Bollywood Secrets : रंगेहाथ सापडले हे 9 सेलिब्रेटी अन् एका मिनिटात ‘इमेज’चा पार कचरा झाला! सन्मान गळून पडला, कारकीर्द सुद्धा उद्ध्वस्त

Bollywood Secrets : बॉलिवूडमध्ये असेही सेलेब्स आहेत जे बेकायदेशीर काम करताना रंगेहाथ पकडले गेले होते. यामुळे अनेकांची कारकीर्द उद्ध्वस्त झाली आहे.

Bollywood Secrets

Source : facebook

Bollywood Secrets : बॉलिवूडमधील झगमगाट (Bollywood Life) अनेकांना हवाहवासा वाटत असला, तरी तेथील हलकटपणा फार कमी लोकांनीच पाहिला आहे. नशेडी लोकांची सुद्धा गँग होऊन गेली आहे. मी टू प्रकरणाने, तर बॉलिवू़डमधील काळ्या दुनियेवर चांगलाच प्रकाशझोत टाकला गेला. अनेकांवर गंभीर आरोप प्रत्यारोप झाले होते. बॉलिवूडमध्ये असेही सेलेब्स आहेत जे बेकायदेशीर काम करताना रंगेहाथ पकडले गेले होते. यामुळे अनेकांची कारकीर्द उद्ध्वस्त झाली आहे. यामध्ये नामवंत अभिनेते आणि अभिनेत्रींचा सुद्धा समावेश आहे.

शायनी आहूजा (Shiney Ahuja)

2011 मध्ये शायनी आहुजावर त्याच्या मोलकरणीने बलात्काराचा आरोप केला. शायनी दोषी आढळला आणि त्याला 7 वर्षांची शिक्षा झाली. 2015 च्या वेलकम बॅक चित्रपटात त्याने छोटी भूमिका केली होती, पण प्रेक्षकांना ती आवडली नाही. या घटनेनंतर शायनी आहुजाची चित्रपट कारकीर्द उद्ध्वस्त झाली.

विजय राज (Vijay Raaz)

2005 मध्ये दिवाने हुए पागलच्या शूटिंग दरम्यान, विजय राजला अबू धाबी पोलिसांनी ड्रग्जसह पकडले होते. आजकाल विजय राज चित्रपटांमध्ये क्वचितच दिसतो.

श्वेता बासु प्रसाद (Shweta Basu Prasad)

2014 मध्ये श्वेता बसू प्रसाद वेश्याव्यवसायात गुंतलेली आढळली. हैदराबाद येथील एका हॉटेलमध्ये तिला पोलिसांनी रंगेहाथ पकडले. नंतर तिला सुधारगृहात पाठवण्यात आले. आता श्वेता या गोष्टींपासून दूर आहे. 

मंदाकिनी (Mandakini)

'राम तेरी गंगा मैली हो गई' फेम मंदाकिनी आणि गुंड दाऊद इब्राहिमची काही छायाचित्रे लीक झाल्यानंतर खळबळ उडाली होती. दोघांचे फोटो समोर आल्यानंतर त्यांच्या लिंकअपच्या बातम्या समोर येऊ लागल्या. यानंतर तिची फिल्मी कारकीर्दही उद्ध्वस्त झाली. या घटनेनंतर मंदाकिनीने चित्रपट जगतात पुनरागमन केले, पण निराशाच झाली.

अमन वर्मा (Aman Verma)

अमन वर्माने टीव्हीच्या जगात चांगले नाव कमावले होते. चित्रपटसृष्टीतही त्याने बरेच प्रयत्न केले, पण एका स्टिंग ऑपरेशनने त्याचे जग हादरून गेले. एका वाहिनीच्या स्टिंग ऑपरेशनमध्ये अमन वर्मा एका मुलीला काम देण्याच्या बहाण्याने सेक्सची मागणी करताना पकडला गेला.

शक्ति कपूर (Shakti Kapoor)

स्टिंग ऑपरेशन दरम्यान शक्ती कपूरची सुद्धा बरीच चर्चा रंगली होती. 2005 मध्ये एका टीव्ही रिपोर्टरला शक्ती कपूरने शिवीगाळ केली होती. शक्ती कपूर म्हणायचा, 'मला तुला प्रेम द्यायचे आहे आणि जर तुला फिल्म इंडस्ट्रीमध्ये यायचे असेल, तर मी तुम्हाला जे करायला सांगतो ते करावे लागेल.' यानंतर शक्ती कपूरवर अनेकांनी ताशेरे ओढले.

राज कुंद्रा (Raj Kundra)

पॉर्न फिल्म बनवल्याप्रकरणी राज कुंद्राला मुंबई गुन्हे शाखेने अटक केली होती. राज कुंद्रा एका परदेशी अॅपसाठी पॉर्न फिल्म बनवायचा, ज्याचे चित्रीकरण मुंबईतील मड आयलँड परिसरात झाले.

फरदीन खान (Fardeen Khan)

2001 मध्ये फरदीन खान कोकेन खरेदी करताना पकडला गेला. पोलिसांनी त्याला मुंबईतील जुहू परिसरात अटक केली होती.

संजय दत्त (Sanjay Dutt)

1993 च्या मुंबई बॉम्बस्फोट प्रकरणात संजय दत्तला अटक करण्यात आली होती. संजयच्या घरातून एके 56 रायफलसह इतर अनेक वस्तू जप्त करण्यात आल्या. या प्रकरणात संजय दत्तने तुरुंग आणि कोर्टाच्या अनेक फेऱ्या केल्या.

ममता कुलकर्णी (Mamta Kulkarni)

रिपोर्ट्सनुसार, ममता कुलकर्णीने दुबईस्थित अंडरवर्ल्ड ड्रग माफिया विकी गोस्वामीशी लग्न केले. मात्र, ममता नेहमीच तिच्या लग्नाची बातमी अफवा असल्याचे सांगून फेटाळून लावते. ममता विकीसोबत 10 वर्षे दुबईत राहिली.  अंडरवर्ल्डमुळे ममताला अनेक सुपरहिट चित्रपट मिळाल्याचे मानले जाते. अंडरवर्ल्डशी असलेल्या संबंधांमुळे ममता अधिक चर्चेत होती.  2016 मध्ये ममता कुलकर्णी आणि तिचा पती विक्की गोस्वामीला पोलिसांनी केनिया विमानतळावर अंमली पदार्थांच्या तस्करीसाठी अटक केली होती. मात्र, नंतर सोडून देण्यात आले. ममता कुलकर्णीचे अंडरवर्ल्ड डॉन छोटा राजनसोबत संबंध होते असेही म्हटले जाते.

किन्नर आखाड्याची महामंडलेश्वर बनल्यानंतरही वाद

ममता कुलकर्णी 2025 च्या महाकुंभमेळ्यात पिंडदान केल्यानंतर आणि किन्नर आखाड्याची महामंडलेश्वर बनल्यानंतरही वाद झाला. आखाड्यातील अनेक सदस्यांनी विरोध केला. त्यामुळे, ममताला नियुक्त करणाऱ्या आचार्य महामंडलेश्वरांसह पदावरून काढून टाकण्यात आले.  या सगळ्यामध्ये, ममताचा एक जुना व्हिडिओही व्हायरल होत आहे ज्यामध्ये तिने दावा केला आहे की एका बॉलिवूड अभिनेत्याने तिला 'वन नाईट स्टँड' ऑफर केला होता. ममता कुलकर्णीने 90 च्या दशकात शाहरुख खान आणि सलमान खान सारख्या अनेक मोठ्या स्टार्ससोबत काम केले. फिल्मीबीटच्या मते, मागील मुलाखतीत ममताने खुलासा केला होता की बॉबी देओलने तिला एकदा 'वन-नाईट स्टँड' ऑफर केला होता. अभिनेत्रीने खुलासा केला होता की हा तो काळ होता जेव्हा बॉबी 'बरसात' चित्रपटाचे चित्रीकरण करत होता. 

इतर महत्वाच्या बातम्या