गळ्यात तुळशीची माळ, कपाळावर टिकली; एअरपोर्टवर पती विराटसोबत स्पॉट झाली अनुष्का; साध्या, सोज्वळ अंदाजावर खिळल्या नजरा

तिचा साधा पण आकर्षक लुक पाहून चाहत्यांच्या नजरा तिच्यावर खिळल्या. सोशल मीडियावर या पावर कपलच्या साधेपणाची जोरदार चर्चा रंगली आहे.

Virat Anushka

Source : ABPLIVE AI

Anushka Sharma Virat Kohli: दीर्घकाळापासून कोणत्याही चित्रपटात न दिसलेली अभिनेत्री अनुष्का शर्मा (Anushka Sharma) सध्या पुन्हा चर्चेत आली आहे. नुकतीच ती तिचा क्रिकेटपटू पती विराट कोहलीसोबत (Virat Kohli) मुंबई विमानतळावर स्पॉट झाली. या वेळी दोघांचा साधा पण स्टायलिश अंदाज पुन्हा एकदा चर्चेचा विषय ठरला. तिच्या गळ्यातील तुळशीची माळ आणि कपाळावरील बिंदीने सर्वांचे लक्ष वेधले. तिचा साधा पण आकर्षक लुक पाहून चाहत्यांच्या नजरा तिच्यावर खिळल्या. सोशल मीडियावर या पावर कपलच्या साधेपणाची जोरदार चर्चा रंगली आहे.

सिंपल लुकमध्ये दिसले विराट-अनुष्का

सोमवारी सकाळी विमानतळावर दिसलेल्या या कपलचा लूक चाहत्यांना आवडला. विराट कोहलीने सेमी-फॉर्मल साधा लुक निवडला होता. त्याने बेज रंगाचा शर्ट आणि ब्लॅक ट्राउझर घातला होता, तसेच सनग्लासेससह त्याने आपला लुक पूर्ण केला. तर अनुष्का शर्माने व्हाईट रंगाचा फ्लोरल प्रिंट सूट परिधान केला होता. त्यासोबत तिने मॅचिंग दुपट्टाही घेतला होता. मात्र, तिच्या गळ्यातील तुळशीची माळ आणि कपाळावरील बिंदीने सर्वांचे लक्ष वेधले आणि तिच्या साध्या लुकची खास चर्चा रंगली.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

चाहत्यांकडून प्रतिक्रिया

अनुष्का आणि विराटचा हा व्हिडिओ पाहिल्यानंतर सोशल मीडियावर चाहत्यांनी भरभरून प्रतिक्रिया दिल्या. काहींनी अंदाज व्यक्त केला की हे कपल पुन्हा वृंदावनला किंवा मंदिरात जात असावे. एका युजरने लिहिले, “हे नक्कीच वृंदावनला जात आहेत.” तर दुसऱ्याने त्यांच्या साध्या लुकचे कौतुक केले. अनेकांनी अनुष्का किती गोड दिसतेय, असे म्हणत तिच्यावर कौतुकाचा वर्षाव केला. विराटच्या लुकचेही चाहते कौतुक करताना दिसले.

विराट-अनुष्काची लव्ह स्टोरी

विराट कोहली आणि अनुष्का शर्मा यांची पहिली भेट 2013 मध्ये एका जाहिरातीच्या सेटवर झाली होती. मैत्रीपासून सुरू झालेलं हे नातं पुढे प्रेमात बदललं. काही वर्षे नातं खासगी ठेवल्यानंतर डिसेंबर 2017 मध्ये दोघांनी इटलीतील टस्कनी येथे खसगी पण थाटात लग्न केलं. लग्नानंतर 2021 मध्ये अनुष्काने मुलगी वामिकाला जन्म दिला. त्यानंतर फेब्रुवारी 2024 मध्ये या जोडप्याने मुलगा अकायचे स्वागत केले. मुलांच्या प्रायव्हसीबाबत हे कपल नेहमीच सावध भूमिका घेताना दिसते.