'रात्रीस खेळ चाले 'फेम शेवंता खऱ्या आयुष्यात झाली Mrs गोवळकर ; पती कोण माहितीये?
अपूर्वाच्या या पोस्टवर नेटकरी,चाहते आणि मित्र मंडळींकडून लाइक्स आणि कमेंट्सचा वर्षाव करण्यात येतोय.
Apurva Nemlekar : मराठी मनोरंजन सृष्टीतील लोकप्रिय अभिनेत्री अपूर्वा नेमळेकर हिनं चाहत्यांना सुखद धक्का दिला. अपूर्वानं एक खास पोस्ट शेअर थेट लग्नाचे फोटोच शेअर केले. ना प्रपोज ना साखरपुडा...थेट लग्नाची बातमीच तिनं चाहत्यांसोबत शेअर केल्यानं चाहत्यांनाही आनंदाचा धक्का बसलेला. वैयक्तिक आयुष्यातला हा आनंद तिनं चाहत्यांसोबतही शेअर केला. अपूर्वाच्या या पोस्टवर नेटकरी,चाहते आणि मित्र मंडळींकडून लाइक्स आणि कमेंट्सचा वर्षाव करण्यात येतोय.
अपूर्वा नेमळेकर झाली मिसेस अपूर्वा तनुज गोवळकर
अपूर्वा नेमळेकर हिने आपल्या आयुष्याची नवीन इनिंग सुरू केली. 14 फेब्रुवारी 2026 रोजी, म्हणजेच व्हॅलेंटाईन डेच्या खास दिवशी तिनं तनुज गोवळकर याच्याशी लग्न केलं. कुटुंबीय आणि जवळच्या मित्र मैत्रिणींच्या उपस्थितीत हा लग्नसोहळा पार पडला.
अपूर्वा नेमळेकरचा पती आहे तरी कोण?
अपूर्वानं तिच्या पोस्टमध्ये तिचं नाव 'अपूर्वा तनुज गोवळकर' असं लिहिलं आहे. अपूर्वा आणि तनुज यांची भेट नेमकी कुठं, कशी झाली? त्यांचं लव्ह मॅरेज की अरेंज...अशा सगळ्या प्रश्नाची उत्तर जाणून घेण्यास चाहते उत्सुक आहेत. तनुज हा सिनेइंडस्ट्रीशी संबंधित नसल्याचं म्हटलं जातंय. एका बड्या परदेशी कंपनीत Principal Business Analyst या पदावर तो कार्यरत आहे. तर त्याला भटकंतीची विशेष आवड आहे.
अपूर्वाच्या लुकची सोशल मीडियावर चर्चा
लग्नासाठी अपूर्वानं अस्सल मराठमोळा साज केला होता. तिनं गडद हिरव्या रंगाची पारंपरिक नऊवारी साडी, नाकात नथ आणि हातात हिरवा चुडा असा लुक तिला शोभून दिसत होता.
View this post on Instagram
अपूर्वाने रात्रीस खेळ चाले या मालिकेत ' शेवंता ' ही भूमिका साकारली. या भूमिकेमुळे ती घराघरात पोहोचली. तिला प्रचंड लोकप्रियता मिळाली. अण्णा नाईक आणि शेवंता ही जोडी आजही प्रेक्षकांच्या लक्षात आहे.
महत्त्वाच्या बातम्या
