Tirupati Balaji Mandir : कॉन्ट्रोव्हर्सी क्वीन कंगना रानौतने राहु-केतू मंदिरात जाऊन नवीन वर्षाची सुरुवात केली आहे. वर्षभर कंगना चर्चेत होती. बोल्ड स्टाईलमुळे कंगना नेहमीच वादात सापडली आहे. गेल्या वर्षभरात कंगनावर अनेक एफआयआरदेखील नोंदवण्यात आले होते. आता या सर्व दुष्कृत्यांपासून मुक्ती मिळवण्यासाठी कंगना तिरुपती बालाजीजवळ राहू केतू मंदिरात दर्शनासाठी पोहोचली. मंदिरातील फोटोदेखील कंगनाने सोशल मीडियावर शेअर केले आहेत.
कंगनाने तिरुपती बालाजीजवळच्या राहू-केतू मंदिरातदेखील पूजा केली आहे. कंगनाने शेअर केलेल्या फोटोत ती डोळे मिटून जमिनीवर बसून पूजा करताना दिसत आहे. फोटो शेअर करत कंगनाने लिहिले आहे,"जगात एकच राहू-केतू मंदिर आहे. तिरुपती बालाजीच्या अगदी जवळ आहे. तिथे मी पूजा केली. अतिशय आकर्षक ठिकाण. माझ्या प्रिय शत्रूंच्या सुरक्षेसाठी मी येथे आली आहे. जय राहू केतू जी". फोटोमध्ये कंगना गायीला चारा चारताना दिसत आहे. कंगनाने फिकट गुलाबी रंगाची साडी नेसलेली आहे.
गेल्या वर्षात कंगना रनौतचे ट्विटर अकाऊंट करण्यात आले सस्पेंड
वादग्रस्त ट्वीट्समुळे सातत्याने चर्चेत राहणाऱ्या अभिनेत्री कंगना रनौतचे ट्विटर अकाऊंट सस्पेंड करण्यात आले होते. देशातील वेगवेगळ्या मुंद्द्यावरून कंगना सातत्याने वादग्रस्त वक्तव्य करत होती. शेतकरी आंदोलनापासून ते पश्चिम बंगालच्या निवडणुकीच्या निकालावर तिने तिची मतं मांडली होती. कंगना रनौतचे ट्विटरवर लाखो फॉलोअर्स होते. सुरुवातील क्वीन कंगना या नावाने सुरू झालेले तिचे अकाऊंट नंतर कंगना रनौत या नावाने व्हेरिफाईड झालं होतं.
संबंधित बातम्या
Kangana Ranaut : कंगना रणौतला कोर्टाचा पुन्हा एकदा दणका
अक्षयकडून गायत्री मंत्रोच्चार तर बिग बींची खास पोस्ट; पाहा असं केलं बॉलिवूड कलाकारांनी नवीन वर्षाचं स्वागत
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha