Bollywood Actress Gracy Singh News: बॉलिवूड अभिनेत्री (Bollywood Actress) ग्रेसी सिंह (Gracy Singh) लगान सिनेमातील गौरीच्या भूमिकेसाठी ओळखली जाते. लगानमधल्या आमिर खान आणि ग्रेसी सिंहच्या भूमिकेवर म्हणजेच, भुवन आणि गौरीच्या जोडीवर चाहत्यांनी भरभरून प्रेम केलं. लगानमधल्या भूमिकेमुळे ग्रेसी सिंहला रातोरात ओळख मिळाली. याशिवाय ग्रेसी सिंह लगाननंतर मुन्नाभाई एमबीबीएस आणि गंगाजलमध्येही दिसून आली. या दोन्ही चित्रपटांमध्ये ग्रेसी सिंहनं मोलाची भूमिका निभावली. अल्पावधीच बॉलिवूडच्या गुणी अभिनेत्रींमध्ये ग्रेसी सिंहच्या नावाचा समावेश होऊ लागला. पण, आता अभिनेत्रीनं ग्लॅमरस जग आणि यशाच्या सर्वोच्च शिखरावर असलेलं करिअर सोडून अध्यात्माचा मार्ग निवडला.
यशाच्या सर्वोच्च शिखरावर असताना निवडला अध्यात्माचा मार्ग
ग्रेसी सिंगनं तिच्या करिअरची सुरुवात शास्त्रीय नृत्यांगणा म्हणून केली. त्यानंतर तिने 1997 मध्ये टेलिव्हिजन शो अमानतमधून अभिनयाच्या जगतात पदार्पण केलं. त्यानंतर तिनं काही चित्रपटांमधील अभिनयानं सर्वांना आपलंस केलं. पुढे तिच्या पदरात शर्ट, मुन्नाभाई एमबीबीएस, गंगाजल, मुस्कान, ये ही है जिंदगी यांसारखे ब्लॉकबस्टर सिनेमे पडले. या सिनेमांमधील आपल्या अभिनयानं तिनं प्रेक्षकांची मनं जिंकली. त्यानंतर तिनं काही प्रादेशिक सिनेमेसुद्धा केले. 2008 मध्ये ग्रेसीच्या मॅनेजरचं निधन झालं, त्यानंतर मात्र तिला फारशा ऑफर मिळाल्या नाहीत. पुढे ग्रेसीनं स्वतःच अभिनयापासून फारकत घेतली. त्यावेळी एका मुलाखतीत बोलताना ग्रेसी सिंहनं सांगितलं की, अभिनय तिच्या आयुष्याचं ध्येय नाही. सर्वात शेवटी ग्रेसी सिंह संतोषी माँ- सुनय व्रत कथायें या शोमध्ये दिसून आलेली.
ग्रेसी सिंहनं अभिनय सोडला
2013 मध्ये, ग्रेसी सिंहनं एक नवा मार्ग निवडला. तिनं ब्रम्हकुमारी संस्थेचं सदस्यत्व घेतलं आहे. ती ब्रह्मकुमारींमध्ये सामील झाली आणि अध्यात्माचा मार्ग निवडला. तिथे ती शांती आणि उद्देशाची खोल भावना शोधत होती. ती ब्रह्मकुमारी इथे ग्रेसी तिच्या शास्त्रीय नृत्याद्वारे आध्यात्मिक संदेश देते.
44 वर्षांची अभिनेत्री अविवाहित
ग्रेसी सिंहचं अद्याप लग्न झालेलं नाही. ती 44 वर्षांची असून अविवाहित आहे. 2020 मध्ये, ग्रेसी सिंहनं ईटाइम्सशी बोलताना सांगितलं की, सध्या ती लग्नाचा विचार करत नाही. कदाचित ती भविष्यात कोणाशी तरी लग्न करेल.
महत्त्वाच्या इतर बातम्या :