Bigg Boss 17 : 'बिग बॉस 17' (Bigg Boss 17) हा छोट्या पडद्यावरील लोकप्रिय कार्यक्रम आता अंतिम टप्प्यात आला आहे. गेल्या काही दिवसांपासून हा कार्यक्रम प्रेक्षकांचं चांगलच मनोरंजन करत आहे. अंकिता लोखंडे (Ankita Lokhande) 'बिग बॉस 17'ची विजेती व्हावी, अशी इच्छा तिचे चाहते व्यक्त करत आहे. अशातच आता बॉलिवूडच्याही एका सेलिब्रिटीने अंकिता लोखंडेला पाठिंबा दिला आहे.
'बिग बॉस 17'मधील (Bigg Boss 17) सर्व स्पर्धक या कार्यक्रमासाठी खूप मेहनत घेत आहेत. गेल्या काही दिवसांपासून हा वादग्रस्त कार्यक्रम प्रेक्षकांचं चांगलच मनोरंजन करत आहे. आपल्या आवडीच्या स्पर्धकाने 'बिग बॉस 17' हा कार्यक्रम जिंकावा यासाठी चाहत्यांसह बॉलिवूड सेलिब्रिटींकडून सपोर्ट मिळत आहे.
अंकिता लोखंडेला 'बिग बॉस'च्या 'या' स्पर्धकाचा सपोर्ट
'बिग बॉस 17' हा कार्यक्रमात कोण जिंकेल यासाठी वेगवेगळे अंदाज बांधले जात आहेत. अंकिता लोखंडेला संगीत-दिग्दर्शक आणि संगीतकार अमाल मलिक (Amaal Malik) यांचा पाठिंबा मिळत आहे. अमालने 'कपूर अँड सन्स' (कर गई चुल्ल, बुद्धू सा मन), सोनू के टीटू की स्वीटी (सुबह-सुबह), 'कबीर सिंह' (ये आईना) सारख्या हिट सिनेमांतील गाणी संगीतबद्ध केली आहेत. अमालने इंस्टा स्टोरीवर अंकिताचा व्हिडीओ शेअर केला आहे.
अमाल काय म्हणाला?
अमालने सोशल मीडियावर एक व्हिडीओ शेअर केला आहे. या व्हिडीओमध्ये पापराझी अंकिताची आई वंदना लोखंडे यांना विचारताना दिसत आहे की,अंकिता कॅप्टन झाली आहे? काय भावना आहेत?". यावर उत्तर देत अंकिताची आई म्हणते,"अंकिताला कॅप्टन झालेलं पाहून नक्कीच आनंद होत आहे. माझी लेक खूप चांगला खेळ खेळत आहे". त्यानंतर बिग बॉसदेखील कॅप्शटन झाल्याने अंकिताला शुभेच्छा देताना दिसत आहेत. अमालने हा व्हिडीओ शेअर करत 'ऑल द बेस्ट' असं कॅप्शन दिलं आहे.
अमाल मलिक कोण आहे? (Who is Amaal Mallik)
अमाल मलिक हा एक लोकप्रिय संगीत दिग्दर्शक, संगीतकार, गायक आणि संगीत निर्माता आहे. तसेच तो बॅकग्राऊंड स्कोअर, परफॉर्मर आणि गीतकारदेखील आहे. आजवर अनेक सुपरहिट गाण्यांचं संगीत दिग्दर्शन त्याने केलं आहे.
संबंधित बातम्या