Kantara A Legend Chapter-1 First Look and Teaser: प्रतीक्षा संपली! कांतारा अ लेजेंड चॅप्टर-1 चा फर्स्ट लूक आऊट, ऋषभ शेट्टीचा लूक पाहून येतील अंगावर शहारे

कांतारा अ लेजेंड चॅप्टर-1 (Kantara A Legend Chapter-1) या चित्रपटामधील ऋषभ शेट्टीचा (Rishab Shetty) फर्स्ट लूक आणि लूक टीझर रिलीज झाला आहे.

Kantara A Legend Chapter-1 First Look and Teaser: सप्टेंबर 2022 मध्ये  'कांतारा' (Kantara) हा चित्रपट प्रेक्षकांच्या भेटीला आला होता. चित्रपटाची कथा, चित्रपटामधील सीन्स आणि चित्रपटामधील कलाकारांचा अभिनय या सगळ्याच गोष्टींचं अनेकांनी कौतुक केलं. या चित्रपटानं बॉक्स ऑफिसवर देखील धुमाकूळ घातला.  आता कांतारा चित्रपटाच्या यशानंतर या चित्रपटाच्या निर्मात्यांनी या चित्रपटाच्या प्रीक्वलचे घोषणा केली आहे. या प्रीक्वेलचं नाव कांतारा अ लेजेंड चॅप्टर-1 (Kantara A Legend Chapter-1) असं आहे. या चित्रपटामधील ऋषभ शेट्टीचा (Rishab Shetty) फर्स्ट लूक आणि लूक टीझर रिलीज झाला आहे.

'कांतारा अ लेजेंड चॅप्टर-1' चा फर्स्ट लूक आऊट

कांतारा अ लेजेंड चॅप्टर-1 या चित्रपटाचा फर्स्ट लूक ऋषभ शेट्टीनं सोशल मीडियावर शेअर केला आहे. ज्यामध्ये तो रक्ताने माखलेला दिसक आहे. त्याच्या एका हातात त्रिशुळ दिसत आहे. तसेच  Hombale Films या युट्यूब चॅनलवर कांतारा अ लेजेंड चॅप्टर-1 या चित्रपटाच्या फर्स्ट लूकचा टीझर देखील शेअर करण्यात आला आहे. 

पाहा लूक टीझर:

ऋषभ शेट्टीनं सोशल मीडियावर शेअर केलेल्या कांतारा अ लेजेंड चॅप्टर-1 या चित्रपटाच्या फर्स्ट लूकवर नेटकऱ्यांनी लाइक्स आणि कमेंट्सचा वर्षाव केला आहे. एका नेटकऱ्यानं कमेंट केली, "कन्नड चित्रपटसृष्टीतून आणखी एक ब्लॉकबस्टर चित्रपट येत आहे." तर दुसऱ्या युझरनं कमेंट केली, आम्ही या चित्रपटाची उत्सुकतेने वाट बघत आहोत. 

 'कांतारा' हा चित्रपट एक अॅक्शन थ्रिलर चित्रपट आहे. अवघ्या 16 कोटींमध्ये बनलेला ‘कांतारा’ हा चित्रपट केवळ साऊथच नव्हे तर, हिंदीमध्येही हिट ठरला.  'कांतारा' या चित्रपटात अच्युता कुमार, सप्तमी गौडा, प्रमोद शेट्टी आणि किशोर सहाय्यक भूमिकेत दिसले. तर या चित्रपटात ऋषभनं शिवा ही भूमिका साकारली. या चित्रपटातील ऋषभच्या अभिनयाचं अनेकांनी कौतुक केलं आहे. कन्नड भाषेतील कांतारा हा चित्रपट हिंदी आणि तेलुगू या भाषांमध्ये देखील रिलीज करण्यात आला. कांतारा हा चित्रपट नेटफ्लिक्स या ओटीटी प्लॅटफॉर्मवर तुम्ही पाहू शकता.

आता कांतारा अ लेजेंड चॅप्टर-1 या चित्रपटाची प्रेक्षक उत्सुकतेने वाट बघत आहेत. कांतारा अ लेजेंड चॅप्टर-1 हा चित्रपट कधी रिलीज होणार? तसेच या चित्रपटात आणखी कोणते कलाकार काम करणार आहेत? हे जाणून घेण्यास प्रेक्षक उत्सुक आहेत. 

महत्वाच्या इतर बातम्या :