Aamir khan Villain in LCU : बॉलिवूडचा 'मिस्टर परफेक्शनिस्ट' आमिर खान मोठ्या पडद्यावर पुन्हा एकदा धमाका करण्यास सज्ज झाला आहे. पण, यावेळी आमिर खान हिरोच्या नाहीतर विलनच्या भूमिकेत दिसणार आहे. आमिर खान LCU युनिव्हर्समध्ये सूपर विलन बनणार आहे. LCU युनिव्हर्स म्हणजेच लोकेश कनकराज यांच्या आगामी चित्रपटात आमिर खान खलनायकाच्या भूमिकेत दिसणार आहे. आमिर खान सूपर विलन बनून सर्वात मोठ्या ॲक्शन थ्रिलर युनिव्हर्सचा भाग होण्यास सज्ज झाला आहे.
'मिस्टर परफेक्शनिस्ट' साऊथ सिनेमात खलनायकाच्या भूमिकेत
लोकेश कनकराज (Lokesh Kanagaraj) यांच्या आगामी कुली चित्रपटात आमिर खान खलनायकाच्या भूमिकेत दिसणार आहे. महत्त्वाचं म्हणून LCU युनिव्हर्सच्या आगामी कुली चित्रपटात सुपरस्टार रजनीकांत हे मुख्य भूमिकेत दिसणार आहे. सुपरस्टार रजनीकांत यांच्यासमोर आमिर खान विलेनच्या भूमिकेत दिसणार आहे. यामुळे चाहत्यांची उत्कंठा शिगेला पोहोचली आहे. LCU युनिव्हर्समध्ये विक्रम, कैथी, लिओ या चित्रपटांसह आता कुली चित्रपटाचीही भर पडणार आहे.
सुपरस्टार रजनीकांतसमोर आमिर खान 'सूपर विलन'
या चित्रपटातील आमिर खानची व्यक्तिरेखा काहीशी 'गजनी' चित्रपटाप्रमाणे निगेटिव्ह आणि मास अपील करणारी असेल. यामध्ये फरक एवढाच की 'गजनी'मध्ये आमिर खानने बदला घेणाऱ्या हिरोची भूमिका साकारली होती, मात्र यावेळी तो स्वतः नकारात्मक भूमिकेत दिसणार आहे. या चित्रपटात आमिर खान रजनीकांतच्या विरोधात उभा राहणार असून दोघांमधील फाइट चित्रपटातील सर्वात मोठं आकर्षण असेल.
आमिर खाननं सांगितलं खलनायक होण्यामागचं कारण
आमिर खान याचा 'लाल सिंह चड्ढा' चित्रपट फ्लॉप झाल्यानंतर चित्रपटांपासून दूर आहे. आता आमिर खान कुली चित्रपटाद्वारे कमबॅक करणार आहे. 'लाल सिंग चड्ढा' चित्रपटामधील त्याच्या अभिनयाने प्रेक्षकांची निराशा केल्याचं त्याने स्वतः मान्य केलं आ. हीच चूक सुधारण्यासाठी तो एका नवीन आणि आव्हानात्मक भूमिकेतून मोठ्या पडद्यावर पुनरागमन करण्याच्या प्रयत्नात आहे.
'हे' कलाकारही महत्त्वाच्या भूमिकेत
दिग्दर्शक लोकेश कनकराज (Lokesh Kanagaraj) यांच्या आगामी कुली चित्रपटात आमिर खान धमाका करण्यास सज्ज झाला आहे. कुली चित्रपटात रजनीकांत, आमिर खान यांच्यासह नागार्जून, सत्यराज, श्रुती हसन, शिवकार्तिकेय, उपेंद्र राव हे कलाकारही महत्त्वाच्या भूमिकेत दिसणार आहेत. हा चित्रपट 2025 मध्ये येण्याची शक्यता आहे.
महत्त्वाच्या इतर बातम्या :