Aditya Roy Kapur Gumraah Teaser Out : बॉलिवूड अभिनेता आदित्य रॉय कपूर (Aditya Roy Kapur) सध्या 'द नाइट मॅनेजर' (The Night Manager) या सिनेमामुळे चर्चेत आहे. अशातच त्याच्या आगामी 'गुमराह' (Gumraah) या सिनेमाचा टीझर आऊट झाला आहे. या सिनेमातील आदित्य रॉय कपूरची भूमिका प्रेक्षकांना आश्चर्यचकित करणारी आहे.
'गुमराह' या सिनेमात आदित्य रॉय कपूरसोबत बॉलिवूड अभिनेत्री मृणाल ठाकूरदेखील (Mrunal Thakur) मुख्य भूमिकेत झळकणार आहे. या सिनेमात मृणाल एका पोलीस अधिकाऱ्या भूमिकेत झळकत आहे. तर दुसरीकडे आदित्य रॉय कपूर दुहेरी भूमिकेत झळकणार आहे.
'गुमराह'च्या टीझरमध्ये काय आहे?
'गुमराह'चा अंगावर शहारे आणणारा टीझर आऊट झाला आहे. या टीझरमध्ये सुरुवातीलाच आदित्य रॉय कपूर (Aditya Roy Kapur) बदला घेण्याबद्दल बोलत आहे. तर दुसरीकडे तो एका केसशी संबंधित लढताना दिसत आहे. दुसरीकडे मृणाल ठाकूरने मात्र आपल्या हटके अंदाजात प्रेक्षकांना आश्चर्यचकित केलं आहे. आदित्य आणि मृणाल पहिल्यांदाच रुपेरी पडद्यावर स्क्रिन शेअर करत असल्याने चाहत्यांना या सिनेमाची उत्सुकता आहे.
'गुमराह' 'या' दिवशी होणार रिलीज (Gumraah Release Date)
आदित्य रॉय कपूरचा (Aditya Roy Kapur) 'गुमराह' (Gumraah) हा सिनेमा 7 एप्रिल 2023 रोजी सिनेमागृहात प्रदर्शित होणार आहे. हा सिनेमा 'धाडम' या तामिळ सिनेमाचा हिंदी रिमेक आहे. 2019 साली हा सिनेमा प्रेक्षकांच्या भेटीला आला होता. त्यावेळी अरुण विजय दुहेरी भूमिकेत झळकला होता. 'गुमराह'च्या टीझरने प्रेक्षकांची सिनेमाबद्दलची उत्सुकता चांगलीच वाढली आहे.
आदित्य रॉय कपूरने शेअर केला 'गुमराह'चा टीझर
'गुमराह' या सिनेमात आदित्य रॉय कपूर नकारात्मक भूमिकेत दिसणार आहे. आदित्य रॉय कपूरने या सिनेमाचा टीझर शेअर करत लिहिलं आहे,"शेवटी ज्यांचा आपल्यावर विश्वास असतो तेच आपल्याला धोका देतात". या सिनेमाचा टीझर प्रेक्षकांच्या पसंतीस उतरला आहे. या सिनेमात प्रेक्षकांना थरार-नाट्यासह अॅक्शनचा तडका पाहायला मिळणार आहे. वर्धन केतकर (Vardhan Ketkar) आणि भूषण कुमार (Bhushan Kumar) या सिनेमाची निर्मिती करत आहेत.
संबंधित बातम्या