Bigg Boss Marathi 6: बिग बॉस मराठीचा सहावा सीजन आता चांगलाच रंगात आला आहे. कालचा एपिसोडमध्ये सागर कारंडे (Sagar Karande) बिग बॉसच्या घराबाहेर पडला. आता बिग बॉस मराठी 6 ला त्याचा पहिला फायनलिस्ट मिळणार आहे. कलर्स मराठीने नुकताच एक प्रोमो शेअर केलाय. या प्रोमोमध्ये घरातील सदस्यांमध्ये फायनलीस्ट होण्यासाठी चढाओढ सुरू झाली आहे. बिग बॉसच्या फिनालेच तिकीट मिळण्यासाठी आता स्पर्धकांमध्ये एक लढत होणार आहे. जो सदस्य तिकीट टू फिनाले जिंकेल तो बिग बॉसचा फायनलिस्ट ठरेल. (Ticket to Finale)
तिकीट टू फिनालेसाठी स्पर्धकांची चढाओढ
सध्या बिग बॉसच्या घरात सात सदस्य आहेत. यात रेवा कौरासे, अनुश्री माने, राकेश बापट, दिपाली सय्यद, तन्वी कोलते, राखी सावंत आणि विशाल कोटियन यांचा समावेश आहे. या स्पर्धकांपैकी पहिलं फायनलिस्ट कोण ठरणार याकडे आता प्रेक्षकांचे लक्ष आहे. गेल्या अनेक दिवसांपासून बिग बॉसच्या फिनालेची ही चर्चा रंगली आहे. हम अंतिम सोहळा 19 एप्रिलला होणार असल्याचे बोललं जातंय. 17 सदस्यांपासून सुरू झालेला बिग बॉसच्या घरात नंतर चार सदस्यांची वाइल्ड कार्ड एन्ट्री झाली. आतापर्यंत 14 घराबाहेर गेले आहेत. उरलेल्या सात सदस्यांमध्ये फिनालेच तिकीट मिळवण्यासाठी खटला भरणार आहे. नुकताच कलर्स मराठीने या संदर्भातील एक प्रोमो सोशल मीडियावर शेअर केलाय.
तन्वी आणि रेवामध्ये उभा राहिला खटला
तिकीट टू फिनालेच्या उमेदवारीसाठी आता बिग बॉसच्या घरात बीबी कोर्ट उघडणार आहे. यात तन्वी आणि रेवामध्ये केस लढली जाणार आहे. आरोपपत्र दाखल झाल्यानंतर तन्वी रेवावर आरोप करताना दिसत आहे. डबल ढोलकी आणि इतरांच्या जीवावर पुढे जाणारी असा आरोप तन्वी रेवावर करताना दिसते. तर रेवा तन्वीचा गेम मला दिसला नाही असं म्हणताना दिसते. यावर 'माझ्यामुळेच तो कॅप्टन झालीस' असं तन्वी रेवाला सुनावते. या आरोप प्रत्यारोपानंतर घरातील इतर सदस्य या केसचा निकाल ठरवणार आहेत.
प्रेक्षकांसाठी आधीच ठरला विनर
या प्रोमो खाली प्रेक्षक कमेंट करत आपल्या आवडत्या सदस्याला सपोर्ट करताना दिसतात. अनेक प्रेक्षकांसाठी आधीच विनर ठरला आहे. अनेक जण तन्वी विनर होणार असल्याचे म्हणतायत. तर काहीजणांनी विशालला ही सपोर्ट केलाय. रेवा वाईल्ड कार्ड एन्ट्री म्हणून जरी आली असली तरी तन्वीने तिला खूप सांभाळून घेतलं. आता रेवाने तन्वीला सपोर्ट करायला हवा असं काहीजण म्हणताना दिसतात.