Ranveer Singh in 83 Movie: रणवीर आपली भूमिका साकारतोय हे कळल्यावर अशी होती कपिल देव यांची पहिली रिअ‍ॅक्शन...

बॉलिवूडचा प्रसिद्ध अभिनेता रणवीर सिंहचा (Ranveer Singh) 83 हा चित्रपट 24 डिसेंबर रोजी प्रेक्षकांच्या भेटीस येणार आहे.

Ranveer Singh in 83 Movie: बॉलिवूडचा प्रसिद्ध अभिनेता रणवीर सिंहचा (Ranveer Singh) 83 हा चित्रपट 24 डिसेंबर रोजी प्रेक्षकांच्या भेटीस येणार आहे. या चित्रपटाचा ट्रेलर काही दिवसांपूर्वी प्रदर्शित झाला. रणवीर या चित्रपटामध्ये क्रिकेटर कपिल देव (Kapil Dev) यांच्या भूमिकेत दिसणार आहे. तर अभिनेत्री दीपिका पदुकोण (Deepika Padukone) ही  83 चित्रपटात कपिल देव यांची पत्नी रोमी देव  (Romi Dev) यांची भूमिका साकारणार आहे. जेव्हा कपिल देव यांना कळाले होते की रणवीर या चित्रपटात प्रमुख भूमिका साकारणार आहे, तेव्हा त्यांची काय रिअ‍ॅक्शन होती, हे कपिल यांनी एका मुलाखतीमध्ये सांगितले होते.  

कपिल यांनी सांगितले की , 'रणवीर सिंहसारखा टॅलेंटेड अभिनेता चित्रपटामध्ये माझी भूमिका साकारणार आहे हे कळाल्यावर मला खूप आनंद झाला. मला थोडी काळजी देखील वाटली होती. एखादा अभिनेता चित्रपटात अभिनय करण्यासाठी एवढी मेहनत घेऊ शकतो, यावर मला विश्वासच बसत नव्हता.' एका रिपोर्टनुसार, चित्रपटात कपिल देव यांची भूमिका साकारण्यासाठी रणवीर काही दिवस कपिल देव यांच्या घरी जाऊन त्यांचे बारकाईने निरीक्षण करत होता. 

कबीर खान  दिग्दर्शित, '83' चित्रपट भारतीय क्रिकेट संघाच्या कथेवर आधारित आहे. या चित्रपटात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना यांच्याही भूमिका आहेत. दीपिका या चित्रपटाची सहनिर्माती आहे. हा सिनेमा हिंदी, तामिळ, तेलगू, कन्नड आणि मल्याळम भाषेत प्रदर्शित होणार आहे.

हे ही वाचा :