसी का भाई किसी का जान' (Kisi Ka Bhai Kisi Ka Jaan) हा सिनेमा काही दिवसांपूर्वी प्रेक्षकांच्या भेटीला आला होता. या सिनेमात वेंकटेश दग्गुबाती, शहनाज गिल, राघव गुयाल, पलक तिवारी, जस्सी गिल, सिद्धार्थ निगम, विनाली भटनागर आणि विजेंदर सिंह महत्त्वाच्या भूमिकेत दिसले होते. आता शाहिद कपूरच्या आगामी अॅक्शन थ्रिलर सिनेमात पूजा झळकणार आहे. पूजाचा 'देवा' हा आगामी सिनेमा आहे. 11 ऑक्टोबर 2024 रोजी प्रेक्षकांच्या भेटीला येणार आहे. पूजाचा 'हाऊसफुल 5' हा सिनेमाही प्रेक्षकांच्या भेटीसाठी सज्ज आहे. या सिनेमात पूजासह अक्षय कुमार, अर्शद वारसी, रितेश देशमुख, जॉन अब्राहम, अभिषेक बच्चन, बॉबी देओल, दिशा पटानी आणि रविना टंडनही महत्त्वाच्या भूमिकेत दिसणार आहेत.
पूजा अभिनेत्री असण्यासोबत मॉडेलही आहे. हिंदीसह अनेक तामिळ आणि तेलुगू सिनेमांत तिने काम केलं आहे. 'मिस युनिव्हर्स इंडिया 2010' या स्पर्धेची ती उपविजेती होती. 'मुगामूदी' या साऊथ सिनेमाच्या माध्यमातून तिने अभिनयक्षेत्रात पदार्पण केलं. दाक्षिणात्य मनोरंजनसृष्टीतील सर्वाधिक मानधन घेणाऱ्या अभिनेत्रींमध्ये पूजाचा समावेश होतो. पूजा सोशल मीडियावर चांगलीच अॅक्टिव्ह आहे.
संबंधित बातम्या