Bade Miyan Chote Miyan Releasing Date : अभिनेता अक्षय कुमार (Akshay Kumar) आणि टायगर श्रॉफ (Tiger Shroff) यांचा मेगा बजेट चित्रपट 'बडे मियाँ छोटे मियाँ'च्या प्रदर्शनाची तारीख ठरली आहे. अक्षय कुमार आणि टायगर श्रॉफची जोडी 2023 च्या ख्रिसमसला चाहत्यांच्या भेटीला येणार आहे. या चित्रपटामध्ये अ‍ॅक्शन-पॅक मनोरंजनाचा आस्वाद घेता येणार आहे. नुकताच या चित्रपटाचा ट्रेलस प्रदर्शित करण्यात आला आहे. या टीझरमध्ये अक्षय कुमार आणि टायगर श्रॉफ अ‍ॅक्शन मोडमध्ये पाहायला मिळतं आहे. या चित्रपटात अक्षय कुमार आणि टायगर श्रॉफ पहिल्यांदाच एकत्र झळकणार आहेत. त्यामुळे चाहत्यांना या चित्रपटाची उत्सुकता लागली आहे.
'बडे मियाँ छोटे मियाँ' हा चित्रपट जॅकी भगनानीच्या प्रोडक्शन हाऊसच्या बॅनरखाली बनत आहे. 300 कोटींच्या मेगा बजेट चित्रपटाच्या दिग्दर्शनाची जबाबदारी अली अब्बास जफरवर (Ali Abbas Jafar) आहे. मीडिया रिपोर्ट्सनुसार, अली अब्बासला दोन अ‍ॅक्शन सुपरस्टार्ससोबत चित्रपट बनवायचा होता. त्यामुळे आता त्याचे स्वप्न पूर्ण होताना दिसत असून तो चित्रपटासाठी खूप उत्सुक आहे. अली अब्बास जफर पहिल्यांदाच दोन वेगवेगळ्या पिढ्यांतील दोन अभिनेत्यांचे दिग्दर्शन करताना दिसणार आहे.
चित्रपटाचे बजेट 300 कोटी असल्याचे सांगितले जात आहे, बहुतेक बजेट कलाकारांच्या फीवर खर्च केले जाणार आहे. अली अब्बास जफर या चित्रपटावर बजेटमधील फक्त 100 कोटी खर्च करणार आहे. बॉलीवूडमध्ये दोन अ‍ॅक्शन हिरोंचे चित्रपट क्वचितच बनतात कारण दोन स्टार्सची फी बजेटच्या सर्व मर्यादा पलीकडे जाते.
इतर महत्त्वाच्या बातम्या :
- Jhund Teaser : 'झुंड'चा टीझर रिलीज; बिग बींच्या लूकनं वेधलं लक्ष
- पिझ्झा हट आणि केएफसीकडूनही काश्मीरबाबत ट्विट, नेटकरी संतापले
- Womens IPL : पुढच्या वर्षी येणार महिला आयपीएल? बीसीसीआय सचिवांचं मोठं वक्तव्य
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha