Miss Shetty Mr Polishetty Twitter Review: 'बाहुबली' फेम अनुष्का शेट्टी (Anushka Shetty) ही तिच्या अभिनयानं प्रेक्षकांची मनं जिंकते. आज (7 सप्टेंबर) तिचा 'मिस शेट्टी मिस्टर पॉलिशेट्टी' हा चित्रपट रिलीज झाला आहे. अनुष्काच्या या चित्रपटानं शाहरुख खानच्या (Shah Rukh Khan) जवान (Jawan) चित्रपटाला टक्कर दिली आहे. आता काही नेटकऱ्यांनी 'मिस शेट्टी मिस्टर पॉलिशेट्टी' या कॉमेडी आणि रोमान्सचा तडका असणाऱ्या चित्रपटाचं सोशल मीडियावर कौतुक केलं आहे.
एका नेटकऱ्यानं 'मिस शेट्टी मिस्टर पॉलिशेट्टी' या चित्रपटाचा रिव्ह्यू ट्विटरवर शेअर केला आहे. त्यानं ट्वीटमध्ये लिहिलं, 'एक चांगला चित्रपट आहे. नवीन पॉलिशेट्टी, अनुष्का शेट्टी दोघांनी या चित्रपटात चांगले काम केले आहे.चित्रपटातील संवाद छान आहेत. रेटिंग: 2.75/5'
'मिस शेट्टी मिस्टर पॉलिशेट्टी हा चित्रपट या वर्षातील सर्वोत्कृष्ट रोम-कॉम चित्रपट आहे हॅंड्स डाउन! महेश बाबू पी यांनी उत्कृष्ट लेखन आणि दिग्दर्शन केले आहे, जे खूप फ्रेश वाटले. अनुष्का नेहमीप्रमाणेच सुंदर आणि प्रभावशाली दिसली आहे. नवीन हा BEAST आहे, त्याची कॉमेडी छान आहे! हा चित्रपट अप्रतिम आहे.' असं ट्वीट एका युझरनं लिहिलं आहे.
एका नेटकऱ्यानं ट्वीटमध्ये लिहिलं, 'मिस शेट्टी मिस्टर पॉलिशेट्टी' या चित्रपटात अनुष्का शेट्टीसोबतच नवीन पॉलिशेट्टी देखील प्रमुख भूमिका साकारली आहे. मिस शेट्टी मिस्टर पॉलिशेट्टी हा चित्रपट महेश बाबू पी यांनी दिग्दर्शित केला आहे. या चित्रपटाची कथा अनुष्काच्या पात्राभोवती फिरते .जी एक शेफ आहे. तर नवीन पॉलिशेट्टीनं या चित्रपटात एका शांत स्टँड-अप कॉमेडियनची व्यक्तिरेखा साकारली आहे.
संबंधित बातम्या: