‘Bigg Boss Marathi 6’च्या ताज्या भागात प्रेक्षकांना जबरदस्त ट्विस्ट पाहायला मिळाला. भागाच्या सुरुवातीला राखी सावंतला घराबाहेर काढण्यात येणार असल्याची घोषणा झाली आणि काही स्पर्धकांनी उघडपणे आनंद व्यक्त केलेला. काही जणांनी तर सुटकेचा निश्वास टाकत तिच्या जाण्यावर हसतानाही दिसले.
मात्र काही क्षणांतच सगळं चित्र बदललं. बिग बॉसनं अचानक नवा ट्विस्ट देत राखी सावंतला घराची ‘उत्तराधिकारी’ घोषित केलं. ही घोषणा होताच घरातील स्पर्धकांचे चेहरे पडले. कारण या पदामुळे राखीला काही विशेष अधिकार मिळणार, अशी चर्चा रंगू लागली आहे.
बिग बॉसच्या घरातील समीकरण बदलणार
या अनपेक्षित घडामोडीनंतर घरातील समीकरणं पूर्णपणे बदलल्याचं दिसत आहे. सोशल मीडियावरही या एपिसोडची जोरदार चर्चा सुरू झाली आहे. बाऊन्सर्स राखीला बाहेर नेत असल्याचं दृश्य पाहून अनेक प्रेक्षकांनी ‘राखी नसली तर मजा नाही’ अशा प्रतिक्रिया दिल्या होत्या.
दरम्यान, बिग बॉसनं विनोदवीर सागर कारंडे यांना बोलावून राखीला ‘उत्तराधिकारी’चा मुकूट घालण्यास सांगितलं. घरात तिच्या नावाचा जयघोषही करण्यात आला. राखी आता या नव्या भूमिकेत काय निर्णय घेणार, याकडे सगळ्यांचं लक्ष लागलं आहे. या ट्विस्टमुळे आगामी भागांबद्दल उत्सुकता शिगेला पोहोचली आहे. घरातील इतर स्पर्धक राखीविरोधात एकत्र येणार का, की तीच गेमवर वर्चस्व गाजवणार हे पाहणं रंजक ठरणार आहे.
दरम्यान, बिग बॉसच्या घरात राखी सावंतने एन्ट्री घेताच धुमाकूळ सुरू झाला आहे. राखीचं आणि रुचिताचं जोरदार भांडण झालेलं पाहायला मिळालं. त्याचबरोबर राखीने प्रत्येक स्पर्धकामध्ये आग लावलीय. इतकंच नव्हे तर, तन्वीला प्राजक्ताविरुद्धही राखीनेचं भडकवल्याचं दिसलं. मात्र, राखीची बिग बॉसच्या घरात एन्ट्री झाल्याचा सगळ्यात जास्त आनंद सागर कारंडेला झाला आहे. राखी घरात आल्यापासून सागर कारंडे तिच्याशी फ्लर्ट करताना दिसतो आहे. या दोघांची जोडी प्रेक्षकांचे मनोरंजन करत आहे हे नक्की.