Priyanka Chopra On SRK: अभिनेत्री प्रियांका चोप्राने (Priyanka Chopra) बॉलिवूडबरोबरच हॉलिवूडमध्ये देखील विशेष ओळख निर्माण केली आहे. सध्या प्रियांका ही तिच्या सिटाडेल या वेब सीरिजचं प्रमोशन करत आहे. नुकतीच ती एसएक्सएसडब्ल्यू (SXSW) स्टूडिओमध्ये गेली. यावेळी हॉलिवूडबाबत शाहरुख खानने (Shah Rukh Khan) केलेल्या वक्तव्यावर प्रियांकाने प्रतिक्रिया दिली.
काय म्हणाली प्रियांका?
प्रियांका आणि शाहरुखने 'डॉन' आणि 'डॉन 2' या चित्रपटांमध्ये एकत्र काम केलं. SXSW फेस्टिवलमध्ये प्रियांकाला प्रश्न विचारण्यात आला की, शाहरुखने केलेल्या वक्तव्याबाबत विचारण्यात आला. शाहरुखने एका मुलाखतीमध्ये सांगितलं की, "मी हॉलिवूडमध्ये का जाऊ? मला इथे कम्फर्टेबल वाटते."
शाहरुखच्या वक्तव्यावर प्रियांकाने प्रतिक्रिया दिली. ती म्हणाली, "कम्फर्टेबल हे माझ्यासाठी बोरिंग आहे. मी घमंडी नाहीय. मला आत्मविश्वास आहे. मी जेव्हा सेटवर जाते, तेव्हा मी काय करते, ते मला माहित आहे. मला यासाठी कोणत्याही व्हॅलिडेशनची गरज नाही. मी ऑडिशन देण्यासाठी देखील तयार आहे. जेव्हा मी दुसऱ्या देशात जाते, तेव्हा मी माझ्या आधीच्या यशाचं ओझ घेऊन तिथे जात नाही."
पुढे प्रियांकाने सांगितलं, "मी खूप प्रोफेशनल आहे आणि मी माझ्या प्रोफेशनल स्टाईलसाठी ओळखली जाते, हे तुम्ही माझ्या आजूबाजूच्या लोकांना विचारु शकता. मला अभिमान आहे. माझे वडील सैन्यात होते आणि त्यांनी मला शिस्तीचे महत्त्व शिकवले. त्यांनी मला शिकवले की तुम्हाला जे मिळते ते गृहित धरु नका."
प्रियांकाची सिटाडेल ही सीरिज जगभरातील 240 हून अधिक देशांमध्ये स्ट्रीम केली जाणार आहे. 'सिटाडेल' या वेब सीरिजची निर्मिती 236 मिलियन डॉलरमध्ये करण्यात आली आहे, असं म्हटलं जात आहे. ही सीरिज भारतातील लोक हिंदी, तमिळ, तेलुगू, मल्याळम आणि कन्नड या भाषांमध्ये पाहू शकणार आहेत.
प्रियांकाचे आगामी प्रोजेक्ट्स
सिटाडेल वेब सीरिजसोबतच प्रियांका काही आगामी चित्रपटांमधून प्रेक्षकांच्या भेटीस येणार आहे. ती 'लव्ह अगेन' या रोमॅंटिक चित्रपटात ह्यूगन आणि सेलीन डायोनसोबत काम करणार आहे. तसेच फरहान अख्तरच्या 'जी ले जरा' या सिनेमात ती कतरिना कैफ आणि आलिया भट्टसोबत दिसणार आहे.
वाचा इतर महत्वाच्या बातम्या:
Citadel Trailer Out: अॅक्शन आणि रोमान्सचा तडका; प्रियांकाच्या 'सिटाडेल' सीरिजचा ट्रेलर पाहिलात?