Bollywood Flop Movie: मोठं बजेट..सुमार कंटेंट! भूमी पेडणेकरचा'हा' सिनेमा Box Office वर एवढा आदळला की फुकटातही कोणी बघेना
कुठल्याही मोठ्या ओटीटी प्लॅटफॉर्मने या चित्रपटाला विकत घेण्यास नकार दिला. शेवटी निर्मात्यांना हा चित्रपट youtube वर रिलीज करावा लागला.
Bollywood Flop Film: बॉलीवूडमध्ये असे मोजकेच चित्रपट आहेत जे बजेट पेक्षा जास्त कमाई करत रेकॉर्ड मोडतात. तर काही असेही सिनेमे आहेत जे मोठे कलाकार आणि मोठं बजेट वापरूनही बॉक्स ऑफिसवर कमाई वसूल करू शकत नाहीत. अशाच एका चित्रपटाची सध्या चर्चा रंगली आहे. 2023 मध्ये प्रदर्शित झालेला भूमी पेडणेकरचा (Bhumi Pednekar) एक सिनेमा बॉक्स ऑफिसवर एवढा जोरात आढळला की अनेक चित्रपटगृहात एकही तिकीट विकलं गेलं नाही. अनेक ठिकाणी या चित्रपटाचे शो रद्द करावे लागले. मोठे बजेट प्रसिद्ध कलाकार आणि बडे निर्माते असूनही या चित्रपटाची कमाई बजेटच्या निम्मीही होऊ शकली नाही. 45 कोटी रुपयांच्या बजेटमध्ये बनलेले या चित्रपटाने संपूर्ण भारतात फक्त 60 हजार ते 1 लाख रुपयांपर्यंतचीच कमाई केली.
कोणता चित्रपट आहे हा?
अर्जुन कपूर आणि भूमी पेडणेकर यांच्या मुख्य भूमिका असणारा द लेडी किलर हा बॉलीवूडच्या आतापर्यंतच्या इतिहासातील सर्वात फ्लॉप चित्रपट मानला जातो. 45 कोटी रुपयांचे बजेट, आणि प्रसिद्ध कलाकारांची जोडी असूनही या चित्रपटाला बॉक्स ऑफिसवर मोठे अपयश आलं. या चित्रपटाचे दिग्दर्शक अजय बहल आहेत. सस्पेन्स थ्रिलर या कॅटेगरीत मोडला जाणारा हा चित्रपट सपशेल फसला. त्यामुळे कुठल्याही मोठ्या ओटीटी प्लॅटफॉर्मने या चित्रपटाला विकत घेण्यास नकार दिला. शेवटी निर्मात्यांना हा चित्रपट youtube वर रिलीज करावा लागला.
काय होतं चित्रपटाचे कथानक?
'द लेडी किलर' सस्पेन्स थ्रिलर चित्रपटाचं कथानक कागदावर अतिशय रंजक वाटत असलं तरी प्रत्यक्ष पडद्यावर येण्यासाठी लागणाऱ्या गोष्टींमध्ये प्रचंड अपुरं पडलं. या कथेनुसार एक सामान्य माणूस एका गूढ स्त्रीच्या प्रेमात पडतो .आणि त्यानंतर अनेक रहस्य उलगडत जातात. या चित्रपटाच्या अपयशामागचा सर्वात मोठं कारण म्हणजे तो पूर्णपणे सुटच करण्यात आला नव्हता. खुद्द भूमी पेडणेकरने ही गोष्ट मिड - डेला दिलेल्या मुलाखतीत सांगितली होती. तिनं सांगितलेलं ' तिने वाचलेली पटकथा ही पूर्णपणे वेगळी होती. आणि या चित्रपटाचा अंदाजे 35% भाग हा कधीच चित्रित झालेला नव्हता. हा इतका अपूर्ण चित्रपट होता ' असं ती म्हणाली होती.
शिवाय, बजेटची कमतरता आणि अंतर्गत वादामुळे निर्मात्यांनी अनेक voiceover एडिटिंगचा वापर केला, ज्यात खूप त्रुटी होत्या. शिवाय कुठल्याही मोठ्या चित्रपटाचं रिलीज पूर्वी प्रमोशन केलं जातं. या चित्रपटाच्या बाबतीत तेही झालं नाही. ना नंतर कुठला इंटरव्यू सोशल मीडिया कॅम्पेन किंवा जाहिरात ही साधी दिसली नाही. 45 कोटी रुपयांचा बजेटमध्ये बनलेला हा चित्रपट केवळ 60 हजार ते 1 लाख रुपयापर्यंत कमाई करू शकला. इतका मोठा झाल्यानंतर हा चित्रपट प्रेक्षकांपर्यंत पोहोचवण्यासाठी निर्मात्यांना रिलीजच्या अवघ्या दहा महिन्यानंतर हा चित्रपट youtube वर फुकट दाखवावा लागला.
महत्त्वाच्या बातम्या
