Box Office collection: सध्या बॉक्स ऑफिसवर जर कोणत्या चित्रपटाची सर्वाधिक चर्चा असेल, तर तो इमरान हाश्मीचा ‘आवारापन 2’ ( Aawarapan 2) हा चित्रपट. या रोमँटिक ॲक्शन थ्रिलरने कमाईच्या बाबतीत ‘बटवारा 1947’ला मागे टाकत देशांतर्गत बॉक्स ऑफिसवर( Box Office collection) दमदार कमाई केली आहे. दरम्यान, लवकरच यशचा ‘टॉक्सिक’ (Toxic) हा चित्रपट बॉक्स ऑफिसवर ‘आवारापन 2’च्या मार्गात मोठे आव्हान निर्माण करण्याच्या बेतात आहे. मात्र, त्यापूर्वीच इमरान हाश्मीच्या कल्ट क्लासिक चित्रपटाच्या सिक्वेलने कमाईचा मोठा टप्पा गाठला आहे. शुक्रवारीच्या तुलनेत शनिवारी चित्रपटाच्या कलेक्शनमध्ये चांगली वाढ पाहायला मिळाली.
रिलीजच्या 9व्या दिवशी ‘आवारापन 2’ची कमाई किती?
बॉक्स ऑफिसवर अवघ्या पाच दिवसांत इमरान हाश्मी आणि दिशा पाटनी यांच्या प्रमुख भूमिका असलेल्या ‘आवारापन 2’ने 100 कोटी रुपयांचा टप्पा पार केला होता. चित्रपटाने आठ दिवसांत देशांतर्गत बॉक्स ऑफिसवर सुमारे 119 कोटी रुपयांची कमाई केली होती.
शुक्रवारी या रोमँटिक चित्रपटाने एका दिवसात 5.50 कोटी रुपयांची कमाई केली होती. मात्र, दुसरा वीकेंड सुरू होताच शनिवारी चित्रपटाच्या कमाईत पुन्हा उसळी पाहायला मिळाली.
‘आवारापन 2’ कोणत्या ओटीटी प्लॅटफॉर्मवर येणार?
‘आवारापन 2’चा दबदबा केवळ देशांतर्गत बॉक्स ऑफिसपुरता मर्यादित राहिलेला नाही. या चित्रपटाने जगभरातही चांगली कमाई केली आहे. रिलीजच्या आठ दिवसांनंतर चित्रपटाने जगभरात 169.51 कोटी रुपयांचा व्यवसाय केला होता. परदेशातील इमरान हाश्मीच्या या चित्रपटाने आतापर्यंत सुमारे 27.30 कोटी रुपयांची कमाई केली आहे.
चित्रपटगृहांमध्ये धुमाकूळ घातल्यानंतर ‘आवारापन 2’ ॲमेझॉन प्राइम व्हिडिओवर प्रदर्शित होणार आहे. याच ओटीटी प्लॅटफॉर्मवर 2007 मध्ये प्रदर्शित झालेला ‘आवारापन’चा पहिला भागही पाहता येईल.
‘आवारापन 2’ने देशांतर्गत बॉक्स ऑफिसवर सनी देओलच्या ‘बटवारा 1947’ला मागे टाकले आहे. मात्र, आता अवघ्या तीन दिवसांनंतर या चित्रपटाची थेट टक्कर यशच्या बहुचर्चित ‘टॉक्सिक’शी होणार आहे. यशच्या चित्रपटासमोर ‘आवारापन 2’ बॉक्स ऑफिसवर कितपत टिकून राहतो आणि कमाईत काय कमाल करतो, हे पाहणं उत्सुकतेचं ठरणार आहे.