नुकत्याच झालेल्या एका कार्यक्रमात अभिषेकला या सीन्सवरुन प्रश्न विचारला असता, तो म्हणाला की, ''मी तेव्हा माझ्या फुटबॉल टीमसोबत व्यस्त होतो. त्यामुळे अद्याप सिनेमा पाहिलेला नाही. मात्र ऐश्वर्याने दाखवलेले काही सीन्स मी पाहिले आहेत. मला वाटतं ती, अधिकच स्टनिंग (सुंदर) दिसत आहे.'' तसेच आपण लवकरच सिनेमा पाहणार असल्याचेही त्याने यावेळी सांगितले.
याशिवाय सिनेमाच्या कमाईसाठी चित्रपट दिग्दर्शक करण जोहरचेही त्याने यावेळी अभिनंदन केले. अभिषेक म्हणतो की, ''मी करण जोहर आणि त्याच्या संपूर्ण टीमसाठी खूप आनंदी आहे, त्यांना माझ्या सदैव शुभेच्छा आहेत.''
ऐश्वर्या राय-बच्चन, रणबीर कपूर, अनुष्का शर्मा आणि फवाद खानची मुख्य भूमिका असलेल्या 'ऐ दिल है मुश्किल' या सिनेमाने बॉक्स ऑफिसवर चांगली कामगिरी केली आहे. या सिनेमाने आत्तापर्यंत 90 कोटींची कमाई केली आहे.