Dhananjay Powar: छोट्या पडद्यावरील सर्वात चर्चेत राहणारा रिअॅलिटी शो (Bigg Boss Marathi) म्हणजे बिग बॉस. सध्या बिग बॉस मराठीचा सहावा सिझनची चर्चा होत आहे. या आठवड्यात दोन स्पर्धकांना एलिमिनेट केले जाणार असल्याची माहिती आहे. दरम्यान, बिग बॉसचा मागील सिझनही प्रचंड गाजला. मागच्या स्पर्धकांमधून कोल्हापूरच्या रांगड्या गडीची जास्त चर्चा झाली. कोल्हापूरचा डीपी दादा अर्थात धनंजय पोवारने (Dhananjay Powar) बिग बॉसच्या घरात रंगत आणली होती. त्यानं अलिकडेच एक पोस्ट शेअर केली आहे. ही पोस्ट सोशल मीडियात व्हायरल होताच अनेकांच्या भुवया उंचावल्या आहेत. त्याने आपल्या पोस्टमधून जुनी तसेच मजेदार आठवण शेअर केली आहे.
धनंजयनं शेअर केलेली पोस्ट सध्या चर्चेचा विषय ठरत आहे. त्यानं पोस्टमधून आपली शाळेतील आठवण शेअर केली आहे. धनंजयने आपल्या पोस्टमध्ये आपल्याला बारावीमध्ये 35 टक्के मिळाले असल्याचं सांगितलं. त्याच्या रिझल्टची बातमी वृत्तपत्रातही छापून आली होती. त्यानं वृत्तपत्रात छापून आलेल्या बातमीचा फोटो पोस्ट केला. तसेच या फोटोला त्यानं भन्नाट कॅप्शनही दिलं. त्याची ही पोस्ट सध्या सोशल मीडियात चर्चेचा विषय ठरत आहे.
धनंजयला बारावीत असताना 35 टक्के मिळाले होते. जवळपास प्रत्येक विषयात त्याला 35 माकर्स मिळाले होते. त्यावेळी धनंजयच्या रिझल्टची प्रचंड चर्चा झाली. त्याच्या रिझल्टची थेट बातमीच वृत्तपत्रात छापून आली होती. त्यानं आपल्या रिझल्टच्या बातमीचं कात्रण जपून ठेवलं होतं. त्याने याचे फोटो सोशल मीडियात शेअर केले आहे. त्याने वृत्तपत्रातील फोटो शेअर करत, 'खूप वर्षांनी सापडलंय, हाय की नाय पहिल्यापासून टॉपला...', असं कॅप्शन दिलं आहे. डीपीची ही पोस्ट सोशल मीडियात व्हायरल होत आहे.
या पोस्टवर एका नेटकऱ्याने, 'दादा तुमचा विषय लई हार्ड हाय बघा..' अशी कमेंट केली आहे. मिळालेल्या माहितीनुसार, 2005 साली धनंजयने 12 वी पूर्ण केली होती. धनंजयने आपलं बारावीचं शिक्षण इचलकरंजी येथील दत्ताजीराव कदम Arts, commerce and science कॉलेजमधून पूर्ण केलं. त्यानं आर्ट्समध्ये शिक्षण पूर्ण केलं. बारावीत त्याला 35 टक्के मिळाले. काठावर पास झाल्याने धनंजयची प्रचंड चर्चा झाली.
महत्त्वाच्या इतर बातम्या: