Bigg boss marathi 6: आम्ही रिल स्टार नाही रिअल स्टार .. तृप्ती देसाईंचा बिग बॉसच्या स्पर्धकांना टोला, मांजरेकरांचा video शेअर करत म्हणाली ..
तृप्ती देसाई या ‘बिग बॉस मराठी 4’मध्ये स्पर्धक म्हणून सहभागी झाल्या होत्या. त्यांनी नुकत्याच शेअर केलेल्या पोस्टमध्ये त्या सीझनमधील एक आठवण सांगितली.
Bigg boss marathi 6: बिग बॉस मराठीचा सहावा सीझन सध्या मोठ्या चर्चेचा विषय ठरतोय. काही दिवसांपूर्वी आधीच्या बिग बॉस मधील स्पर्धकांनी एका मुलाखतीमध्ये त्यांच्या पर्वातील अनेक गोष्टींचा उलगडा केला होता. त्यामुळे आधीच्या परवान मधील स्पर्धकही सध्या मोठ्या चर्चेत आहेत. या पार्श्वभूमीवर चौथ्या सीझनमधील स्पर्धक तृप्ती देसाई यांनी एक पोस्ट शेअर केला या सोशल मीडिया पोस्टने नव्या चर्चेला उधाण आलं आहे. “आम्ही रील स्टार नव्हतो, रिअल स्टार होतो,” अशा शब्दांत त्यांनी आपल्या सीझनची तुलना सध्याच्या पर्वाशी केलीय. तृप्ती देसाईंची पोस्ट सध्या सोशल मीडियावर व्हायरल होतेय.
तृप्ती देसाई या ‘बिग बॉस मराठी 4’मध्ये स्पर्धक म्हणून सहभागी झाल्या होत्या. त्यांनी नुकत्याच शेअर केलेल्या पोस्टमध्ये त्या सीझनमधील एक आठवण सांगितली. त्यांच्या मते, बिग बॉसच्या घरातील त्यांचा मोठा आवाज ऐकून बॉलिवूड अभिनेता सलमान खान यांनी थेट महेश मांजरेकर यांना फोन केला होता. ही गोष्ट महेश मांजरेकर यांनी मिश्किलपणे सांगितल्याचंही त्यांनी नमूद केलं.
काय म्हटलंय तृप्ती देसाईंनी?
महेश मांजरेकर यांचा एक व्हिडिओ पोस्ट करत तृप्ती देसाईंनी त्यांच्या पोस्टमध्ये लिहिलंय, "बिगबॉसच्या घरातील माझा जोरात आवाज ऐकून "सलमान खान" यांचा फोन महेश मांजरेकर सरांना आला होता........
आमच्या सिझनसारखी मजा त्यानंतरच्या कोणत्याच सीझनमध्ये अजिबातच नाही हे मात्र तितकच खरं आहे. ते घर आहे.... तिथे माणुसकी, नाती जपणं, टास्क खेळणं, कोणालाही जेवण कमी पडून न देणे हे सर्व सुद्धा पाहणे गरजेचं आहे आणि आम्ही हे सर्व जपण्यात यशस्वी झालेलो होतो. आमचा सीजन संपून तीन वर्ष होऊन गेले परंतु या सर्व गोष्टींमुळे प्रत्येकाला तो सकारात्मकरित्या लक्षात आहे आणि म्हणूनच महाराष्ट्रात सर्वात जास्त प्रेमसुद्धा आम्हाला मिळत आहे, आम्ही रीलस्टार म्हणून नाही "रियल स्टार" म्हणून त्या सीजनमध्ये कंटेस्टंट होतो, याचा प्रचंड अभिमान आहे...... असं तृप्ती देसाई म्हणाल्यात.
View this post on Instagram
सध्या सुरू असलेल्या बिग बॉस मराठी 6 मध्ये मोठ्या प्रमाणावर 'रील स्टार्स' म्हणजेच सोशल मीडिया इन्फ्लुएन्सर्स सहभागी झाले आहेत. तृप्ती देसाई यांची पोस्ट ही सध्याच्या स्पर्धकांवर अप्रत्यक्ष टीका असल्याचं मानलं जात आहे. तृप्ती देसाई यांच्या पोस्टची सध्या सोशल मीडियावर चर्चा रंगली आहे. काहींनी त्यांच्या मताला पाठिंबा दिला. तर काहींनी सध्याच्या स्पर्धकांचं समर्थन केलं.
महत्त्वाच्या बातम्या
