Bigg Boss 18 Host Change : बिग बॉस 18 हा छोट्या पडद्यावरील प्रसिद्ध शो असून याचा मोठा चाहतावर्ग आहे. या शोसंबंधित एक मोठी बातमी समोर आली आहे. आता बिग बॉस शो सलमान खान होस्ट करणार नाही. बिग बॉस 18 शोचा होस्ट तडकाफडकी बदलण्यात आला आहे. मीडिया रिपोर्टनुसार, आता बिग बॉस 18 वीकेंड का वारच्या सूत्रसंचालनाची जबाबदारी सलमान खानऐवजी दुसऱ्या सेलिब्रिटीवर देण्यात येणार आहे. शोचा निर्मात्यांनी शोचा होस्ट बदलण्याचा तडकाफडकी निर्णय घेतल्याची मोठी माहिती समोर आली आहे.
बिग बॉस 18 चा होस्ट बदलला!
सलमान खानने होस्ट करत असलेला बिग बॉस शो पाहण्यासाठी चाहते आतुर असतात, मात्र आता प्रेक्षकांच्या पदरी काहीशी निराशा येणार आहे. आता सलमान खान बिग बॉस 18 शो होस्ट करणार नाही. या वीकेंड का वारला सलमान खान सूत्रसंचालन करणार नाही. या आठवड्यात बिग बॉस 18 वीकेंड का वार एपिसोडमध्ये, रोहित शेट्टी आणि एकता आर कपूर बिग बॉस 18 वर होस्ट म्हणून खास उपस्थिती लावणार आहेत. सलमान खान अनुपस्थितीत रोहित आणि एकता बिग बॉस शो होस्ट करतील.
सलमान खानऐवजी 'हे' सेलिब्रिटी सांभाळणार शोची धुरा
बॉलिवूड निर्माता आणि दिग्दर्शक रोहित शेट्टी आणि निर्माती एकता आर कपूर बिग बॉस सीझन 18 वर वीकेंड का वार होस्ट करण्यासाीठी सज्ज आहेत. रोहित शेट्टी आणि एकता आर कपूर यांची जोडी 8 नोव्हेंबर आणि 9 नोव्हेंबर रोजी प्रसारित होणाऱ्या वीकेंड का वार भागांत सूत्रसंचालनाची जबाबदारी पार पडताना दिसतील. सलमान खान या आठवड्यात शूटला अनुपस्थितीत राहणार असल्याची माहिती आहे. सध्या सुपरस्टार सलमान खान याच्या आगामी चित्रपट सिकंदरच्या शूटिंगमध्ये व्यस्त आहे. सलमान खान हैदराबादमध्ये शुटींग करत असल्याची माहिती समोर आली आहे.
बिग बॉस शोमध्ये बदल
सध्या बिग बॉस शोमध्ये सध्या काही बदल पाहायला मिळत आहेत. गेल्या आठवड्यात 'वीकेंड का वार' एपिसोड शनिवार-रविवार ऐवजी शुक्रवारी आणि दाखवण्यात आला होता. त्यानंतर रविवारी अभिनेता रवी किशन सूत्रसंचालन करताना दिसला. आता या आठवड्यात रोहित शेट्टी आणि एकता कपूर बिग बॉस 18 वीकेंड का वार एपिसोड होस्ट करताना दिसतील.
एकता आणि रोहित सदस्यांची शाळा घेणार
या आठवड्यात, बिग बॉस 18 च्या घरात अनेक भांडणे आणि मतभेद पाहायला मिळाले. या आठवड्यात दिग्विजय राठी आणि कशिश कपूर या दोन वाइल्ड कार्ड एंट्रीसह पाहायला मिळाल्या. आता या आठवड्याच्या शेवटी 'वीकेंड का वार'मध्ये रोहित शेट्टी आणि एकता कपूर स्पर्धकांना त्यांच्या गैरवर्तनाबद्दल झापताना आणि त्यांची शाळा घेताना दिसतील. यासोबत नॉमिनेटेड सदस्यांपैकी एक सदस्य घराबाहेर जाईल.
महत्त्वाच्या इतर बातम्या :