Asha Bhosle Health Update: 'सुरों की मल्लिका' आणि बॉलिवूडच्या (Bollywood News) दिग्गज गायिका आशा भोसले (Asha Bhosle) यांची प्रकृती सध्या चिंताजनक असल्याची माहिती मिळत आहे. प्रकृती अस्वास्थामुळे ज्येष्ठ गायिका आशा भोसले यांना मुंबईतील (Mumbai News) ब्रीच कँडी रुग्णालयात (Breach Candy Hospital) दाखल करण्यात आलं असून त्यांच्यावर उपचाप सुरू आहेत. त्यांची नात जनाई भोसलेनं (Zanai Bhosle) दिलेल्या माहितीनुसार, चेस्ट इंफेक्शन आणि अति अशक्तपणामुळे त्यांना 11 एप्रिल रोजी रुग्णालयात दाखल करण्यात आलेलं. सध्या आशा भोसले यांच्यावर रुग्णालयात 'आपत्कालीन वैद्यकीय विभागात' (Emergency Medical Unit) उपचार सुरू आहेत.
92 वर्षीय आशा भोसले यांच्या प्रकृती अस्वास्थामुळे खालावणाऱ्या प्रकृतीची बातमी ऐकून चाहत्यांमध्ये खळबळ उडाली आहे. मनोरंजन क्षेत्रातील दिग्गज व्यक्तींपासून ते सामान्य चाहत्यांपर्यंत, प्रत्येकजण या गायिकेच्या लवकरात लवकर बरं होण्यासाठी प्रार्थना करत आहे. अशातच पंतप्रधान नरेंद्र मोदींनीही आशा भोसले यांच्या प्रकृतीबाबत चिंता व्यक्त केली आहे.
पंतप्रधान मोदींनी व्यक्त केली चिंता
भारताचे पंतप्रधान नरेंद्र मोदी यांनीही ज्येष्ठ गायिका आशा भोसले यांच्या प्रकृतीबाबत चिंता व्यक्त केली आहे. ट्विटरवर पोस्ट करताना पंतप्रधान मोदी यांनी लिहिलंय की, "आशा भोसले जी यांना रुग्णालयात दाखल करण्यात आल्याचं समजल्यापासूनच मला मनापासून चिंता वाटली. त्यांच्या उत्तम प्रकृतीसाठी आणि लवकरात लवकर बरं होण्यासाठी मी प्रार्थना करतो..."
आशा भोसले यांची प्रकृती कशी?
गायिकेच्या प्रकृतीबाबतच्या सुरुवातीच्या वृत्तांमध्ये, आशा यांना हृदयविकाराचा झटका (कार्डियाक अरेस्ट) आल्यामुळे रुग्णालयात दाखल करण्यात आल्याचं म्हटलं गेलंय. दरम्यान, कुटुंबीयांनी अद्याप याला दुजोरा दिलेला नाही. आशा भोसले यांची नात जनाई भोसले हिनं त्यांना थकवा आणि चेस्ट इन्फेक्शनमुळे दाखल केल्याचं सांगितलंय.
महत्त्वाच्या इतर बातम्या :