Bollywood : आज म्हणजेच 26 जुलै रोजी कारगिल विजय दिवस साजरा केला जातो. 1999 मध्ये झालेल्या कारगिल युद्धात भारताच्या विजयाच्या आणि यशाच्या स्मरणार्थ हा दिवस देशासाठी प्राण अर्पण करणाऱ्या शूरवीर जवानांना समर्पित असतो. भारतीय सैन्याची अशी शौर्यगाथा अनेकदा मोठ्या पडद्यावरही प्रभावीपणे दाखवण्यात आली आहे . मग ते ‘बॉर्डर’ असो किंवा ‘एलओसी कारगिल’. अशा चित्रपटांमध्ये भारतीय सैनिकांच्या धैर्याला सलाम करण्यात आला आहे.
पण तुम्हाला माहिती आहे का की एक असा चित्रपट होता, ज्यात 33 कलाकार होते आणि ज्यामध्ये एलओसी कारगिल युद्धाची कहाणी मांडण्यात आली होती? मात्र, हा चित्रपट प्रेक्षकांच्या पसंतीस उतरला नाही आणि बॉक्स ऑफिसवर अपयशी ठरला.
इथे आपण बोलत आहोत ‘एलओसी कारगिल’ या 2003 मध्ये प्रदर्शित झालेल्या मल्टी-स्टारर चित्रपटाबद्दल. हा चित्रपट जेपी दत्ता यांनी दिग्दर्शित केला होता, जे युद्धपटांसाठी प्रसिद्ध आहेत. या चित्रपट 4 तास 15 मिनिटांचा होता. सिनेमा ज्यावेळी प्रदर्शित झाला तो काळ चित्रपटसृष्टीत खूपच मोठा मानला जातो.
या चित्रपटाची कथा भारतीय सैन्याने कारगिल युद्धात मिळवलेल्या विजयावर आधारित होती. मात्र, सर्व प्रयत्नांनंतरही हा चित्रपट बॉक्स ऑफिसवर फारसा यशस्वी ठरला नाही. 33 कोटींच्या बजेटमध्ये बनलेल्या या चित्रपटाने केवळ 31 कोटी रुपयांची कमाई केली.
या चित्रपटात संजय दत्त, अजय देवगन, सैफ अली खान, सुनील शेट्टी, अभिषेक बच्चन, नागार्जुन, अक्षय खन्ना, मनोज बाजपेयी, आशुतोष राणा, सुदेश बेरी, राज बब्बर, मोहनीश बहल, अवतार गिल यांसारखे अनेक मोठे कलाकार होते. याशिवाय राणी मुखर्जी, करीना कपूर, रवीना टंडन आणि ईशा देओल ह्याही महत्वाच्या भूमिकांमध्ये होत्या. अशा भव्य स्टारकास्ट असूनही हा चित्रपट डिझास्टर (पूर्ण अपयशी) ठरला. रिलीजनंतर चित्रपटाला नकारात्मक समीक्षणं मिळाली. विशेषतः चित्रपट लांबणे हे त्याच्या अपयशाचं मुख्य कारण ठरवलं गेलं.
या चित्रपटाच्या अपयशामुळे पुरु राजकुमार, शहजाद खान, अमर उपाध्याय, बिक्रम सालूजा, विनीत शर्मा, करण नाथ, अरमान कोहली, दीपक जेठी, प्रिया गिल, आकांक्षा मल्होत्रा आणि अकबर नकवी यांसारख्या अनेक कलाकारांच्या करिअरला फटका बसला. काही जण अजूनही काम करत आहेत, पण त्यांना अपेक्षित यश मिळालेलं नाही. तरीसुद्धा आजही जेव्हा हा चित्रपट टीव्हीवर लागतो, तेव्हा अनेक प्रेक्षक तो आवडीने पाहतात.
इतर महत्त्वाच्या बातम्या