Laal Singh Chaddha : आमिर खानच्या 'लाल सिंह चड्ढा' सिनेमाची रिलीज डेट बदलली, 'या' दिवशी होणार सिनेमा प्रदर्शित

एबीपी माझा वेब टीम Updated at: 15 Feb 2022 05:42 PM (IST)

Edited By: मंजिरी पोखरकर

Laal Singh Chaddha : आमिर खानच्या 'लाल सिंह चड्ढा' सिनेमाची रिलीज डेट पुढे ढकलली आहे. 11 ऑगस्ट 2022 रोजी सिनेमा प्रदर्शित होणार आहे.

laal singh Chaddha

Laal Singh Chaddha Release Date : बॉलिवूडचा सुपरस्टार आमिर खानचा (Amir Khan) आगामी सिनेमा 'लाल सिंह चड्ढा' (Laal Singh Chaddha) गेल्या अनेक दिवसांपासून चर्चेत आहे. हा सिनेमा 14 एप्रिलला प्रदर्शित होणार होता. पण आता या सिनेमाची रिलीज डेट पुढे ढकलली आहे. 11 ऑगस्ट 2022 रोजी सिनेमा प्रेक्षकांच्या भेटीला येणार आहे.

'प्रभास' आणि 'सैफ अली खान'चा 'आदिपुरुष' सिनेमादेखील 11 ऑगस्ट 2022 रोजी प्रदर्शित होणार होता. पण आता 'आदिपुरुष'च्या निर्मात्यांनी या सिनेमाची रिलीज डेट पुढे ढकलण्याचा निर्णय घेतला आहे. 'लाल सिंह चड्ढा' सिनेमाचे शूटिंग पूर्ण न झाल्याने निर्मात्यांनी रिलीज डेट पुढे ढकलण्याचा निर्णय घेतला आहे.

'लाल सिंह चड्ढा' या सिनेमाचे दिग्दर्शन अद्वैत चंदन यांनी केले आहे. या चित्रपटात करिना आणि आमीरसोबतच अभिनेता नागा चैतन्य आणि मोना सिंह देखील महत्वाच्या भूमिकेत दिसणार आहेत. या चित्रपटाचे चित्रीकरण पंजाब, हिमाचल प्रदेश, लडाख आणि तुर्की येथे झाले आहे. लाल सिंह चड्ढा हा टॉम हँक्स आणि रॉबिन राइट यांच्या फॉरेस्ट गंप या हिट चित्रपटाचा रिमेक आहे. आमिर खान, किरण राव आणि वायकॉम 18 स्टूडियोज यांनी या चित्रपटाची निर्मिती केली आहे.

संबंधित बातम्या