Rashmika Mandanna On Vijay Deverakonda Cares: मासिक पाळीच्या वेदानादायी दिवसांत माझा नवरा काळजी घेतो, पुरुषांकडून तुम्ही यापेक्षा जास्त काय अपेक्षा ठेवू शकता?; रश्मिका मंदनाच्या वक्तव्याची चर्चा

Shraddha Kapoor Eetha Trailer Release: 'महाराष्ट्राची शान, लावणीचा अभिमान... विठाबाई...'; अंगावर शहारे आणणारा श्रद्धा कपूरच्या 'ईठा'चा ट्रेलर, दमदार डायलॉग्स अन् म्युझिक, Trailer

एबीपी माझा एंटरटेनमेंट डेस्क — Fri, 30 Oct 2026 15:07:44 +0530

Shraddha Kapoor Eetha Trailer Release: बॉलिवूडची (Bollywood News) चुलबुली अभिनेत्री म्हणजे, श्रद्धा कपूर (Shraddha Kapoor) सध्या तिच्या 'ईठा' (Eetha) या आगामी सिनेमामुळे चर्चेत आहे. काही दिवसांपूर्वी सिनेमाचा टीझर रिलीज करण्यात आलेला. त्यानंतर श्रद्धा कपूरच्या 'ईठा' सिनेमाची जोरदार चर्चा रंगलेली. 'ईठा' सिनेमा 'तमाशासम्राज्ञी' विठाबाई नारायणगावकर यांच्या जीवनावर आधारित आहे. खरं तर, हा सिनेमा ऑगस्ट महिन्यात साऊथ सुपरस्टार यश स्टारर 'टॉक्सिक' (Toxic) सोबत रिलीज केला जाणार होता. पण, निर्मात्यांनी रिलीज डेट पुढे ढकलण्याचा निर्णय घेतला आणि आता हा सिनेमा डिसेंबरमध्ये रिलीज करण्यात येणार आहे. अशातच, आता मेकर्सनी 'ईठा'चा दमदार ट्रेलर रिलीज केला आहे.

'ईठा' (Eetha) सिनेमा 'तमाशासम्राज्ञी' (Tamashasamradnyi) विठाबाई नारायणगावकर (Vithabai Narayangaonkar) यांच्या जीवनावर आधारित आहे. महाराष्ट्रातील लावणी या प्रसिद्ध नृत्यप्रकाराच्या विश्वातील एक उत्तुंग व्यक्तिमत्त्व आणि 'लावणी सम्राज्ञी' म्हणून ओळखल्या जाणाऱ्या विठाबाई या एक दिग्गज कलाकार होत्या. त्यांनी केवळ लावणी आणि तमाशा यांसारख्या पारंपरिक लोककला जिवंतच ठेवल्या नाहीत, तर त्यांना जागतिक स्तरावर नवी ओळखही मिळवून दिलीय. त्यांना राष्ट्रपती पुरस्कारानंही सन्मानित करण्यात आलेलं. त्यांच्याच आयुष्याची गाथा सिनेमाच्या ट्रेलरमधून मांडण्यात आली आहे.

'ईठा'च्या ट्रेलरमध्ये काय पाहायला मिळतं? (Shraddha Kapoor Eetha Trailer)

'ईठा' सिनेमाच्या ट्रेलरची सुरुवात विठाबाईंची भूमिका साकारणाऱ्या श्रद्धा कपूरच्या एका दमदार डायलॉगनं होते. "तुम्हीं ने कहा था ना कि देखते हैं पहले क्या टूटता है? मेरा भरोसा या मेरा घमंड... मेरा भरोसा ही मेरा घमंड था रे, जब वो टूट गया ना, सब टूट गया..."

ट्रेलरमध्ये 'ईठा'चा प्रवास दाखवण्यात आला आहे, ज्यातून तिला एक प्रसिद्ध लावणी आणि तमाशा कलाकार बनण्यासाठी सहन केलेल्या प्रचंड संघर्षाचं दर्शन घडतं. यात झीशान अय्युब यांचा प्रभावी व्हॉइसओव्हरही बॅकग्राउंडला आहे.

'तमाशासम्राज्ञी' विठाबाई नारायणगावकरांबाबत थोडसं...

विठाबाईंचा जन्म महाराष्ट्रातील सोलापूर जिल्ह्यातील पंढरपूर शहरात झाला आणि त्या कलाकारांच्याच कुटुंबात लहानाच्या मोठ्या झाल्या. त्यांचे वडील आणि काका 'भाऊ-बापू मांग नारायणगावकर' नावाची एक मंडळी चालवायचे. या मंडळीची स्थापना विठाबाईंचे आजोबा, नारायण खुडे यांनी केली होती, जे पुणे जिल्ह्यातील शिरूर तालुक्यातील कवठे यमाई गावचे रहिवासी होते. लहानपणापासूनच त्या लावणी, गवळणी ऐकत मोठ्या झाल्या. लहान वयातच त्यांनी लावणी करायला सुरुवात केली. केवळ लावणी आणि तमाशा यांसारख्या पारंपरिक लोककला जिवंतच ठेवल्या नाहीत, तर त्यांनी लावणीला जागतिक स्तरावर नवी ओळखही मिळवून दिलीय.

'ईठा' सिनेमाचा ट्रेलर :

Rakul Preet Singh On Surpanakha Character Ramayana Movie: 'शूर्पणखाबद्दल अनेक गैरसमज... तिच्यामुळेच युद्धाची सुरुवात झाली...'; 'रामायण' सिनेमातल्या भूमिकेवर रकुल प्रीत सिंह थेट वक्तव्य, काय म्हणाली?

एबीपी माझा एंटरटेनमेंट डेस्क — Fri, 30 Oct 2026 12:39:42 +0530

Rakul Preet Singh On Surpanakha Character Ramayana Movie: रणबीर कपूरचा (Ranbir Kapoor) 'रामायण' सिनेमा (Ramayana Movie) सध्या जोरदार चर्चेत आहे. सिनेमाचा पहिला ट्रेलर (Ramayana Movie Trailer) प्रदर्शित झाल्यापासूनच सोशल मीडियावर मोठी चर्चा सुरू झाली. भगवान रामाच्या भूमिकेतील रणबीर कपूर असो किंवा सीतेच्या भूमिकेतील साई पल्लवी (Sai Pallavi), प्रत्येक पात्रानं प्रेक्षकांचं लक्ष वेधून घेतलंय. सिनेमाचे भव्य सेट आणि त्यातील कथा मांडणीबद्दलही लोक आपापली मतं मांडत आहेत. या सर्वांमध्येच एका विशिष्ट पात्रानं चाहत्यांना आश्चर्याचा धक्का दिला आहे, ती म्हणजे शूर्पणखेची भूमिका साकारणारी रकुल प्रीत सिंह (Rakul Preet Singh). ट्रेलरमध्ये दिसलेली तिची छोटीशी झलक पाहून प्रेक्षकांची उत्सुकता आणखीनच वाढली आहे.

काही दिवसांतच 'रामायण' सिनेमा रिलीज होणार आहे. या सिनेमात शूर्पणखा ही भूमिका बॉलिवूड अभिनेत्री रकुल प्रीत सिंह हिनं साकारली आहे. याचनिमित्तानं तिनं नुकतीच पीटीआयला मुलाखत दिली. मुलाखतीत बोलताना तिनं तिच्या भूमिकेबाबत आणि एकंदरीतच ती साकारत असलेल्या भूमिकेवर भाष्य केलंय. शूर्पणखाबद्दल अनेक गैरसमज आहे आणि यात अनेक पैलूही आहेत. खरं तर तिच्यामुळेच युद्धाची सुरुवात झाली, असं रकुल प्रीत सिंह म्हणाली. रकुल प्रीत सिंहनं स्वतः भूमिकेची निवड करण्यामागचं कारण स्पष्ट केलं आहे. तिनं सांगितलं की, इतिहासात शूर्पणखेला अनेकदा चुकीच्या पद्धतीनं समजलं गेलंय, पण प्रत्यक्षात तिचं पात्र अनेक पैलू असलेले आणि अत्यंत गुंतागुंतीचे आहे.

'रामायण' सिनेमात शूर्पणखा साकारणारी अभिनेत्री रकुल प्रीत सिंह काय म्हणाली? (Rakul Preet Singh On Surpanakha Character Ramayana Movie)

बॉलिवूड अभिनेत्री रकुल प्रीत सिंह म्हणाली की, "शूर्पणखाच्या भूमिकेची मला ऑफर आली तेव्हा मी खूप उत्साहित झाले. या भूमिकेबाबत अनेक गोष्टी रोमांचक वाटल्या. पहिली गोष्ट म्हणजे सिनेमा जगासमोर भारताचं प्रतिनिधित्व करतो. आपला इतिहास आणि आपलं सत्य, ग्लोबल सिनेमाद्वारे जगासमोर पोहोचणार आहे. दुसरी गोष्ट म्हणजे, शूर्पणखाबद्दल अनेक गैरसमज आहे आणि यात अनेक पैलूही आहेत. खरं तर तिच्यामुळेच युद्धाची सुरुवात झाली. त्यामुळे ज्या भूमिकेला वेगवेगळ्या छटा आहेत अशी भूमिका साकारणं फार इंटरेस्टिंग होतं..."

"या सुंदर पत्रासाठी धन्यवाद. मी शूर्पणखाची भूमिका का स्वीकारली याचा तुम्ही एकदम योग्य मुद्दा पकडला आहे. कारण ही भूमिका अतिशय गुंतागुंतीची आहे. इतिहासात शूर्पणखाला फक्त एका घटनेसाठी लक्षात ठेवलं जातं पण तिच्या कहाणीत आणखीही बरंच काही आहे. एक अभिनेत्री म्हणून अशा भूमिका इंटरेस्टिंग असतात ज्या लोकांच्या विचारांना आव्हान देतात. जेव्हा 'रामायण' सिनेमा रिलीज होईल, प्रेक्षक खुल्या मनाने या भूमिकेला समजून घेतील...", असं रकुल प्रीत सिंह म्हणाली.

दरम्यान, रणबीर कपूर स्टारर 'रामायण' सिनेमा 5 नोव्हेंबरला रिलीज होणार आहे. या सिनेमात रणबीर कपूर प्रभू श्रीरामाच्या भूमिकेत, साई पल्लवी सीता मातेच्या भूमिकेत, तर साऊथ सुपरस्टार यश रावणाच्या भूमिकेत झळकणार आहे. तसेच, या सिनेमात रवी दुबे लक्ष्मण आणि रकुल प्रीत सिंह शूर्पणखेची भूमिका साकारणार आहे.

महत्त्वाच्या इतर बातम्या :

South Star Yash On Sai Pallavi In Ramayana: 4000 कोटींच्या 'रामायण'मध्ये सीता मातेच्या भूमिकेसाठी साई पल्लवीच का? लंकाधिपती रावण साकारणारा यश म्हणाला...

Radhika Apte On God Worship: 'माझा देवावर विश्वास नाही, लोकांनी मूर्तीपेक्षा...'; राधिका आपटेचं देव, श्रद्धा आणि भक्तीवर थेट वक्तव्य, नेमकं काय म्हणाली?

एबीपी माझा एंटरटेनमेंट डेस्क — Fri, 30 Oct 2026 07:25:19 +0530

Radhika Apte On God Worship: सध्या ओटीटीवर (OTT) एक नवी वेब सीरिज (Web Series) येऊ घातली आहे. राधिका आपटे स्टारर 'अक्का' (Akka) रिलीजच्या आधीपासूनच चर्चेत आहे. 'अक्का' ही अंडरवर्ल्डमधली एक कहाणी आहे. ज्यात निष्ठा, विश्वासघात आणि सूडाची आग अशा विविध पैलूंचं चित्रण पाहायला मिळणार आहे. यामध्ये तिच्यासोबत अभिनेत्री कीर्ती सुरेश (Actress Keerthy Suresh) हिचीही भूमिका आहे. सीरिजच्या प्रमोशननिमित्तानं राधिका आणि कीर्ती अनेक इव्हेंट्सना उपस्थित राहिल्यात. एका मुलाखतीत बोलताना राधिका आपटे (Radhika Apte) हिनं नास्तिक असल्याचा खुलासा केलाय. राधिकानं तिचा देवावर विश्वास नसल्याचा खुलासा केलाय. तसेच, ती निसर्गाची पूजा करते आणि लोकांनीही मूर्तीपेक्षा निसर्गाला जपावं, असंही मत तिनं म्हटलं आहे.

नुकत्याच दिलेल्या एका मुलाखतीत बोलताना राधिका आपटेनं तिचा देवावर विश्वास नसल्याचा खुलासा केला. ती निसर्गाची पूजा करते आणि लोकांनीही मूर्तीपेक्षा निसर्गाला जपावं असं तिने मत मांडलं आहे. तर, दुसरीकडे कीर्ती सुरेशनं मात्र, माझी देवावर श्रद्धा आहे. मी मला जी पद्धत माहितीये त्याप्रमाणे मी प्रार्थनाही करते. पण मी धार्मिक नाहीये, असं म्हटलंय.

बॉलिवूड अभिनेत्री राधिका आपटे नेमकं काय म्हणाली? (Radhika Apte On God Worship)

बॉलिवूडसोबतच मराठी सिनेसृष्टी गाजवणारी अभिनेत्री राधिका आपटे 'फिल्मीग्यान'ला दिलेल्या मुलाखतीत म्हणाली की, "माझा देवावर विश्वास नाही. माझा निसर्गावर विश्वास आहे. निसर्ग हीच माझ्यासाठी सर्वोच्च शक्ती आहे. लोकांनी मूर्तीपेक्षा निसर्गाची पूजा करावी असं मला मनापासून वाटतं..."

अभिनेत्री कीर्ती सुरेश म्हणाली की, "माझा देवावर विश्वास आहे. एक कोणतीतरी दैवी शक्ती नक्कीच आहे. माझी देवावर श्रद्धा आहे. मी मला जी पद्धत माहितीये त्याप्रमाणे मी प्रार्थनाही करते. पण मी धार्मिक नाहीये..."

दरम्यान, 'अक्का'चं लेखन आणि दिग्दर्शन धर्मराज शेट्टी यांनी केलंय. या वेब सीरिजमध्ये तन्वी आझमी, महेश मांजरेकर, अंशुमन पुष्कर आणि मोनिका पनवार मुख्य भूमिकेत आहेत. दरम्यान, नेटफ्लिक्स इंडियाच्या 'सीरीज हेड' तान्या बामी यांनी सांगितलं की, 'अक्का'मध्ये स्त्रिया केवळ कथेचा भाग नाहीत, तर त्या सत्तेच्या केंद्रस्थानी आहेत. नेटफ्लिक्स आणि वायआरएफ (YRF) यांच्या भागीदारीतील हा एक नवा अध्याय आहे. 'अक्का' (Akka) ही सीरिज 30 ऑक्टोबर रोजी नेटफ्लिक्सवर प्रदर्शित होणार आहे. वायआरएफ एंटरटेनमेंटची (YRF Entertainment) ही सीरिज धर्मराज शेट्टी यांच्या दिग्दर्शकीय कारकिर्दीतील पहिली सीरिज ठरणार आहे.

महत्त्वाच्या इतर बातम्या :

एकापेक्षा जास्त पुरुषांसोबत नातं असेल, तर त्यात अडचण काय? अभिनेत्रीचं ओपन रिलेशनशिप्सवर बेधडक वक्तव्य, म्हणाली...

Sankarshan Karhade Grandfather: तेव्हा फोन नवीन आलेले, माझ्या फोनवर 17-18 मिस्ड कॉल आलेले, मी आईला फोन केला आणि म्हणालो....: संकर्षण कऱ्हाडे

भाग्यश्री कांबळे — Thu, 29 Oct 2026 15:57:17 +0530

Sankarshan Karhade: मराठी अभिनेता संकर्षण कऱ्हाडे (Sankarshan Karhade) लवकरच 'आदि अनंत' (Aadi Anant) या सिनेमातून प्रेक्षकांना भेटीस येणार आहे. या सिनेमात ज्येष्ठ अभिनेते अशोक सराफ यांची मुख्य भूमिका आहे. या सिनेमाद्वारे ही नवी कोरी जोडी प्रेक्षकांच्या भेटीस येणार आहे. महेश लिमये दिग्दर्शित 'आदि अनंत' या सिनेमाच्या प्रोमोशनमध्ये सध्या संकर्षण कऱ्हाडे आणि अशोक सराफ (Ashok Saraf) व्यग्र आहेत. अलिकडेच संकर्षण कऱ्हाडे (Sankarshan Karhade Movie) यांनी मुलाखत दिली. या मुलाखतीत त्यांनी वैयक्तिक आयुष्याशी संबंधित आणि सिनेमाच्या संबंधित काही गोष्टी शेअर केल्या. या मुलाखतीत संकर्षण कऱ्हाडे यांनी आपल्या आजी आणि आजोबांसंबंधित (Sankarshan Karhade Grandfather) एक प्रसंग शेअर केला. आजोबा बेडवरुन पडले होते, त्यानंतर नेमकं काय घडलं? नेमका प्रसंग काय? आजोबांविषयी संकर्षण कऱ्हाडे नेमकं काय म्हणाले? जाणून घेऊयात.

आजोबा बेडवरुन खाली पडलेले अन् मग...; आपल्या आजोबाबद्दल संकर्षण कऱ्हाडे काय म्हणाले? (Sankarshan Shares Heartbreaking Story of His Bedridden Grandfather)

संकर्षण कऱ्हाडे यांनी अलिकडेच अभिजात मराठी फिल्मीला मुलाखत दिली होती. या मुलाखतीत त्यांनी विविध किस्से शेअर केले. यावेळी त्यांनी आपल्या वैयक्तिक आयुष्याबाबतही काही गोष्टी शेअर केल्या. या मुलाखतीत संकर्षण कऱ्हाडे यांनी आजोबांच्या संबंधित एक किस्सा शेअर केला. संकर्षण कऱ्हाडे मुलाखतीत म्हणाले की, 'माझे आजोबा हे आधीच बेडरिडन होते आणि ते बेडवरुन खाली पडले. त्यांना तिथेच लघवी झाली. तिथेच ते पडले होते. तर, त्या दिवशी मी फिजिक्सच्या प्रॅक्टिकलमध्ये होतो. माझ्या मोबाईलवर 17-18 मिस कॉल आले होते. तेव्हा मार्केटमध्ये नवीन नवीन फोन आले होते'.

'प्रॅक्टिकल झाल्यानंतर मी आईला फोन केला. म्हटलं एवढे मिस कॉल, काय झालं आई? मला आई म्हटली की, आजोबा बेडवरुन पडले. मी म्हटलं तिला, मग आजोबांना उचल ना... मला आई म्हणाली की, ते अंगाला हात लावून देत नाही. मी म्हणालो, का...? तर, त्यांच्या अंगावर कपडा नव्हता. आजोबा आईला म्हटले की, सूनबाई, तुम्ही समोर येऊ नका. मी लाजेनं मरुन जाईन. वयस्कर व्यक्तींना काही गोष्टींचा त्रास असतो. एकतर, कुणाचा तरी आधार घ्यावा लागतो. दुसरं म्हणजे, अंगावरचा कपडाही मला सांभाळताही येत नाहीये. आणि तिसरी गोष्ट म्हणजे, मी अशा अवस्थेत असताना माझी सून माझ्या समोर आहे. काय त्यांच्या मनाची घालमेल सुरु असेल', असं संकर्षण कऱ्हाडे म्हणाले. संकर्षण कऱ्हाडेंचा 'आदि अनंत' हा सिनेमा 12 नोव्हेंबर रोजी रिलीज होणार आहे.

महत्त्वाच्या इतर बातम्या:

Uday Tikekar on Ashok Saraf Laxmikant Berde: 'अशोक मामा अन् लक्ष्मीकांत बेर्डे खूप सतवायचे, फायटिंग सीन करताना चिमटा...'; उदय टिकेकरांनी सांगितला सेटवरचा किस्सा

Girish Kulkarni on Nana Patekar Deool: 'देऊळ' सिनेमासाठी गिरीश कुलकर्णींना नाना पाटेकरच का हवे होते? सांगितला किस्सा; म्हणाले, 'नानांनी मला 6 महिने तंगवलं'

भाग्यश्री कांबळे — Thu, 29 Oct 2026 14:01:47 +0530

Girish Kulkarni on Nana Patekar Deool: 'अगदी शून्य मिनिटात पोहोचतो' , 2011 साली रिलीज झालेल्या 'देऊळ' या सिनेमातील दिवंगत अभिनेते नाना पाटेकर (Nana Patekar) यांचा हा डायलॉग. सिनेमा प्रदर्शित झाल्यानंतर प्रचंड गाजला. उमेश कुलकर्णी दिग्दर्शित 'देऊळ' या सिनेमात नाना पाटेकर (Nana Patekar Death) यांनी 'भाऊ गलांडे' ही भूमिका साकारली होती. नाना पाटेकर यांची भूमिका सुपरहिट ठरली. या सिनेमात अभिनेते गिरीश कुलकर्णी यांनी मुख्य भूमिका साकारली होती. त्यांनी 'केश्या' ही भूमिका साकारली होती. अलिकडेच दिलेल्या मुलाखतीत गिरीश कुलकर्णी (Girish Kulkarni) यांनी 'देऊळ' (Deool) या सिनेमाबाबत एक किस्सा शेअर केला. गिरीश कुलकर्णी यांना नाना पाटेकर हे 'देऊळ' या सिनेमात हवे होते, असं त्यांनी मुलाखतीत सांगितलं. नेमका किस्सा काय? जाणून घेऊयात.

गिरीश कुलकर्णी यांनी नाना पाटेकर यांच्यासोबतच्या आठवणींना उजाळा दिला (Girish Kulkarni Reveals how he convinced Nana Patekar for film)

ज्येष्ठ दिवंगत अभिनेते नाना पाटेकर यांचं 8 ऑक्टोबर रोजी वयाच्या 75 व्या वर्षी निधन झालं. त्यांचं हृदयविकाराच्या झटक्याने निधन झालं. त्यांच्या निधनानंतर संपूर्ण सिनेसृष्टीला धक्का बसला. अलिकडेच गिरीश कुलकर्णी यांनी Isapniti Talksला मुलाखत दिली. या मुलाखतीत त्यांनी नाना पाटेकर यांच्यासोबतच्या आठवणींना उजाळा दिला. तसेच 'देऊळ' या सिनेमाच्या संबंधित एक किस्साही शेअर केला. गिरीश कुलकर्णी म्हणाले की, 'मी त्यांचे नाटक मनापासून पाहिलं आहे. तेव्हा मी कुणीच नव्हतो. माझ्याकडे पैसे नसतानाही त्यांचे नाटक आवर्जून पाहायचो. सिनेमा तर त्यांचे सगळेच पाहिले. माझा अट्टाहास होता की, नाना हे माझ्या पहिल्या सिनेमात असावे. 'वळू' या सिनेमावेळी मी खूप प्रयत्न केला. पण नाना नाही म्हटले'.

''देऊळ' या सिनेमासाठी मला तेच हवे होते. माझा अट्टाहास होता. जवळ जवळ सहा महिने मला त्यांनी तंगवलं. माझा पण हट्ट होता, नानाच पाहिजे.. मग ते झालं शक्य. कवितेवर मनापासून प्रेम असलेला माणूस. बहुमुखी अशी व्यक्ती होती. त्यांना बरंच काही माहित होतं. चित्रकला, साहित्य याबद्दल त्यांना ज्ञान होते. थेटपणे सत्य बोलायचे. एखाद्या सत्याकडे आणि एखाद्या अन्यायाकडे अतिशय लक्ष वेधणारं काम, त्यांनी उभं केलं. जे की 'नाम'. कॅमेऱ्यांचा त्यांना अंदाज होता. नानांची अजून चांगली कामं आम्हाला पाहता आली असती...', असं गिरीश कुलकर्णी म्हणाले.

महत्त्वाच्या इतर बातम्या:

Swapnil Joshi: 'मला सांगा सुख म्हणजे नक्की काय असतं?'; ट्रिपवरुन घरी परतताच स्वप्नील जोशीच्या लेकरांनी दिलं खास सरप्राईज

Uday Tikekar on Ashok Saraf Laxmikant Berde: 'अशोक मामा अन् लक्ष्मीकांत बेर्डे खूप सतवायचे, फायटिंग सीन करताना चिमटा...'; उदय टिकेकरांनी सांगितला सेटवरचा किस्सा

भाग्यश्री कांबळे — Thu, 29 Oct 2026 12:49:33 +0530

Uday Tikekar on Ashok Saraf And Laxmikant Berde Movie: ज्येष्ठ अभिनेते उदय टिकेकर (Uday Tikekar) सध्या आपल्या आगामी सिनेमामुळे चर्चेत आहे. 'महाराष्ट्र एपस्टिन फाइल्स' (Maharashtra Epstein Files) असे चित्रपटाचे नाव असून, या सिनेमात त्यांची महत्त्वाची भूमिका आहे. उदय टिकेकर (Marathi Actor Uday Tikekar) यांनी आपल्या कारकि‍र्दीत बऱ्याच सिनेमांमध्ये काम केलं. तसेच मालिकांमध्येही त्यांनी आपल्या अभिनयाची छाप सोडली. उदय टिकेकर यांनी आपल्या कारकि‍र्दीत केवळ मराठीच नाही तर, हिंदी सिनेमांमध्येही काम केलं. दरम्यान, अलिकडेच त्यांनी मुलाखत दिली. या मुलाखतीत त्यांनी सिनेमांविषयी अनेक किस्से शेअर केले. या मुलाखतीत दिवंगत अभिनेते लक्ष्मीकांत बेर्डे (Laxmikant Berde) आणि ज्येष्ठ अभिनेते अशोक सराफ (Ashok Saraf) यांच्यासंबंधित एक किस्सा सांगितला. नेमका किस्सा काय? जाणून घेऊयात.

अशोक सराफ आणि लक्ष्मीकांत बेर्डे यांच्यासोबत काम करतानाचा अनुभव उदय टिकेकर यांनी शेअर केला (Uday Tikekar on Ashok Saraf And Laxmikant Berde Set Pranks)

उदय टिकेकर यांना ज्येष्ठ दिवंगत अभिनेते लक्ष्मीकांत बेर्डे यांची अप्रत्यक्ष मदत कशी झाली? याबाबत खुलासा केला. उदय टिकेकर म्हणाले, 'सिनेमाच्या प्रवासाबद्दल सांगायचं झाल्यास, नाटक करत असताना मला एकदा लक्ष्मीकांत बेर्डे यांचा फोन आला होता. मला म्हटले की, 'या व्यक्तीला जाऊन भेट. त्यांच्याकडे मी तुझं नाव सुचवलं आहे. या सिनेमात तू हिरो म्हणून काम करणार आहेस' डायरेक्ट असं मला त्यांनी सांगितलं. माझी कधीही त्यांची समोरासमोर भेट किंवा ओळख नाही. लक्ष्मीकांत बेर्डे तेव्हा खूप मोठे स्टार होते. मला डायरेक्ट फोन आला, मी वेडाच झालो.'.

'पहिली फिल्म माझी 'धाकटी सून'. त्यानंतर मला हिंदी फिल्म मिळाली, 'काफिला'. हा सिनेमा जास्त बॉक्स ऑफिसवर चालला नाही, पण चित्रपट छान आहे. यानंतर प्रवास सुरु झाला'. 'शुभमंगल सावधान' या सिनेमाबद्दल बोलताना उदय टिकेकर म्हणाले की, 'अशोक मामा आणि लक्ष्मीकांत बेर्डे खूप सतवायचे. माझ्यासाठी सिनिअर होते. त्या काळी खूप मोठे स्टार होते. खतरनाक होते. उगाचच खोटं खोटं मारायचे, चिमटे काढायचे. काहीतरी बोलत राहायचे मला मारताना, पण मजा यायची'.

'शुभ मंगल हा सिनेमा प्रचंड गाजला. लोक या सिनेमाविषयी कौतुक करायचे', असं उदय टिकेकर म्हणाले. 'शुभ मंगल सावधान' हा सिनेमा 1992 साली रिलीज झाला होता. एम.एस. साल्वी दिग्दर्शित या सिनेमात ज्येष्ठ अभिनेते अशोक सराफ, दिवंगत अभिनेते लक्ष्मीकांत बेर्डे, वर्षा उसगावकर, उदय टिकेकर यांची मुख्य भूमिका आहे. हा सिनेमा प्रचंड गाजला. आजही हा सिनेमा आवर्जून पाहिला जातो.

महत्त्वाच्या इतर बातम्या:

Govinda on Mother: अभिनय सोडला, टक्कल केलं अन् भुवया काढल्या; गोविंदाच्या आईनं असं का केलं? पती म्हणाला, 'तू खूप सुंदर आहेस पण...'

Shweta Keswani Supports Shahana Goswami: एकापेक्षा जास्त पुरुषांसोबत नातं असेल, तर त्यात अडचण काय? अभिनेत्रीचं ओपन रिलेशनशिप्सवर बेधडक वक्तव्य, म्हणाली...

एबीपी माझा एंटरटेनमेंट डेस्क — Thu, 29 Oct 2026 12:38:37 +0530

Shweta Keswani Supports Shahana Goswami: प्रसिद्ध अभिनेत्री शहाना गोस्वामी (Actress Shahana Goswami) अलिकडेच तिच्या वैयक्तिक आयुष्यामुळे चर्चेत आली आहे. तिनं नुकतंच आपल्या आयुष्यात अनेक पुरुषांसोबत असलेल्या नात्याबाबत भाष्य केलंय. शहाना गोस्वामीच्या वक्तव्यानंतर सोशल मीडियावर चर्चांना उधाण आलं. अनेकांनी शहाना गोस्वामीला ट्रोल केलं. पण, आता अभिनेत्री श्वेता केसवानी (Shweta Keswani) हिनं पुढे येऊन शहानाचं समर्थन केलंय. तिनं केवळ शहानाच्या वक्तव्याला पाठींबा दिला नाही, तर तिनं तिला पूर्णपणे पाठिंबाही दिलाय. त्यासोबतच महिलांच्या प्रेमसंबंधांवर प्रश्न उपस्थित करणाऱ्यांनाही खडे बोल सुनावले आहेत.

"एक नातं सांभाळणं कठीण असतं, पाच नाती असणं ही तर चांगली गोष्ट आहे..."

सिद्धार्थ कन्ननच्या पॉडकास्टमध्ये बोलताना श्वेता केसवानीनं शहानाच्या एकापेक्षा जास्त अफेअर्सच्या वक्तव्यावर आपला मुद्दा स्पष्ट केला. श्वेता केसवानी म्हणाली की, जर शहाना तिच्या आयुष्यात आनंदी असेल, तर इतरांना त्याबद्दल काहीही अडचण नसावी. माझ्या मते शहाना खपूच भारी आहे. जर ती इतक्या लोकांशी असलेली नाती सांभाळू शकत असेल, तर ती एक चांगली गोष्ट आहे. एक नातं सांभाळणंही मानसिकदृष्ट्या आव्हानात्मक असतं, विचार करा, पाच नाती सांभाळणं म्हणजे काय? जर तिला यात आनंद मिळत असेल आणि तिनं हे सुरू ठेवण्याचा निर्णय घेतला असेल, तर ही तिच्यासाठी एक सकारात्मक गोष्ट आहे..."

"दुसऱ्यांच्या आयुष्यात एवढा इंटरेस्ट का?"

श्वेता केसवानीनं शहानाच्या वैयक्तिक आयुष्यावर प्रश्न उपस्थित करणाऱ्यांना आणि तिला ट्रोल करणाऱ्यांवरही प्रश्न उपस्थित केलेत. तिचं म्हणणं आहे की, "लोकांनी दुसऱ्यांच्या नात्यांवर आपलं मत मांडण्याऐवजी आपल्या आयुष्याकडे बघावं..."

पुरुषानं कितीही अफेअर्स केले, तर शांत बसणार; पण महिलेनं केलं तर प्रश्न विचारणार?

श्वेता केसवानीनं स्त्री-पुरुष संबंधांबाबत समाजात असलेल्या समज-गैरसमजांवरही भाष्य केलंय. श्वेता केसवानी म्हणाली की, विवाहेतर संबंध ठेवणाऱ्या पुरुषांना तितकी टीका सहन करावी लागत नाही, जितकी स्वतःच्या अटींवर जगणाऱ्या स्त्रियांना करावी लागते. श्वेता केसवानी म्हणाली की, "जेव्हा एखादा पुरुष विवाहबाह्य संबंध ठेवतो, तेव्हा कोणीही काहीही बोलत नाही. पण, जर एखादी स्त्री लैंगिकदृष्ट्या सक्रिय असेल आणि स्वतःच्या अटींवर आयुष्य जगण्याचा निर्णय घेत असेल, तर लोक लगेच तिच्यावर टीका करतात, तिला जज करतात आणि तिला विविध प्रकारची दूषणं देतात...." श्वेता केसवानी पुढे म्हणाली की, जर दोन व्यक्ती आपापल्या संमतीनं आपल्या नात्याला एका वेगळ्या किंवा अपारंपरिक पद्धतीनं पुढे नेण्याचा निर्णय घेत असतील, तर इतरांना त्याबद्दल चिंता करण्याचं कारण काय?

"ओपन मॅरेज देखील अस्तित्वात आहे, यात एवढं विशेष काय?"

'ओपन रिलेशनशिप' आणि 'ओपन मॅरेज' या संकल्पनांवर बोलताना श्वेता केसवानीनं नमूद केलंय की, अशा प्रकारच्या व्यवस्था काही नव्या नाहीत. तिनं पुढे बोलताना स्पष्ट केलंय की, काही लोक आपल्या जोडीदाराच्या संमतीनं इतरांशीही संबंध जोडणं पसंत करतात.

अभिनेत्री श्वेता केसवानी म्हणाली की, "ओपन मॅरेज अस्तित्वात आहे. लोक अशा कार्यक्रमांना जातात, ज्यांना कधीकधी 'केमिस्ट्री पार्टीज' असंही म्हटलं जातं. जिथे ते इतरांना भेटतात आणि नव्या संबंधांच्या शक्यता शोधतात. जोडपी तिथे एकत्र जातात आणि स्वतःच्या इच्छेनुसार जे त्यांना योग्य वाटतं, ते करतात. मला प्रामाणिकपणे समजत नाही की, यात एवढी मोठी गोष्ट काय आहे... जर तुम्ही आणि तुमचा जोडीदार अशा लाईफस्टाईलमध्ये समाधानी असाल, तर मग तुम्ही इतरांच्या अटींनुसार का जगावं? अशा व्यक्ती इतरांसाठी जगत नाहीत, त्या स्वतःसाठी जगतात."

महत्त्वाच्या इतर बातम्या :

Rashmika Mandanna On Vijay Deverakonda Cares: मासिक पाळीच्या वेदानादायी दिवसांत माझा नवरा..., पुरुषांकडून तुम्ही यापेक्षा जास्त काय अपेक्षा ठेवू शकता?; रश्मिका मंदनाच्या वक्तव्याची चर्चा

Govinda on Mother: अभिनय सोडला, टक्कल केलं अन् भुवया काढल्या; गोविंदाच्या आईनं असं का केलं? पती म्हणाला, 'तू खूप सुंदर आहेस पण...'

भाग्यश्री कांबळे — Thu, 29 Oct 2026 12:00:33 +0530

Govinda On Mother Becomes Sadhvi: बॉलिवूड अभिनेता गोविंदा (Govinda) आपल्या आई, निर्मला देवी यांच्या खूप जवळ आहेत. आपल्या आईविषयी अभिनेता (Hero No.1) सांगत असतो. आईचा त्याग आणि साधेपणामुळे गोविंदाला अभिनेता होण्यास मदत झाली. गोविंदाने अनेक मुलाखतींमध्ये असे वर्णन केले आहे की, तो आपल्या आईची (Govindas Mother) देवीप्रमाणे कशी पूजा करायचा. गोविंदा आपल्या आईचे पाय देखील धुवायचा. आईच्या निधनानंतर गोविंदा प्रचंड दु:खी होता. अभिनेत्याने अलिकडेच दिलेल्या मुलाखतीत एक मोठा खुलासा केला आहे. गोविंदाच्या आईने एक सामान्य व्यक्तीचे जीवन सोडून, साध्वी बनण्याचा निर्णय घेतला होता. त्यांनी डोक्याचे आणि भुवयाचे केस काढले होते. गोविंदाच्या आईंनी असं का केलं? पाहूयात.

गोविंदाच्या आईने या कारणामुळे टक्कल केलं होतं आणि भुवयांचे केसही काढले होते (Govinda Reveals why his mother Nirmala devi shaved her head)

खूप कमी लोकांना ठाऊक आहे की, गोविंदाची आई सुद्धा त्यांच्या काळात हिंदी सिनेसृष्टीतील एक सुप्रसिद्ध अभिनेत्री होत्या. गोविंदाच्या आईंनी डेब्यूच्या 10 वर्षांच्या आतच फिल्म इंडस्ट्रीला रामराम केलं होतं. स्वत:चं टक्कल केलं होतं. तसेच आपल्या मुलांचे संगोपन करत त्या साध्वी बनल्या होत्या. एबीपी न्यूजला दिलेल्या मुलाखतीत आपल्या आईबद्दल बोलताना गोविंदा म्हणाला की, 'अभिनेत्री बनल्यानंतर माझी आई, निर्मला देवी, इतकी गरीब झाली होती की, त्यांच्या बंगल्यातील सर्व सामान काढण्यात आले होते'.

'माझ्या वडिलांनी माझ्या आईला सांगितले होते की, निर्मला तू इतकी सुंदर आहेस की, जेव्हा तू कामाच्या शोधात बाहेर जाशील, तेव्हा लोक तुझ्याकडे वाईट नजरेनं पाहतील. या कारणामुळे माझ्या आईने टक्कल केलं. तसेच माझी आई साध्वी बनली. माझी आई म्हणाली, फक्त माझ्या मुलांना मोठं होऊ द्या'. गोविंदाने सांगितलं की, तो अशा एका आईच्या सावलीखाली मोठा झाला आहे, ज्यांनी आपलं अभिनेत्री होण्याचं स्वप्न सोडून साध्वी होण्याचा कठोर निर्णय घेतला. गोविंदाचा असा विश्वास आहे की, त्याच्या संगोपनावर त्याच्यावर खूप खोलवर परिणाम झाला आहे.

आगामी सिनेमाची को- स्टार कोमल राणी स्वर्णकारसोबत सुरू असलेल्या अफेअरच्या चर्चांवर आणि सुनीता आहुजा हिने केलेल्या आरोपांवर प्रतिक्रिया देताना म्हटलं की, 'मी अशा आईचा मुलगा आहे, लोक माझ्याबद्दल काय म्हणत आहे, याबद्दल मला काहीही फरत पडत नाही. मी त्याकडे फार लक्ष देत नाही', असं गोविंदा म्हणाला.

महत्त्वाच्या इतर बातम्या:

Swapnil Joshi: 'मला सांगा सुख म्हणजे नक्की काय असतं?'; ट्रिपवरुन घरी परतताच स्वप्नील जोशीच्या लेकरांनी दिलं खास सरप्राईज

भाग्यश्री कांबळे — Thu, 29 Oct 2026 10:57:37 +0530

Swapnil Joshi Shares video of His Kids: स्वप्नील जोशी (Swapnil Joshi). या मराठी अभिनेत्याने आपल्या कारकि‍र्दीत नाटक आणि सिनेमातून प्रेक्षकांचं मनोरंजन केलं. त्याचा चाहतावर्ग खूप मोठा आहे. त्याने आपल्या कारकि‍र्दीत बऱ्याच हिट सिनेमांमध्ये (Swapnil Joshi Movie) काम केलंय. अभिनेता सोशल मीडियातही सक्रीय असतो. आपल्या दैनंदिन आयुष्यात घडणाऱ्या घडामोडी अभिनेता पोस्टद्वारे सोशल मीडियात शेअर करत असतो. स्वप्नील जोशी सध्या लग्नपंचमी या नाटकामुळे चर्चेत आहे. या नाटकातून अभिनेता प्रेक्षकांच्या भेटीस येत आहे. दरम्यान, अभिनेता सध्या आपल्या व्हिडीओमुळे चर्चेत आहे. स्वप्नील जोशीने शेअर केलेल्या व्हिडीओने (viral video) सर्वांचेच लक्ष वेधून घेतलं आहे. आपली मुलं कसं स्वागत करतात? हे त्याच्या व्हिडीओतून पाहायला मिळत आहे.

स्वप्नील जोशीने शेअर केलेल्या व्हिडीओची चर्चा (Swapnil Joshi Shares Heartwarming video of his kids)

स्वप्नील जोशीने आपल्या अधिकृत इन्स्टाग्रामवर व्हिडीओ शेअर केला आहे. या व्हिडीओमध्ये जेव्हा स्वप्नील जोशी दौऱ्यानंतर घरी परततो, तेव्हा त्याची मुलं त्याचे कसे स्वागत करतात? हे या व्हिडीओतून आपल्याला पाहायला मिळत आहे. स्वप्नील जोशी आपल्या घराची बेल वाजवतो. त्याची दोघेही मुलं आनंदाने स्वप्नील जोशीच्या जवळ जातात आणि आपल्या बाबांना मिठी मारतात. स्वप्नील जोशीही आपल्या लेकरांचे लाड करतो. त्यानंतर स्वप्नील जोशी आपल्या बायकोला भेटतो. त्यानंतर स्वप्नील जोशीचा लेक त्याला, 'तू खूप दिवसांनी आला आहेस ना, आम्ही तुला सरप्राइज देणार आहोत'. स्वप्नील जोशीची मुलगी त्याला दोन पेंटिंग दाखवते. पहिल्या चित्रात फुलपाखरु आणि फुले दिसत आहे आणि दुसऱ्या पेंटिंगमध्ये सिंहांचे चित्र पाहायला मिळत आहे.

View this post on Instagram

A post shared by स्वप्नील जोशी (@swwapnil_joshi)

तेव्हा मुलगी स्वप्नील जोशीला विचारते, 'तुला कोणतं पेंटिंग हवं आहे?' तेव्हा स्वप्नील जोशी म्हणतो की, 'तुला वाटतं जे वाटले, जे म्हणशील ते मी घेईन', तेव्हा मायरा, सिंह असं म्हणते. तेव्हा स्वप्नील जोशी, खूप गोड चित्र आहे, अगदी तुझ्यासारखे, असं आपल्याला लेकीला म्हणतो आणि लेकीचं कौतुक करतो. यानंतर स्वप्नील जोशीचा मुलगा राघव चारचाकीचे चित्र दाखवतो. राघवचेही स्वप्नील कौतुक करतो. दोन्ही व्हिडीओ शेअर करत स्वप्नील जोशीने लक्षवेधी कॅप्शन दिलं आहे. 'तुम्ही जेव्हा कामाच्या ट्रिपवरुन येता आणि तुमची मुलं असं स्वागत करतात. प्रत्येक वेळी मुलं असं स्वागत करतात. मला सांगा सुख म्हणजे नक्की काय असतं', असं म्हणत त्याने आपल्या मुलांचं कौतुक केलं आहे. सध्या अभिनेत्याची पोस्ट सोशल मीडियात व्हायरल होत असून, नेटकऱ्यांनी आणि काही कलाकारांनी कमेंट करुन या दोन्ही व्हिडीओंचं कौतुक केलं आहे.

महत्त्वाच्या इतर बातम्या:

Raj Hanchanale Baby Girl: 'तुझ्यात जीव रंगला' फेम 'राणा दा'च्या भावाला झाली लेक; 9 दिवसांनी शेअर केली पोस्ट, लेकीला दिलं खास वचन

Rashmika Mandanna On Vijay Deverakonda Cares: मासिक पाळीच्या वेदानादायी दिवसांत माझा नवरा काळजी घेतो, पुरुषांकडून तुम्ही यापेक्षा जास्त काय अपेक्षा ठेवू शकता?; रश्मिका मंदनाच्या वक्तव्याची चर्चा

एबीपी माझा एंटरटेनमेंट डेस्क — Thu, 29 Oct 2026 09:57:35 +0530

Rashmika Mandanna On Vijay Deverakonda Cares: साऊथ सिनेसृष्टीतलं (South Film Industry) पॉवर कपल म्हणून ओळखले जाणारे, रश्मिका मंदाना (Rashmika Mandanna) आणि विजय देवरकोंडा (Vijay Deverakonda), चाहत्यांचंही लाडकं कपल आहे. दोघांमधली केमिस्ट्री चाहत्यांना खूप आवडते. कित्येक वर्षांपासून दोघांच्या रिलेशनशिपच्या चर्चांना उधाण आलेलं. अखेर दोघांनीही शाही विवाहसोहळ्यात आपली लग्नगाठ बांधली आणि साताजन्माची वचनं घेतली. अशातच, नुकत्याच दिलेल्या एका मुलाखतीत बोलताना रश्मिकानं तिच्या आणि विजय देवरकोंडा यांच्या नात्यातल्या जिव्हाळ्यावर भाष्य केलंय. मुलाखतीत बोलताना रश्मिकानं मासिक पाळीवर वक्तव्य केलंय. लग्नानंतर विजय देवरकोंडा तिची खूप काळजी घेतो. इतकंच नाहीतर, तिला मासिक पाळी आल्यानंतरही तो तिला काय हवं-नको ते सर्वकाही पाहतो, असं तिनं सांगितलं. रश्मिकानं मुलाखतीत बोलताना बऱ्याच वैयक्तिक गोष्टींवर भाष्य केलंय. ज्यावर आता चाहत्यांकडून विविध प्रतिक्रिया दिल्या जातायत.

साऊथची प्रसिद्ध अभिनेत्री रश्मिका मंदाना (South Actress Rashmika Mandanna) हिनं 'मिड-डे'ला मुलाखत दिली. या मुलाखतीत बोलताना तिनं तिच्या वैयक्तिक आयुष्यातला एक किस्सा सांगितला. "मी कोणत्या परिस्थितीतून जातेय आणि मला कसं वाटतंय, हे त्याला समजतंय. मी माझ्या मनातल्या गोष्टी मोकळेपणानं मांडणारी व्यक्ती आहे. जर मला विनाकारण उदास वाटलं, तर मी त्याला सांगते, 'बघ, काही दिवसांत माझे पीरियड्स सुरू होणार आहेत, मला फक्त तुझ्या सोबतीची आणि प्रेमाची गरज आहे... मी त्याला आधीच कल्पना देऊन ठेवते..."

अभिनेत्री रश्मिका मंदाना म्हणाली की, "एका पुरुषाकडून तुम्ही यापेक्षा जास्त काय अपेक्षा ठेवू शकता? तो माझ्या पाठीशी आहे, हे जाणून खूप दिलासा मिळतो. माझ्या पीरियड्समध्ये तो माझ्या पोटाला मालिश करतो, तसेच माझ्या हाता-पायांना मसाज करतो, कारण त्यांना वाटतं की, किमान एवढं तरी ते करू शकतात..." पुढे बोलताना रश्मिका म्हणाली की, "मला होणारा त्रास थांबवण हे जरी त्याच्या हातात नसलं तरी तो आपल्यासाठी सर्व काही करतो. या सगळ्यात माझी प्रचंड चिडचिड होतं असते, पण तो समजून घेतो. मला काय हवंय, काय नको,कशाची गरज आहे हे विजय बरोबर समजून घेतो. वेळोवेळी मला हसवण्याचा, माझ मूड कसा चांगला राहिल याचाही प्रयत्न करत असतो..."

रश्मिकाने मासिक पाळीबद्दल समाजात अधिक समजूतदारपणा असण्याची गरज असल्याचंही म्हटलंय. तसेच, सिनेमाच्या शूटिंगदरम्यान महिलांना होणाऱ्या त्रासाची दखल घेणं आवश्यक असल्याचंही रश्मिकानं मुलाखतीत म्हटलंय.

दरम्यान, रश्मिका आणि विजय यांच्यातील पडद्यामागच्या प्रेमसंबंधांबाबत बरीच चर्चा होती, मात्र या दोन्ही कलाकारांनी या विषयावर बोलणं नेहमीच टाळलंय. अखेर, 26 फेब्रुवारी 2026 रोजी दोन्ही सुपरस्टार विवाहबंधनात अडकले. त्यांनी राजस्थानमध्ये तेलगू आणि कोडवा अशा दोन्ही परंपरांनुसार लग्न केलं.

महत्त्वाच्या इतर बातम्या :

Milind Gawli Became Grandfather: 'आमच्या घरी गौराई आली, आभाळ ठेंगणं झालंय...', अभिनेते मिलिंद गवळी यांची गूड न्यूज देणारी पोस्ट, गोंडस नातीसोबतचा फोटो शेअर करत म्हणाले...