Neha Dhupia On Pregnancy Before Marriage: बॉलिवूडची प्रसिद्ध अभिनेत्री नेहा धुपिया (Neha Dhupia) कायमच तिच्या बोल्ड वक्तव्यांवरून आणि रोखठोक मतांवरून चर्चत असते. अलीकडेच केलेल्या एका वक्तव्याने सध्या मनोरंजनसृष्टीत तिची चर्चा रंगली आहे. नेहाने तिच्या लग्नाआधीच्या प्रेग्नेंसीबाबत स्पष्ट आणि बेधडक मत मांडलं आहे. भारती सिंह आणि हर्ष लिंबाचिया यांच्या पॉडकास्टमध्ये बोलताना नेहाने सांगितले की, ती लग्नाआधी प्रेग्नंट झाली, हे देवाचेच आशीर्वाद आहेत. तिचा नवरा अंगद बेदीसोबतच्या तिच्या लव्हस्टोरीबद्दल बोलताना तिनं प्रेग्नेंसीमुळेच तिने लग्नासाठी होकार दिल्याचं सांगितलं.
2018 साली नेहा आणि अंगद बेदी यांनी अचानक लग्नाची घोषणा केली होती, तेव्हा सगळ्यांनाच धक्का बसलेला. त्या काळात नेहा लग्नाआधीच प्रेग्नंट असल्याच्या चर्चा रंगल्या होत्या आणि नंतर त्या खऱ्या ठरल्या. मे 2018 मध्ये गुरुद्वाऱ्यात लग्न झाल्यानंतर केवळ पाच महिन्यांत, नोव्हेंबर 2018 मध्ये त्यांनी मुलगी मेहरला जन्म दिला. या गोष्टीवरून नेहाला खूप ट्रोलिंगलाही सामोरं जावं लागलं, मात्र या जोडप्याने त्या सगळ्यापेक्षा त्यांच्या नात्याला महत्त्व दिलं. नेहा आणि अंगद बेदी आता दोन मुलांचे पालक आहेत. 2018 मध्ये मुलगी मेहरचा जन्म झाला, तर 2021 मध्ये मुलगा गुरिकचा जन्म झाला.
8 - 10 वर्षे नेहाच्या मागे पण ...
पॉडकास्टमध्ये अंगद बेदीने सांगितलं की, तो जवळपास 8-10 वर्षे नेहाच्या मागे होता. तो म्हणाला, “मी 8 वर्षं तिच्या मागे फिरत होतो, पण तिने मला कधीच होकार दिला नाही,” असं तो हसत म्हणाला. त्यांच्या पहिल्या भेटीबद्दल बोलताना तो म्हणाला की, “मी तिला पहिल्यांदा ट्रेडमिलवर धावताना पाहिलं आणि तेव्हाच तिच्यावर फिदा झालेलो.” नेहाच्या जवळ जाण्यासाठी अंगद बेदीने तिच्या कुटुंबासोबतही वेळ घालवला. “मी तिच्या आईसोबत जास्त वेळ घालवला. मला वाटलं, आई इतकी चांगली आहे तर तीही नक्कीच चांगली असेल,” असं त्याने सांगितलं.
'नशीब, लग्नाआधीच प्रेग्नंट झाले .. ' नेहा म्हणाली..
दुसरीकडे, नेहा धुपिया म्हणाली की, त्या काळात ती पूर्णपणे करिअरवर लक्ष केंद्रित करत होती. “माझा सगळा फोकस कामावर होता. जर त्या काळात कुणी खास व्यक्ती भेटली तर ठीक, असं मला वाटायचं,” असं ती म्हणाली. नेहाने पुढे सांगितलं की, “मी देवाचे आभार मानते की आम्ही प्रेग्नंट झालो. तो आमच्या Love Storyचा टर्निंग पॉइंट ठरला. आम्ही प्रेग्नंट होतो, म्हणून आम्ही लग्न करण्याचा निर्णय घेतला.” तिने आणखी स्पष्ट केलं, “हो, मी लग्नाआधी प्रेग्नंट होते आणि त्यात काहीच चुकीचं नाही.”
लग्नाआधी प्रेग्नंट असल्याचं कळल्यावर तिचे जवळचे मित्रही चकित झाले होते. सोहा अली खान हिचाही त्यात समावेश होता. नेहा म्हणाली, “त्या वेळी खूप गोंधळ उडाला होता. प्रेग्नेंसीबद्दल समजल्यावर सगळेच शॉक झाले होते.”