Parineeti Chopra: बॉलिवूड अभिनेत्री परिणीती चोप्रा आणि आम आदमी पार्टीचे नेते राघव चड्ढा लवकरच आईबाबा  बनणार आहेत. सप्टेंबर 2023 मध्ये लग्नबंधनात अडकलेल्या या कपलच्या घरी लवकरच चिमुकल्याचे आगमन होणार असून, परिणीती सध्या डिलिव्हरीसाठी दिल्लीतील रुग्णालयात दाखल झाल्याची माहिती समोर आली आहे. त्यामुळे त्यांच्या चाहत्यांमध्ये आनंद आणि उत्सुकता आहे. (Bollywood) 

सूत्रांच्या माहितीनुसार, परिणीती काही दिवसांपूर्वीच दिल्लीला परतली असून, डिलिव्हरीसाठी तिला रुग्णालयात दाखल करण्यात आलं आहे. राघव चड्ढादेखील पत्नीची काळजी घेण्यासाठी रुग्णालयात पोहोचले आहेत. त्यामुळे चोप्रा आणि चड्ढा कुटुंबात सध्या उत्साहाचं वातावरण आहे.

स्वतः दिली होती खुशखबर

परिणीती चोप्राने काही महिन्यांपूर्वीच एका पोस्टच्या माध्यमातून ही गोड बातमी चाहत्यांसोबत शेअर केली होती. ऑगस्ट 2025 मध्ये इंस्टाग्रामवर केलेल्या या पोस्टमध्ये तिने लिहिलं होतं, “आमचं छोटंसं विश्व आपल्या मार्गावर आहे... असीम आशीर्वाद!” या पोस्टसोबत एका केकचा फोटोही शेअर करण्यात आला होता, ज्यावर लिहिलं होतं “1+1=3” आणि त्यावर छोट्या बाळाच्या पावलांचे ठसेही होते.

 

त्या क्षणानंतर सोशल मीडियावर शुभेच्छांचा वर्षाव झाला. चाहत्यांनी या गोड जोडप्याला शुभेच्छा देत प्रेमाचा वर्षाव केला. परिणीती आणि राघवने त्यांच्या नात्याबद्दल बराच काळ गुप्तता राखली होती, मात्र शेवटी त्यांनी ही आनंदाची बातमी स्वतः जाहीर केली.

दिवाळी खास ठरणार

आता परिणीती डिलिव्हरीसाठी रुग्णालयात असल्याने, ही खुशखबर कोणत्याही क्षणी येऊ शकते. जर दिवाळीपूर्वीच बाळाचा जन्म झाला, तर हा सण परिणीती आणि राघवसाठी अधिक खास ठरणार आहे. फॅन्स सोशल मीडियावर त्यांच्या अपडेट्सची आतुरतेने वाट पाहत आहेत. परिणीतीच्या बाळंतपणाची ही बातमी बॉलिवूडमधील सर्वात चर्चेतील विषयांपैकी एक ठरली आहे.

परिणीती आणि राघवची प्रेमकहाणी

13 मे 2023 रोजी दिल्लीत या जोडप्याचा विवाह झाला. या समारंभाला जवळचे कुटुंबीय आणि अरविंद केजरीवाल आणि भगवंत मान सारखे राजकीय नेते उपस्थित होते. त्यानंतर 24 सप्टेंबर 2023 रोजी उदयपूर येथे त्यांनी लग्न केले.

'चमकिला' चित्रपटात शेवटची दिसली 

चित्रपटाच्या बाबतीत, परिणीती शेवटची इम्तियाज अलीच्या "अमर सिंह चमकीला" या चित्रपटात दिसली होती, ज्यामध्ये दिलजीत दोसांझ मुख्य भूमिकेत होते. हा चित्रपट थेट ओटीटी प्लॅटफॉर्मवर प्रदर्शित झाला होता. तुम्ही तो नेटफ्लिक्सवर पाहू शकता.