Bigg Boss OTT Fame Armaan Malik Becomes Father: बिग बॉस ओटीटी फेम (Bigg boss) आणि यूट्यूबर अरमान मलिक (Arman Malik) सध्या आपल्या वैयक्तिक आयुष्यामुळे चर्चेत आहे. त्याचे यूट्यूबचे व्हिडिओ व्हायरल होत असतात. त्याने 2 लग्न केले. त्याच्या दोन्ही पत्नी या गरोदर होत्या. दरम्यान, आता अरमान मलिकने गुडन्यूज दिली आहे. अरमान मलिकच्या पहिल्या पत्नीने चौथ्या मुलाला जन्म दिला आहे. या गोंडस बाळासोबतचे फोटो त्याने सोशल मीडियावर शेअर केले आहेत. सध्या या पोस्टवर चाहते तसेच नेटकऱ्यांनी शुभेच्छांचा वर्षाव केला आहे.
अरमान मलिकने पायलसोबतचे फोटो सोशल मीडियात शेअर केले आहेत. या फोटोमध्ये पायल मलिकही बेडवर आराम करताना दिसत आहे. तर, अरमानने आपल्या बाळाला हातावर घेतलं आहे. दोघेही आनंदात दिसत आहे. दरम्यान, अजूनही बाळाचा चेहरा आणि जेंडर रिव्हिल करण्यात आलेले नाही. अरमानने आपली पोस्ट सोशल मीडियावर शेअर केली आहे. पोस्ट शेअर करत त्याने कॅप्शनमध्ये लिहिलं की, 'जच्चा बच्चा सब ठीक है'.
अरमानने पोस्ट शेअर करताच चाहते तसेच नेटकऱ्यांकडून शुभेच्छांचा वर्षाव करण्यात आला. एकानं 'नवरात्री सुरु आहे. माता रानीने तुम्हाला साक्षात दर्शन दिले आहे' अशी कमेंट केली आहे. तसेच काही जणांनी असा अंदाज बांधला आहे की, अरमानला मुलगा झाला आहे. अरमानने पोस्ट शेअर करण्यापूर्वी एक व्हिडिओही शेअर केला होता. या व्हिडिओत पायलच्या डिलिव्हरीची तयारी दाखवण्यात आली आहे.
या व्हिडिओत पायलसोबत अरमानची दुसरी पत्नी कृतिका देखील दिसत आहे. तिघेही आनंदात दिसत आहे. दरम्यान, संपूर्ण कुटुंब त्यांच्या पाचव्या अपत्याच्या आगमनाची आतुरतेने वाट पाहत होते. हे व्हिडिओतून स्पष्ट दिसत आहे. सध्या अरमानच्या दोन्ही पोस्ट सोशल मीडियात व्हायरल होत आहे. दरम्यान, अरमानला मुलगा झाली की मुलगी? हे अद्याप समोर आलेले नाही.
अरमान पाच मुलांचा बाप झाला (Armaan Malik Becomes Father)
अरमान मलिक हा एक यूट्यूबर आहे. तो बिग बॉस ओटीटी सिझन 3 चा स्पर्धक होता. त्यानं 2 लग्न केली आहेत. अरमानचं पहिलं लग्न पायल मलिकशी झालं होतं. तर, दुसरं लग्न कृतिका मलिकशी झाले होते. पायल ही चार मुलांची आई असून तर, कृतिका एका मुलाची आई आहे. दोघेही एकत्र अगदी गुण्यागोविंदाने राहतात.