Katrina Kaif,Vicky Kaushal : अभिनेत्री कतरिना कैफ (Katrina Kaif) आणि अभिनेता विकी कौशल (Vicky Kaushal) यांचा विवाह सोहळा काही महिन्यांपूर्वी पडला. कतरिना आणि विकी एकमेकांसोबतचे रोमँटिक फोटो सोशल मीडियावर नेहमी शेअर करतात. राजस्थानच्या बरवारा येथील सिक्स सेन्सेस फोर्टमध्ये कतरिना आणि विकीने लग्नगाठ बांधली. त्यांच्या विवाह सोहळ्याचे फोटो कतरिना आणि विकीने सोशल मीडियावर शेअर केले होते. अगदी मोजक्या पाहुण्यांच्या उपस्थितीत विकी आणि कतरिनाचा विवाह सोहळा पार पडला. विकी आणि कतरिनाच्या चाहत्यांना असा प्रश्न पडला होता की, त्यांचा लग्नसोहळा हा मोजक्या पाहूण्यांच्या उपस्थितीत का पार पडला?. याबाबत एका मुलाखतीमध्ये कतरिनानं सांगितलं आहे.
कतरिनानं सांगितलं कारण
'मला वाटते की आम्ही हा विवाहात मोजक्या लोकांनाच आमंत्रित केलं होतं कारण आम्ही कोरोनाचे नियम पाळत होतो. तुम्हाला माहिती आहे की, माझ्या कुटुंबातील काही व्यक्तींना कोरोना झाला होता. ही गोष्ट सर्वांना गांभीर्याने घ्यायला हवी होती. मला वाटते की हे वर्ष खूप चांगले गेले आहे, परंतु त्यावेळी आम्हाला काळजी घ्यायची होती. लग्न खूप सुंदर पद्धतीनं पार पडलं होते. आम्ही दोघे खूप आनंदी आहोत.' असं कतरिनानं एका मुलाखतीमध्ये सांगितलं.
विकी आणि कतरिनाच्या लग्नाला नेहा धुपिया, अंगद बेदी, कबीर खान, मिनी माथूर, गुरदास मान आणि शर्वरी वाघ या सेलिब्रिटींनी हजेरी लावली होती. कतरिना लवकरच 'मेरी ख्रिसमस' आणि 'टायगर 3' या तिच्या आगामी चित्रपटांमधून प्रेक्षकांच्या भेटीस येणार आहे.
वाचा इतर महत्त्वाच्या बातम्या: