Mirzapur Season 3 Updates: पंकज त्रिपाठी (Pankaj Tripathi), रसिका दुग्गल (Rasika Duggal) आणि अली फजल (Ali Fazal) यांची महत्त्वाची भूमिका असलेला आणि बहुप्रतिक्षीत 'मिर्झापूर' (Mirzapur) या वेब सीरिजच्या तिसऱ्या सीझनची चाहत्यांना प्रतीक्षा आहे. 'मिर्झापूर 3' (Mirzapur Season 3) कधी रिलीज होणार, यावरून सध्या चर्चा होत आहे. 'मिर्झापूर 3'ला घेऊन दररोज नवीन अपडेट्स येत आहेत. 'मिर्झापूर 3' मध्ये कोणाची हाती सत्ता असणार याकडे चाहत्यांचे लक्ष लागले आहे.
कधी रिलीज होणार 'मिर्झापूर 3'?
या वेब सीरिजच्या दोन सीझनला चाहत्यांनी भरभरून प्रेम दिले होते. पहिला सीझन 2018 मध्ये प्रेक्षकांच्या भेटीला आलेला. या वेब सीरिजची चांगलीच चर्चा झाली. त्यानंतर दुसरा सीझन 2020 मध्ये रिलीज झाला. मिर्झापूरच्या दुसऱ्या सीझनला चांगलाच प्रतिसाद मिळाला. दुसरा सीझनही गाजला. आता मिर्झापूरच्या तिसऱ्या सीझनची प्रतीक्षा लागली आहे. 'मिर्झापूर'चा तिसरा सीझन जून 2024 मध्ये रिलीज होणार असल्याची प्रतीक्षा होती. मात्र, आता नव्या वृत्तानुसार चाहत्यांना जुलैपर्यंत प्रतीक्षा करावी लागू शकते.
मिर्झापूर ही वेब सीरिज अॅमेझॉन प्राइम व्हिडीओवर पाहता येणार आहे. याआधीचे दोन्ही सीझन प्राईमवर रिलीज झाले होते.
'मिर्झापूर 3' ची कथा काय?
मिर्झापूरच्या सत्तेसाठीचा संघर्ष दिसून आला. आता मिर्झापूरच्या या तिसऱ्या सीझनमध्ये कोणता ट्विस्ट येणार याची चाहत्यांना उत्सुकता आहे. मिर्झापूरच्या सत्तेची गादी कोणाकडे असणार, गुड्डू भैय्या आपला दावा सांगणार का, बिना भाभी आपल्या लहान बाळाला मिर्झापूरच्या गादीवर बसवून स्वत: सगळी सूत्रे सांभाळणार का, कालीन भैय्या काय करणार? या सगळ्या प्रश्नांची उकल होणार आहे. मागील सीझनमध्ये चकमकीत मुन्ना भैय्याला गोळ्या लागल्या असून त्याचा मृत्यू झाला असल्याचे दाखवण्यात आले आहे.
'मिर्झापूर' मध्ये कोणते कलाकार?
या वेब सीरिजमध्ये पंकज त्रिपाठी, अली फजल, रसिका दुग्गल, श्वेता त्रिपाठी आदी कलाकार झळकणार आहेत.
बीना भाभीने दिले 'मिर्झापूर-4' बद्दल संकेत
'मिर्झापूर'मध्ये कालीन भैय्याची पत्नी बीना त्रिपाठीची व्यक्तीरेखा साकारणारी अभिनेत्री रसिका दुग्गलने एका मुलाखतीत सीरिजच्या चौथ्या सीझनबद्दल चाहत्यांना हिंट दिली आहे. 'मिर्झापूर'चा चौथा सीझन हा 'मिर्झापूर' मालिकेचा शेवटचा भाग असू शकतो.