Atul Gogavale Son Arya Gogavale Debut In Marathi Film: अजय - अतुल (Ajay Atul). या जोडीनं केवळ मराठीच नसून, हिंदी सिनेसृष्टीतही आपल्या संगीताचा डंका गाजवला. त्यांनी आपली कला सातासमुद्रापार नेली. अजय - अतुल यांच्या केवळ गायनाने नाही तर संगीतानेही प्रेक्षकांना मंत्रमुग्ध केलं. त्यांच्या संगीताने भारतीय सिनेसृष्टीला अक्षरश: वेड लावलं. दरम्यान, या जोडीने पुन्हा एकदा रितेश देशमुख याच्या बहु्प्रतिक्षित 'राजा शिवाजी' या सिनेमाला संगीत देऊन प्रेक्षकांना मंत्रमुग्ध केलं आहे. या सिनेमातील अँथम साँग नुकतेच रिलीज झाले आहे. या गाण्यात मराठीसह हिंदी सिनेसृष्टीतील कलाकार पाहायला मिळत आहे. दरम्यान, या गाण्यात एका खास गोष्टीने सर्वांचेच लक्ष वेधून घेतले आहे.
'राजा शिवाजी' या ऐतिहासिक चित्रपटाचं अँथम साँग प्रदर्शित झालं आहे. 'छत्रपती' असे गाण्याचे नाव आहे. या खास गाण्यात सिद्धार्थ जाधव यांसह अनेक दिग्गज कलाकारांची झलक पाहायला मिळाली. दरम्यान, या गाण्यात गायक अतुल गोगावले यांच्या मुलाचीही पहिली झलक पाहायला मिळाली आहे. अतुल गोगावले यांचा मुलगा आर्य गोगावले 'राजा शिवाजी' या चित्रपटाच्या निमित्ताने मोठ्या पडद्यावर झळकणार आहे.
अतुल गोगावलेंचा मुलगा झळकला 'राजा शिवाजी' चित्रपटात(Atul Gogavales Son Makes Debut in Chhatrapati Song)
गोगावले घराण्याचा वारसा आता संगीतापुरते मर्यादित राहिले नाही, तर त्यांच्या पुढच्या पिढीने अभिनय क्षेत्रातही पदार्पण केलं आहे. 'छत्रपती' या गाण्यात अतुल गोगावलेंचा मुलगा आर्यला पाहून अनेकांनी त्याचं कौतुक केलंय. अतुल गोगावलेंनी याची पोस्ट सोशल मीडियात शेअर केली आहे. या पोस्टवर कमेंट करुन सिनेसृ्ष्टीतील कलाकारांनी त्याचं कौतुक केलं आहे. अतुल गोगावलेंच्या पोस्टवर मुलगा आर्य गोगावलेने 'लव्ह यू पप्पा' अशी कमेंट केली आहे. सध्या अतुल गोगावलेंची पोस्ट सोशल मीडियात व्हायरल होत आहे.
'छत्रपती' हे गाणं रेमो डिसूझाने कोरिओग्राफ केलं आहे. या गाण्यातून कलाकारांची एक वेगळीच ऊर्जा आणि उत्साह पाहायला मिळत आहे. या गाण्यात शेकडो कलाकारही दिसत आहे. सोशल मीडियावर प्रेक्षक तसेच नेटकऱ्यांनी या गाण्याचं कौतुक केलं आहे.
रितेश देशमुखचा बहुचर्चित 'राजा शिवाजी' हा चित्रपट महाराष्ट्र दिनी अर्थात 1 मे 2026 रोजी सिनेमागृहात प्रदर्शित होणार आहे. या चित्रपटात रितेश देशमुखने छत्रपती शिवाजी महाराज यांची भूमिका साकारली आहे. विशेष म्हणजे या सिनेमाचं दिग्दर्शनही त्यानंच केलं आहे. या सिनेमात तगड्या कलाकारांनी महत्त्वाच्या भूमिका साकारल्या आहेत. रितेश देशमुख व्यतिरिक्त या ऐतिहासिक सिनेमात जिनिलिया देशमुख, महेश मांजरेकर, सचिन खेडेकर, बोमन इराणी यांच्याही महत्त्वाच्या भूमिका आहेत. या चित्रपटातून छत्रपती शिवाजी महाराज यांचा इतिहास पुन्हा अनुभवता येणार, यात शंका नाही.
महत्त्वाच्या इतर बातम्या: