अंकिता वालावलकर अन् तिच्या नवऱ्याचं प्रेम कसं जुळलं, पहिल्या भेटीत काय घडलं? 'तो' किस्सा केला शेअर
Ankita Walawalkar marriage revelation interview: अंकिता वालावलकरला बिग बॉस मराठी सिझन 5 मधून प्रसिद्धी मिळाली. तिने संगीतकार कुणाल भगतसोबत गेल्या वर्षी फेब्रुवारीत लग्न केले.
Ankita Walawalkar afraid of marriage reason: बिग बॉस मराठी फेम आणि इन्फ्लुएंसर अंकिता वालावलकर ही आपल्या स्पष्टवक्तेपणासाठी ओळखली जाते. तिला विशेष ओळख बिग बॉस मराठी सिझन 5 मधून मिळाली. गेल्या वर्षीच्या फेब्रुवारी महिन्यात तिनं लग्नगाठ बांधली. अंकिताने संगीतकार कुणाल भगतसोबत विवाह केला होता. दोघांच्या लग्नाची प्रचंड चर्चा झाली होती. दोघांचं नेमकं जमलं कसं? हे जाणून घेण्यासाठी प्रेक्षक कायम उत्सुक असतात. दोघांच्या पहिल्या भेटीत नेमकं काय घडलं? याचा खुलासा तिनं अलिकडेच एका मुलाखतीतून केला. अंकिताने या मुलाखतीत पहिल्या भेटीचा किस्सा शेअर केला.
लग्नाबाबत अंकिता म्हणाली, 'विचार केला नव्हता कधी लग्न करेन.. मी लग्नासाठी घाबरत होते, ही जबाबदारी घेण्यास मी तयार नव्हते. कुणालसोबत मी बोलले, भेटले.. तेव्हा माझा काहीही हेतू नव्हता की या व्यक्तीशी मला लग्न करायचं आहे. काही जुळतंय का बघूया, असं माझ्यात मनात विचार नव्हता', असं अंकिता म्हणाली.
'कुणालची जशी गाणी असतात, तसा तो बऱ्याचदा काव्यातमक बोलतो. मला त्याने भुरळ पाडली. मनाने आणि स्वभावाने कुणाल खूप हळवा आहे. तो खूप छान बोलतो', असं अंकिताने आपल्या जीवनसाथीबद्दल सांगितलं. 'मी एकाच गोष्टीसाठी लग्न करायला घाबरत होते. आम्ही तीन बहिणी आहोत. मी घरात मोठी आहे. दोन्ही बहिणीचं लग्न झाल्यानंतर माझ्या आई वडिलांचं काय? अशी मला चिंता सतावत होती. या कारणामुळे मी लग्न करण्यासाठी विचार करत होते. जेव्हा मी कुणालसोबत या गोष्टींवर बोलले, तेव्हा त्याने शाश्वती दिली की, तुझ्या घरात माझ्यामुळे बदल नाही होणार. कुणालच्या बोलण्यातून मला कायम जाणवलं की, त्याला त्याची फॅमिली खूप महत्त्वाची आहे', असं अंकिता म्हणाली.
View this post on Instagram
'माझ्या घरात मी मोठी आहे आणि कुणालच्या घरात तो लहान आहे. कुणालला त्याच्या घरात मुन्ना असं म्हणतात, मी त्याला नेहमी सांगते, तुझ्या घरात तू 'मुन्ना' आहेस, पण माझ्या घरात मी अंकिता आहे, हा आपल्यात थोडासा फरक आहे. माझ्या घरात काही घडलं तर, माझे आई वडील निर्णय घेताना माझा सल्ला घेतात, पण तुझ्या घरात निर्णय घेण्यासाठी तुझे मोठे भाऊ आहेत.. हे सगळं बॅलेन्स होताना पाहिलं. तेव्हा म्हटलं बघूया काय होतंय का? आणि मग घडलं', असं अंकिताने मुलाखतीत सांगितलं.
महत्त्वाच्या बातम्या
