Bigg Boss Marathi 6: बिग बॉस मराठीचा सहावा सध्या प्रचंड चर्चेत आहे. आता फिनालेसाठी अवघे 2 दिवस उरले आहेत. आणि सोशल मिडीयावर एकच चर्चा आहे ती कोण विजेता होईल याची. अनेकांनी तर विनर कोण होणार हेही सांगितलंय.सगळ्यांनाच कोण जिंकणार याची उत्सुकता आहे. पण ग्रँड फिनालेपूर्वीच आता जिंकणाऱ्या स्पर्धकाचे नाव समोर आले आहे. (Bigg Boss Marathi 6 Winner Name)
बिग बॉस मराठीला अलीकडेच आपले TOP 5 फायनलिस्ट मिळालेत. यामध्ये राकेश बापट, तन्वी कोलते, विशाल कोटियन, दिपाली सय्यद, अनुश्री माने या स्पर्धकांचा समावेश आहे. अक्षय तृतीयेच्या मुहूर्तावर 19 एप्रिल रोजी बिग बॉस मराठीचा फिनाले पार पडणार आहे. पण आता फिनालेआधीच बिग बॉसच्या विजेत्या स्पर्धकाचे नाव समोर आले आहे.
कोण होणार बिग बॉस मराठीचा विनर?
गेल्या काही दिवसांपासून तन्वी कोलतेचं नाव विजेती म्हणून चर्चेत होतं. पण तिच्या एका वाक्यामुळे तिच्यावर टीका होताना दिसतेय. पण आता वेगळंच नाव समोर आलं आहे. बिग बॉसचा विजेता विशाल कोटियन असल्याचं समोर येत आहे. विशालचं नाव बिग बॉसचा विजेता म्हणून विकिपीडिया वर अपडेट झालं आहे. याबद्दल कोणतंही अधिकृत नाव समोर आलेलं नाही. काही दिवसांपूर्वी विकिपीडियावर राकेश बापटचं नाव समोर आलेलं. पण विकिपिडीयावर अपडेट झालेला कुठलाही बदल हा अधिकृत नसतो. हा बदल कोणीही करू शकतो. त्यामुळे बिग बॉसचा गेम नक्की कोण जिंकणार? यावरून प्रेक्षकांची उत्सुकता ताणली आहे.
बिग बॉस मराठी सीझन 6'चा खेळ ऐन रंगात आल्यापासूनच तन्वी कोलतेचं जिंकणार असंच काहीचं बोललं जात होतं. तिचा खेळ, तिचं वागणं-बोलणं याचं सारेचजण कौतुक करत होते. पण, रेवा कौरसे घराबाहेर जात असतानाच तन्वी कोलते एक वाक्य बोलली आणि तिनं मिळवलेलं सारं गमावलं की, काय? असंच चित्र निर्माण झालं. दुसरीकडे राकेश बापटची लोकप्रियता ही विजेतेपदासाठी महत्वाची मानली जातेय. तर विशालचा आतापर्यंतचा प्रवास, त्याने केलेल्या चुका यानंतर त्याचा चढा गेम विशेष चर्चेत आहे.