Nataša Stanković : मुंबईत पोहचताच नताशा स्टॅनकोविकने शेअर केला 'या' अभिनेत्यासोबत वर्कआउट सेल्फी
Nataša Stanković Hardik Pandya : अभिनेत्री मॉडेल नताशा स्टॅनकोविकने मुंबईत पोहोचल्यानंतर एका अभिनेत्यासोबत वर्कआउट सेल्फी शेअर केला आहे.
Nataša Stanković Hardik Pandya : टीम इंडियाचा क्रिकेटपटू हार्दिक पांड्या (Hardik Pandya) याची पूर्व पत्नी आणि सर्बियन अभिनेत्री मॉडेल नताशा स्टॅनकोविकने (Nataša Stanković) मुंबईत पोहोचल्यानंतर एका अभिनेत्यासोबत वर्कआउट सेल्फी शेअर केला आहे. हार्दिक पांड्यापासून वेगळे झाल्यानंतर नताशा ही आपला मुलगा अगस्त्यसोबत सर्बियाला गेली होती. दीड महिने ती सर्बियामध्ये वास्तव्यास होताी. नताशाने तिथेच मुलाचा चौथा वाढदिवस साजरा केला होता. आता, नताशा आपल्या मुलासह मुंबईत परतली आहे.
मुंबई येताच केली दोन कामे
नताशाने मुंबईला परतताच दोन गोष्टी केल्या. नताशाने आपला मुलगा अगस्त्यला त्याचे वडील हार्दिक पंड्याच्या घरी सोडले. त्यानंतर तिने आपल्या दैनंदिन गोष्टीस सुरुवात केली. नताशाने मुंबईत आल्यानंतर वर्कआउटला सुरुवात केली. नताशाने आपल्या जुन्या मित्रासोबत वर्कआउट सेल्फी शेअर केला. नताशाच्या या मित्राचे नाव अलेक्झांडर ॲलेक्स इलिक आहे. तो बॉलिवूड अभिनेत्री दिशा पटानीचा बॉयफ्रेंड असल्याची चर्चा होती.
View this post on Instagram
ब्लॅक टाइट्ससह कॅरी केला क्रॉप टॉप...
नताशाने आपल्या इन्स्टा स्टोरीवर हा फोटो शेअर केला. या फोटोत नताशाने ब्लॅक टाइट्स आणि चष्मासह निऑन कलरचा क्रॉप टॉप परिधान केला असल्याचे दिसते. नताशाने अलेक्झांडरसोबत पोस्ट वर्कआउट सेल्फी शेअर केला आणि लिहिले, 'सेका'.'सेका' हा शब्द एखाद्याला प्रेमाने संबोधण्यासाठी होतो. सेकाचा अर्थ हनी, डार्लिंग, स्वीटहार्ट असा होता.
कोण आहे अलेक्झांडर अलेक्स इलिक
इंडिया टुडेच्या रिपोर्टनुसार, नताशाप्रमाणेच अलेक्झांडरही सर्बियातून आला आहे. गेल्या सात वर्षांपासून तो भारतात राहत असून मॉडेल आणि अभिनेता म्हणून आपला ठसा उमटवण्याचा प्रयत्न करत आहे. अलेक्झांडर हा सोनम कपूरसोबत 2018 मध्ये प्रदर्शित झालेला कॉमेडी चित्रपट 'वीरे दी वेडिंग'मधील 'तारीफान' नावाच्या गाण्यात दिसला होता.
जुलै महिन्यात झाला घटस्फोट...
हार्दिक पांड्या (Hardik Pandya) आणि नताशा स्टॅनकोव्हि (Nataša Stanković) यांच्यात काहीच सगळं ठीक नसल्याचे समोर आले होते. त्यानंतर 18 जुलै रोजी हार्दिक आणि नताशा यांनी घटस्फोटाची अधिकृत घोषणा केली. मागील चार वर्षांपासून सुरू असलेला या दोघांचा संसार मोडला. या निर्णयाबाबत त्यांनी एक निवेदन जारी केले होते. या दोघांना अगस्त्य नावाचा मुलगा असून त्याचे पालकत्व दोघांकडेही असणार असल्याचे त्यांनी स्पष्ट केले.
महत्त्वाच्या बातम्या
