Bestseller Series : अॅमेझॉन प्राईम व्हिडिओच्या नवीन सीरिज 'बेस्टसेलर'चा (Bestseller) ट्रेलर रिलीज झाला आहे. या 2 मिनिटं 36 सेकंदाच्या ट्रेलरमध्ये तुम्हाला प्रेम, विश्वासघात, भीती, मृत्यू, हिंसा आणि रोमांच सर्वकाही दिसणार आहे. 'बेस्टसेलर' या थ्रिलर सीरिजचा सस्पेन्सफुल ट्रेलर तुम्हाला लेखकाच्या एका अनोख्या प्रवासात घेऊन जाईल, ज्याचा शेवट भयंकर होऊ शकतो! 'बेस्ट सेलर'मध्ये मिथुन चक्रवर्ती, श्रुती हासन, अर्जन बाजवा, गौहर खान, सत्यजित दुबे आणि सोनाली कुलकर्णी मुख्य भूमिकेत दिसणार आहेत.


काय आहे बेस्ट सेलरची गोष्ट?


अर्जन बाजवा हा ट्रेलरमध्ये दिसत आहे. ताहिर वजीर नावाचा एक खूप मोठा आणि प्रसिद्ध लेखक आहे. एके दिवशी ताहिर वजीर एका कॉफी शॉपमध्ये पोहोचतो जिथे तो श्रुती हासनला भेटतो जी ती त्याची मोठी फॅन असल्याचे सांगते. तिथूनच खरा खेळ सुरू होतो. श्रुतीच्या हातावरची जखम पाहून ताहिर तिच्या वेदनांवर एक पुस्तक लिहू लागतो. पण या दरम्यान अशा काही घटना घडतात ज्यामुळे ताहिरला संशय येऊ लागतो. ताहिरच्या जवळच्या नातेवाईकांना रक्तस्त्राव सुरू होतो, त्यांना हल्ले होऊ लागतात. या सगळ्या घटनांमध्ये मिथुन चक्रवर्ती या सीरिजमध्ये सहाय्यक पोलिस आयुक्ताची भूमिका साकारत आहे. ते या सर्व प्रकरणाचा तपास करतात. आता तपासात नेमकं काय होणार? ताहिर दोषी सिद्ध होणार की खेळ काही वेगळाच होणार? हे तर सीरिज पाहिल्यावरंच कळेल.


 



'बेस्टसेलर' येत्या 18 फेब्रुवारीला Amazon Prime Video वर रिलीज होणार आहे. या सीरिजचे दिग्दर्शन मुकुल अभ्यंकर यांनी केले आहे. तर अल्केमी एलएलपी, सिद्धार्थ पी मल्होत्रा, सपना मल्होत्रा ​​हे या सीरिजचे निर्माते आहेत. 


महत्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha